خناقة بسبب جادثة - من الجاني ومن المجني عليه

**SYD** · 14-02-2012 05:07 PM

النهاردة وانا رايح الشغل الساعة 2:30 بالتمام علي الدائري للمتجه من المريوطية لميدان لبنان

لقيت الطريق وقف بعد بالظبط حوالي 500 او 600 متر من طلعة المريوطية

ولقيت الناحية التانية عربية نقل وواقف فوقها واحد ماسك شومة ونازل تكسير في الزجاج الأمامي (البربريز) انا في البداية افتكرتهم بلطجية ومحاولة سرقة بالأكراه (بس منين بيسرق ومنين بيكسر) لما قربت شوية الرؤية اتضحت اكتر

انها خابطة عربية نص نقل من الصندوق الخلفي ولفاها حوالين نفسها بحيث ان النص نقل بعرض الطريق واكصدام العربية النقل (مقطورة) داخل في نص العربية بالظبط

وواحد تاني واقف علي السلم بتاع السواق وماسك بردو شومة وبيكسر في الزجاج بردو والمرايات

طبعا انا كدة فهمت الوضع

العربية النقل خبطت العربية النص نقل

فما كان من سائق النصف نقل الا ان نزل وهات يا تكسير في العربية النقل (بياخد حقه بدراعه)

طبعا دة ادي الي توقف تام للطريق الراجع من ميدان لبنان متجه الي الرماية والمريوطية

نفسي افهم ليه ساد مبدأ الغابة
نفسي افهم ليه الموضوع اتطور للشكل دة
ليه الناس بقت عدوانية واسلوبها مش متحضر

ربنا يصلح الحال

والله المستعان
،
،

**فادى محمد** · 14-02-2012 05:14 PM

احساس الناس ياباشمهندس ان مافيش امن ومفيش حكومه
ومفيش حد بياخد حقه ,هو اللي عمل كده .ثقافه القوه سواء
كنت الجاني او المجني عليه ,ربنا يصلح احوالنا.

**aly_hosny** · 14-02-2012 05:21 PM

سائق النص نقل عارف انه لو حاول ياخد حقه بالقانون مش هيعرف

ولو سواق النقل اعترف على نفسه برضو مش هيعرف ياخد حقه بالقانون

**Elawany13** · 14-02-2012 05:22 PM

هيه ديه الموضه
كله بياخد حقه أو ساعات مبيكونش حقة وفاكر ان حقه
بالدرااااااااااااع وبشتيمة والبتكسير وبالضرب وبالبلطجه
يلعن ابو الجهل اللى بقينا عايشيين فيه

**Ashraf_Ashraf** · 14-02-2012 05:26 PM

عشان شئ بسيط جدا انه مافيش قانون يعطيك حقك فورا ولا يحمل اللى غلطان نتيجه غلطه وطبعا حط عليهم بقى لو واحد غلطان وسمج ورزل فى كلامه بدل مايعتذر يطول لسانه فتقوم الخناق وكل واحد وقوته للاسف الشديد
يوم مانلاقى زى اى بلد فى الدنيا الغلطان يتحمل الغلط ويجى البوليس المحترم يقدر مين اللى غلطان ويلزمه بالتعويض يبقى يومها بس مش هتشوف المناظر دى

**ahmed_mido1889** · 14-02-2012 05:28 PM

الخلاصه ظبط سواقين الرخص المهنيه

واحد باوتوبيس تبع الجامعه البريطانيه او المدرسه البريطانيه ومعاه ركاب

و معاه مشرف الباص وماشي بيغرز ولزق في عربيتي من ورا علشان ماشي علي 90 وبطلع من تريلا

وبعدها ما عجبوش اني ما غيرتش حاره زنق عليا كان هيخليني البس في الحواجز الخرسانيه

وعمل حركه نابيه بايده

وبعد كده بعدي كان عايز يخبطني باي طريق بقيت اكل الغرز الضيقه علشان ابعد عنه بمقدار كويس احمي نفسي منه

والله لو كنت خدت رقم الاوتوبيس واتاكدت من الجامعه او المدرسه كنت هروح اشتكيه واخليه يتفصل من الشغل
وبصيت علي اي عربيه شرطه واقفه علي الدائري من التجمع للاوتوستراد للاسف مفيش

كنت هبلغ عنه واخليهم يوقفوه

**tutankhamoun** · 14-02-2012 05:33 PM

لسببين
الأول من الأساس مفيش قانون ينظم طريقة السواقة أصلا
تلاقي واحد بهيم (لامؤخذة ) ماشي يبرطع في الطريق و هاتك يا غرز و قلة أدب و غرز كمان على الضيق
و في الآخر ممكن يخبط واحد تاني و في النهاية ممكن كمان ينزل يبجح و يقل أدبه
و بالتالي أستفزاز للمجني عليه

و كمان غياب تنفيذ القوانين أصلا و غياب الداخلية و غياب الأخلاق و آخر واحدة دي مهمة قوي
الناس يا سادة معندهاش صبر
النقل بيشد ...... و الميكروباظ بيشد ....... و النص نقل بيشد ....... و الملاكي بيشد
و محدش فاهم يعني أيه سلامة و أمان و محدش فاهم أو واعي لأي حاجة تتعلق بأي حاجة

و في الآخر مصر = سمك لبن تمر هندي من قبل الثورة و من بعد الثورة أصبحت كل حاجة سيئة بسبب أخلاق الناس

-

-

الموضوع: خناقة بسبب جادثة - من الجاني ومن المجني عليه

LinkBack

أدوات الموضوع

عرض

خناقة بسبب جادثة - من الجاني ومن المجني عليه - انشر الموضوع فى :

-

-

-

-

المواضيع المتشابهه

خناقة في الشارع بسبب ...... تيييييييت

لكل من تكالبت عليه الهموم وضاقت عليه الدنيا وغلب عليه التشاؤم

وصف جهنم من جبريل عليه السلام للرسول عليه الصلاة والسلام

اللى له حد فى السودان ومش عارف يطمن عليه او قلقان عليه يتصل بالرقم ده

الكلمات الدلالية لهذا الموضوع

المفضلات

المفضلات

ضوابط المشاركة