حفلة خيرية لحمزة نمرة يقيمها صناع الحياة في اسكندرية

**a7madramadan** · 14-02-2012 11:14 PM

أولاً شكرا للأستاذ كريم منير على موافقته لاضافة الموضوع ده وهو اعلاني في شكله :)

مؤسسة صناع الحياة في الاسكندرية هتقيم حفل لحمزة نمرة هتروح كل ايراداته لمشروعات المؤسسة الخيرية على رأسها مشروع انسان (لمكافحة الفقر والتسرب من التعليم ولي الشرف كوني جزء منه) ومشروع العلم قوة (لمحو الأمية من سن 35 و طــالع ) ومشروعي حماة المستقبل و دماغ ولكن (لمكافحة الادمان للشباب وعلاج المدمنين) و مشروع صحتنا الي بدأ من أشهر في القاهرة كأول محافظة وهدفه علاج خيري للفقراء و محاولة حل مشاكل الصرف الصحي و تكوم القمامة في العشوائيات والمناطق الفقيرة

الحفلة هتكون في كلية الهندسة في الاسكندرية يوم 16 مـــارس والتذاكر موجوده مع ليدر كل فرق مشاريع صناع الحياة و موجوده معايا و أقدر أتصرف في أي عدد ان شاء الله

الي مهتم بحضور الحفلة دي يقدر يتواصل معايا شخصيا سواء برسالة خاصة او على تليفوني الموجود في صفحتي هنا وهاجيبله التذكرة ان شاء الله في أي مكان في الاسكندرية وسعرها 30 جنيه وهتروح كاملة لتمويل مشاريع صناع الحياة فالاسكندرية والحفلة مصاريفها كلها تحمل أعبائها حمزة نمرة و شركة أخرى لن أذكر اسمها لان ده مش موضوع اعلاني وعائداتها كلها للمؤسسة

دي صورة للإيفنت المعمول ليها على الفيسبوك

و شكرا كمان مرة للأستاذ كريم منير :)

**fepsceasar** · 15-02-2012 11:27 AM

16 مارس ده الخميس مش الجمعة
هى الحفلة الخميس ولا الجمعة وفين بالظبط في مسرح كلية الهندسة ولا ايه ان شاء الله اكون موجود فى اسكندرية بس عايز اعرف التفاصيل كويس لانى مش مقيم فى اسكندرية

**فتح الباب** · 15-02-2012 04:55 PM

اخى الكريم ماذا عن الانضمام فى مؤسسة صناع الحياه كعضو . ان كان هناك مجال رجاء فكره سريعه واشكرك

**LanCeLoT** · 15-02-2012 11:10 PM

المشاركة الأصلية كتبت بواسطة فتح

اخى الكريم ماذا عن الانضمام فى مؤسسة صناع الحياه كعضو . ان كان هناك مجال رجاء فكره سريعه واشكرك

++++11111

**a7madramadan** · 15-02-2012 11:11 PM

يوم 16 مــارس هو يوم جمعة الحقيقة ومافيش غلطة حضرتك فاتح الــ Calendar على شهر فبراير .. و الحفلة هتكون جوة كلية الهندسة اسكندرية هتخش من باب الكلية عادي هتظهر بس التيكيت بتاعة الحفلة على البوابة بتاعة الكلية والتاكر موجوده معايا ومع كل قيادة الفرق في مشروع انسان ومشروع والعلم قوة وحماة المستقبل فالاسكندرية ... ولو حضرتك عاوز تشتريها مقدما كلمني لو حضرتك هتنزل اسكندرية قبل الحفلة وهأجيبلك التذكرة لحد عندك ان شاء الله وحتى لو عاوز عدد كبير أقدر أروح للمؤسسة وأجيب العدد الي حضرتك عاوزه

والأستاذ فتح يشرفنا انضمام حضرتك معانا ابعتلي تفاصيل عنوانك عشان مش متاحة والنشاط الي حابب تشترك فيه

**a7madramadan** · 15-02-2012 11:13 PM

LanCeLoT ابعتلي عنوانك والنشاط الي حابب تشترك فيه ويشرفنا انضمامك :)

**a7madramadan** · 21-02-2012 03:59 PM

طيب ايييييييه مش هنشوفوا رجالة نايل موتورز فالحفلة الخيرية ولا اييييه :d

**a7madramadan** · 07-03-2012 10:48 PM

شباب التذاكر خلاص خلصت الحمد لله من المؤسسة وفاضل عدد بسيط خــالص لأعضاء مشروع انسان نفسه وممكن نطلع منهم 3-4 بالكتير قوي لو حد حابب يحضر الحفلة وعاوز تذكرة يكلمني خلال اليومين دول بالكتير و بعدها نبقى خلصنا بحمد لله :)