انا قرفت بجد ....... الاغانى الشعبي

**iwantes350** · 13-02-2012 01:30 AM

السلام عليكم ورحمة الله وبركاته
ازيكم يا احلى اعضاء واحلى منتدى واحلى قسم وانا ادمنت عليه اوى
الموضوع وما فيه
اكيد كلكم سمعتو الانحطاط والقرف اللى شغال اليومين دول وبالذات فى ال TOKTOKs
الاغانى الشعبي بس مش الشعبي الحلو لا الشعبي بتاع المغنى الاسطورى

الاستاذ عمرو ((حاحا)) والتانى اللى اسمه ((فيجو)) وغيرهم كتير
اولا انا الحمد لله مش بسمع القرف ده
بس انا قرفت من كل حاجة مش معقولة ابقي نايم فى اوضتى واصحى على ((يا بابا يا بابا يا بابا الحقنى من العصابه)) من توك توك راكن بنضف توكتوكه .
والاحقر بقى الاغنية الواطية السفلة اللى اولها ((و البنت مديحة .....................))
واغانى تانيه كتير و حتى كل موسيقتهم واحده ومفيش اى تجديد
ولكم ان تتخيلو كمية الالفاظ البشعة اللى فى الاغنية
انا لما بكون قاعد مع العيلة بنتغده او قاعده عائلية ولاقي توك توك ماشي ومشغلها ومعلى اخر كاسيته
والله ببقي فى نص هدومى ادامهم من الكلا الحقير اللى فيها والمشكلة انهم مش بيتكسفو((التكاتك . سواقين التكاتك)) وهما مشغلينها بأعلى صوت..
انا مش عايز اظلم السواقين المحترمين بس للاسف اغلبهم بيشغل الزفت ده
وبعدين بقي انا زهقت وقرفت
فين اغانى زمان يا جماعة الكلام الحلو
او حتى على اقل تقدير الشعبي النضيف بتاع زمان
انا محتاج رائيكم وعايز اعرف الغلط فيييييييييييييييييييييييي يين؟؟
ومتشكرين على حسن استماعكم
بمعنى ادق حسن قرايتكم

**amr.elsayed** · 13-02-2012 01:43 AM

حاجة اخر قرف قال يقولك البنت مديحة وفيجو قال هو فى احلى من الدخلوية

**eng.m7md.ali** · 13-02-2012 01:45 AM

المشاركة الأصلية كتبت بواسطة iwantes350

انا مش عايز اظلم السواقين المحترمين

ستووووووووووووووب
سواقين محترمين فين
هو فيه منهم محترمين ؟؟
لا حاسب ارجوك انت كدة بتظلم المحترمين

**FunnyMickey** · 13-02-2012 01:52 AM

ولسه
بقالهم اهو قنوات بتعملهم كليبات
كام بت زباله
علي شخص اقل ما يقال عليه انه ينتمي لصفه الرجوله
وهيا تيمه واحده
وكلام بيتغير
واي هكص في اي كلام

سمكه علي بلطيه
علي وش الميه

يعني ايه الكلام ده
ما معناه يعني

شويه عالم صيع ومحششين قالوا اي كلام وطلعوا سموه اغنيه

بس نرجع ونقول اللي ضيع العالم دي معروف كويس
كان مقصود ان المجتمع يتقسم

نص غني اوي
ونص في الحضيض
يروح مطلع الناس دي

شرب ليل ونهار
وخلاص علي كده
حسبي الله ونعم الوكيل

**NoOoOoUr** · 13-02-2012 02:00 AM

فعلااا والله ليك حق بجد... مش عارفة حتى الكتاكيت دى ليها نفس تعمل حاجة ... ماحدش يستغرب ايون انا مسمياهم (كتاكيت)ههههههههههه يادوب حاجة تليق عليهم .. مش عارفة دة عبارة عن اية بالضبط بس ايا كان شبه الخنفس.لو اتخض هايتقلب على طول ..هههههه ... لا بجد فعلا بقت حاجة تقرف ولا الاغانى انا اول مرة فى حياتى اسمع اغانى بالهبل والدونية دى حاجة فعلا تزهق...المفترد يعملوا للحاجات دى اباادة اصلا..

**SYD** · 13-02-2012 02:26 AM

في اغنية زبالة كدة بسمعهم علي طوول مشغلنها

هاتي حتة يابت

ششموني بصلة اغم عليا

اي كلام في اي حاجة فعلا

والعجيب ان الي بيسمعوها بيبقوا مبسوطين

وتلاقي واحد قاعد جمبه
رفيع طحن
ولابس كاب معرفش بيجيبوه منين ، كاب كدة تحس انه مطول دماغهم او يمكن هو مش بيلبسوا ويكبسوا كويس علي دماغه ومطول شعره من ورا وسالخ جناب راسه من الشعر
هههههههههههه

عاملها في مسمط

سامط دماغه
ههههههههههههه

ربنا يرحمنا
والله المستعان
،
،

**wassim_nasser** · 13-02-2012 02:34 AM

الاغانى الشعبية اللي تحس صوتها اليكترونى دي شغل دي جيهات بس دي جيهات عين شمس والمطرية .. والقصة كلها ان الاغانى دي بتكون اعادة توزيع لأغانى قديمة ومشهورة زي عدوية وحمدي بتشان بشكل عصرى (من وجهة نظرهم) عشان يقدروا يبلعوها .. ساعات برضه النوعية دي من الاغانى بيحبوا يحطوا فيها حكم وغالبا بتكون عن شلة الاصحاب اللي دخلت بينهم بنت خليتهم يخسروا بعض .. أو اللي باع اهله أو ذمته عشان واحدة (المزاج الشعبى كده انا مالى ) .. الاتجاه الجديد اللي ماشى اليومين دول ان كل دي جي يبقى مسيطر علي منطقه و يعمل اغنية يحيى فيها الناس اللي ف منطقته زي محلات الكبابجية والفكهانية والورش و دي جيهات كل منطقه يعملوا اغنية يردوا بيها علي ديجيهات المناطق التانية .. هاتلاقي اغنية للزتون واغنية لعين شمس و هكذا .. ظاهرة شعبي الديجيهات ابتديت أرصدها من أواخر 2009 ولقيت انها انتشرت بين سواقين الاجره و موبايلات طلبه ثانوى ف القاهره ومنها لباقي المحافظات .. ولسه اللي جاي احلى

**wassim_nasser** · 13-02-2012 02:38 AM

سؤالي بس للراجل المحترم صاحب الموضوع هو حضرتك من صدفا ولا ابوتيج ولا منفلوط ولا ديروط ؟ أصل صعب خالص تلاقي توك توك ف اسيوط

-

الموضوع: انا قرفت بجد ....... الاغانى الشعبي

LinkBack

أدوات الموضوع

عرض

-

-

-

-

-

المواضيع المتشابهه

بايك رخيص جدا ويكاد يكون البايك الشعبي في مصر

فاكرين الاغانى دى؟؟

قصة الحي الشعبي

الكلمات الدلالية لهذا الموضوع

المفضلات

المفضلات

ضوابط المشاركة