ticketing

**matrix_it** · 13-02-2012 11:01 PM

هو عبارة عن ايه الكورس دة و بكام ؟؟؟؟؟

**beshomilan** · 13-02-2012 11:26 PM

الكورس ده بتاع حجز تذاكر الطيران على برامج زى اماديوس وجاليليو وكنت قريت مره فى الوسيط عن ان فيه شركة بتديه بس بصراحة مش فاكر التفاصيل
وفيه مراكز بتديه فى مصر ولو دورت على جوجل هتلاقى

**shaddadfalcon1** · 13-02-2012 11:37 PM

ده في انهي مجال ده؟ جايز يكون قصد حضرتك Markting ?

**شريف** · 14-02-2012 12:16 AM

اللي اعرفه انه ب ١٥ بس شركه الطيران هي اللي بتدفعهولك

**MohaMed_Refaat** · 14-02-2012 03:22 AM

المشاركة الأصلية كتبت بواسطة شريف

اللي اعرفه انه ب ١٥ بس شركه الطيران هي اللي بتدفعهولك

هو ب600 جم زفى مركز ف طنطا بيدى الكورس دة كنت مرة سالت فية وقالى كل 10 ايام الكورس بيبدا ومدتة 20 يوم ...

**matrix_it** · 15-02-2012 05:24 PM

طب لو اخدته هيبقى سهل انى اشتغل بيه انا عايز اخده علشان اشتغل فى الصيف دة بس او لو فيه حاجة زى كدة يبقى تمام

**beshomilan** · 18-02-2012 08:15 PM

لا صعب تشتغل بيه لانه بيعرفك ازاى عمل سيستم الحجز وكل ميزاته وعيوبه وايه هى ال iata واختصارات المطارات وكل شىء عن الطيران بس بشكل مجمل
وده بيؤهلك انك تاخد كورسات اماديوس وجاليليو بتوع حجز تذاكر الطيران وتكون قاعد فاهم فيهم اللى بيتشرحلك
ودول بتخلص الكورس وتمتحن امتحانهم الدولى وبيطلع النتيجة وبيفرق كتير تقديرك فى النتيجة عشان تشتغل
وبعد كده تنزل تدريب فى مصر للطيران او اى مكان تانى او تبدا شغل فى مكاتب صغيره لحد ماربنا يفتحها عليك وتكبر
بس تذكر ان الموضوع مش صعب وفى خلال سنتين ممكن توصل لاماكن كويسه بس لازم تحب الوظيفه دى وتقرا عنها كتير عشان تنجح وتكون عارف عواصم العالم وفوارق التوقيت ومواسم الاسعار فى الطيران وهكذا

**MohaMed_Refaat** · 18-02-2012 10:42 PM

المشاركة الأصلية كتبت بواسطة beshomilan

لا صعب تشتغل بيه لانه بيعرفك ازاى عمل سيستم الحجز وكل ميزاته وعيوبه وايه هى ال iata واختصارات المطارات وكل شىء عن الطيران بس بشكل مجمل
وده بيؤهلك انك تاخد كورسات اماديوس وجاليليو بتوع حجز تذاكر الطيران وتكون قاعد فاهم فيهم اللى بيتشرحلك
ودول بتخلص الكورس وتمتحن امتحانهم الدولى وبيطلع النتيجة وبيفرق كتير تقديرك فى النتيجة عشان تشتغل
وبعد كده تنزل تدريب فى مصر للطيران او اى مكان تانى او تبدا شغل فى مكاتب صغيره لحد ماربنا يفتحها عليك وتكبر
بس تذكر ان الموضوع مش صعب وفى خلال سنتين ممكن توصل لاماكن كويسه بس لازم تحب الوظيفه دى وتقرا عنها كتير عشان تنجح وتكون عارف عواصم العالم وفوارق التوقيت ومواسم الاسعار فى الطيران وهكذا

دة الموضوع طلع صعب وطويل وعايز تفرغ
بس انا لما سالت فى المركز فى طنطا قالى انة الكورس ف برنامج اماديوس وبتتدرب على استخدامة

وياترى لو زى مبتقول بتمتحن الامتحان الدولى بتاعهم فين ؟؟!!!!؟؟

**matrix_it** · 18-02-2012 11:06 PM

طب انا عاوز ادرس اى حاجة بحيث تخلينى اشتغل فى الصيف

**beshomilan** · 18-02-2012 11:54 PM

بص دى تفاصيل الكورس

كورس مصر للطيران :
4 ليفل منهم 3 نظري وواحد عملي ومدته 3 شهور ب 5000 جنية وبيكون في المطار

كورس أماديوس مصر :
لمدة 10 ايام او اسبوعين علي حسب المواعيد الصبح ولا بليل ب 600 يورو بما يعادل 4800 جنية وده في سيتي ستارز شامل الامتحان بتاع اماديوس مصر اللي ممكن حد يكون دارس او واخد الكورس في مكان تاني يروح ياخده هناك بس والامتحان تقريبا لوحده تكلفته 60 يورو بما يعادل 480 جنية وده في سيتي ستارز

كورس مركز نزيه :
ده بقي ب 600 ج الكورس كلو ازاي مش عرفة واللي سمعته عنه ع النت انه كويس وبيأهلك ان تروح تمتحن في اماديوس مصر الامتحان فقط والمركز ده في حدائق الزيتون ومدته اسبوعين

خللى بالك انا قلتلك الموضوع مش صعب بس المجال ده ممتع جدا وممتاز جدا ولازم وانت بتاخد الكورسات دى تاخد انجلش عشان تكون محترف انجلش وتقدر تدخل مصر للطيران وتوماس كوك وغيره

وواضح يا matrix_it انك لسه طالب..بص نصيحة من اخ ركز فى حاجة معينه بس انا شايف اسهل مجال ممكن تدخله هو مجال الكول سنتر وخدمه العملاء والمبيعات وده مبيحتاجش خبره فى معظم الاماكن الكبيره زى رايه وايكو ووصله واكسيد بس لازم الانجلش يكون ممتاز..وانا مش عارف ظروفك ايه فيه
وفيه كمان حتت كتير ممكن تدخلها بس لازم يكون فى تفرغ لانك بتعمل عقد

الموضوع: ticketing

LinkBack

أدوات الموضوع

عرض

-

-

الكلمات الدلالية لهذا الموضوع

المفضلات

المفضلات

ضوابط المشاركة