الموضوع: لانوس ولا نيسان

المشاركة الأصلية كتبت بواسطة sehsss

شوف يا ريس، أنا كانت معايا دايو لانوس 2004 وبعتها وجيبت نيسان صني، طبعا أنا ركبت الدايو وركبت الشيفروليه وعارف إن فيه فرق بينهم لصالح الدايو، واللانوس فئة والصني فئة تانية، في اختلافات كتير بينهم من قوة موتور (اللانوس 1500 سي سي، 86 حصانا، 8 صباب) و(الصني 1600 سي سي، 118 حصانا، 16 صباب) يعني في فرق كبير في قوة الموتور والتكنولوجيا لصالح الصني، دا غير طبعا إن الصني أعلى من اللانوس، وشنطتها أكبر، وعفشتها أفضل بمرااااااااحل، وفراملها طبعا انت عارف إن اللانوس تقريبا ما فيهاش فرامل، والتكييف..... إلخ، وربنا يوفقك للخير

100 100

انا ركبت الانوس من سنة 2006 ل 2010 ومشيت 80000 كيلو وركبت الصني من 2010 لحد دلوقتي ومشيت 18000 كيلو
الانوس ممكن تسمع منها اصوات غريبة كتير واصوات تزييق من العفشة والفرامل بس عادي لازم تكبر دماغك , اما في الصني مش باسمع اي اصوات غير صوت الموتور اللي هو عالي نسبيا بس بردو اوطي من الانوس
قطع غيار الانوس الاصلية مش معمره وي مثيلاتها في الصني , يعني مثلا انا غيرت حاجات في الانوس زي شريحة الكهربا اللي يتطلع للبواجي وطرمبة البنزين واجهزة الفرامل وماستر الفرامل وديسك واسطوانة وبلية ومساعدين ورا كذا مره , لكن في الصني ماغيرتش غير زيت وفلتر بس مع العلم ان العربيتيين زيرو وتحت نفس ظروف الاستخدام
الانوس موفره في البنزين عن الصني كتييير وقطع غيار اللنوس متوفره جامد وسهل جدا تلاقيها للانوس علي عكس الصني
سحب النيسان احسن طبعا من الانوس والثبات الاتنين كويسين بس النيسان ليها طعم مختلف عن الانوس علي الطرق السريعة عشان التعليق الخلفي المتصل للنيسان ممكن يعملك مشكلة لحد ما تتعود علية , لكن بمجرد التعود علي العربية العربيتيين ثابتين
بالنسبة للتكييف الاتنين ممتازين بس تكييف الصني بيفصل اما الانوس مش بيفصل بس بالنسبة للبروده ممتازين
الخامات زي الطابلوة وفرش البيبان في الصني جلد , لكن في الانوس باغة بلاستيك
الانوس لازم تفضل تعمل لها صيانة طول ماهي معاك مش صيانة جامده بس مطلوبة لكن الصني ممكن تنساها 3 سنين ناتفكرش تفتح الكبوت الا لتغيير الزيت

المشاركة الأصلية كتبت بواسطة Sameh_OO7

حضرتك لو بتتكلم فى نعومة وعزل كويس وميهمكش اى حاجة تانى يبقى جيب ( هيونداى ) ، ولو عايز نعومة وعزل جيد وفرامل وثبات معقول يبقى ( نيسان تيدا ) بس حضرتك لو هتبيع اللانوس وتجيب صنى هتبقى خطوة لقدام برضه الصنى تتفوق على اللانوس فى كل حاجة سواء : علو عن الارض ، ثبات ، فرامل ، صاج ، موتور

المشاركة الأصلية كتبت بواسطة Sehsss

شوف يا ريس، أنا كانت معايا دايو لانوس 2004 وبعتها وجيبت نيسان صني، طبعا أنا ركبت الدايو وركبت الشيفروليه وعارف إن فيه فرق بينهم لصالح الدايو، واللانوس فئة والصني فئة تانية، في اختلافات كتير بينهم من قوة موتور (اللانوس 1500 سي سي، 86 حصانا، 8 صباب) و(الصني 1600 سي سي، 118 حصانا، 16 صباب) يعني في فرق كبير في قوة الموتور والتكنولوجيا لصالح الصني، دا غير طبعا إن الصني أعلى من اللانوس، وشنطتها أكبر، وعفشتها أفضل بمرااااااااحل، وفراملها طبعا انت عارف إن اللانوس تقريبا ما فيهاش فرامل، والتكييف..... إلخ، وربنا يوفقك للخير

الاعضاء جابوا لحضرتك من الاخر , فعلا المقارنة هتظلم فيها اللانوس دى فئه و الصنى فئه اعلى ,دا غير ان الصنى يبانى يعنى اعتمادية اكبر من اللانوس و الثبات و عوامل الامان من abs ,airbags .

انا ركبت الانوس و معايا صنى الصنى افضل بمراحل فى كل شى بس اكبر عيبين فى الصنى بالنسبة ليا العزل مش حلو بسمع صوت الطريق و المطباط و انا ماشى و الكنبة الخلفية ضيقة صوت المتور عالى شوية بعد 3 فى الار بى ام غير كدة هى عربية محترمة و ناعمة جدا و بتستحمل