بفكر اشتري سامسونج جلاجسي اس 2

**KhaledGub** · 15-02-2012 02:20 AM

السلام عليكم
بفكر اشتري Samsung galaxy S2
بس عندي كام سؤال كدة للي مجربين اولا
ايه عياوبه بالظبط؟؟ وهل فعلا بطاريته ضعيفة جدا؟؟ وبتقعد قد ايه مش تصفح نت كتير والعاب ؟؟
ايه اخبار تصوير الكاميرا فيه هل فيه فرق ملحوظ مثلا عن السامسونج جلاكسي اس 1 غير الفلاش؟؟
وسؤال بالنسبة للسعر انا سمعت ان السامسونج جلاجسي اس 3 هينزل قريب - مش عارف ديه اشاعة ولا بجد - المهم ده لو نزل بالتأكيد الجلاجسي اس 2 هيرخص ففي احتمال ان الجلاجسي 3 ينزل قريب؟؟
وشكرا

**ahmad--ezzat** · 15-02-2012 03:42 AM

البطاريه هتقعد معاك يوم زى اى موبيل
الكاميرا افضل من ال 1 بمراحل
ال s3 لو نزل مش هيقل عن 6 الاف جنيه

**MNabeih** · 15-02-2012 03:49 AM

هو ما شاء الله ممتاز انا شاريه من شهرين كدة و زي الفل
عيبه بس الخامات بتاعته مش قيمة بس رفييع و تمسكة في ايدك بسهوله و خفيف
انما غير كدة منتاااز
و واخد احسن موبيل لسنة 2011
البطارية لو استخدام تقيل للنت و العاب و كدة هو يوم
لو في المعقول يوم و نص
لو مكالمات بس و يدوبك بتدخل علي النت تشوف حاجة و تطلع علي طوول ممكن يومين

**khaled_yassin** · 15-02-2012 09:36 AM

طب ما تفكر فى جالكسى تاب 7.7
شاشة اكبر بكتيييييييييييييير

**swimmer25** · 15-02-2012 10:26 AM

استخدم فوق متوسط يعني واي فاي معظم اليوم بس شغال ايميل بس من غير براوس ومكالمات متوسطة والعاب خفيف اوي البطارية تستحمل معاك من يوم ليوم ونص واعتقد كده حلو
كل حاجة بعد كده تمام
البراوسنج مع انه كويس...لكن لو هتستخدمه كتير براوسنج يبقي شاشته صغيرة شوية لو عادي تدخل تبص علي حاجة ...يبقي شغال

العيب الوحيد اللي غايظني اوي في الاندرويد....لازم عشان ارد او اكنسل اسحب الزرار الاخضر او الاحمر...بسترخمها اوي...صحيح فيه طريقة لتفادي ده بانك ترفض المكالمة عن طريق زرار الباور وترد عن طريق زرار الهوم بس مش عايز اعملها اكتف عشان كتر الدوس علي الزرار اكيد يضعفه
كمان لما تحب تنهي المكالمة بعد ما تخلص لازم تبص للموبايل وتستني حضرته لحد ما ينور عشان تدوس علي الزرار الاحمر بتاع الانهاء (اللي هو كان زرار في موبايل النوكيل القديم وكان الموضوع ده سهل اوي عندي لان مكانه محدد فبيتعمل عمياني)

**khaled_yassin** · 15-02-2012 10:42 AM

المشاركة الأصلية كتبت بواسطة kar!m

التاب فاشل فى استخدامه كتليفون .. عن تجربه.

من الاخر

عاوز موبايل ... اشترى موبايل
عاوز تاب ... اشترى تاب
عاوز لابتوب ... اشترى لابتوب

مفيش ولا واحد فيهم بيقوم بوظيفة التانى.

لا تعال هنا بقى يا باشا وفهمنى وبالراحة
انت مشترى ايه وعمل معاك ايه

**al_manara** · 15-02-2012 11:32 AM

المشاركة الأصلية كتبت بواسطة kar!m

التاب فاشل فى استخدامه كتليفون .. عن تجربه.

من الاخر

عاوز موبايل ... اشترى موبايل
عاوز تاب ... اشترى تاب
عاوز لابتوب ... اشترى لابتوب

مفيش ولا واحد فيهم بيقوم بوظيفة التانى.

**kar!m** · 15-02-2012 02:13 PM

المشاركة الأصلية كتبت بواسطة khaled_yassin

لا تعال هنا بقى يا باشا وفهمنى وبالراحة
انت مشترى ايه وعمل معاك ايه

بص أنا بركب مواصلات كتير .. فقلت أستغنى عن الموبايل و أجيب حاجه تمشى الاتنين .. تليفون و تابلت .. فا جبت ال سامسونج جالاكسى تاب 7 بوصة .. بص هو هايل تتفرج على فيديو .. فى الجى بى اس كويس .. بس فى القرايه مش أوى .. عشان الشاشه مش كبيره زى العشرة بوصة.

كتليفون بأه حدث ولا حرج .. لازم تكون ماشى بهاند فرى .. غير كده .. كبير لو خارج مع أصحابك أو ماشى من غير شنطه .. و صعب جدا تستخدمه و انت سايق.

و فى نفس الوقت لا يغنى عن الكمبيوتر أو اللابتوب بأى حال من الأحوال الا لو كل اللى بتعمله انك بتتفرج على فيديو و تدخل على الانترنت.

فا زى ما قلت لك .. لو محتاج تابلت .. هات اى باد أو سامسونج 10 بوصه .. عاوز تليفون متزودش عن سينسيشن اكس ال أو اى فون.

**speed demon666** · 15-02-2012 03:29 PM

التليفون يا باشا زي الفل .... انا شاريه من شهر أو اكتر شوية .... فوق الممتاز و يمكن أحسن من الأيفون ... البطارية بس هي اللي مش عجبناني أوي بس ليها حلول كتيييير

توكل على الله و إشتريه

-

الموضوع: بفكر اشتري سامسونج جلاجسي اس 2

LinkBack

أدوات الموضوع

عرض

-

-

-

-

-

-

المواضيع المتشابهه

أنا بفكر اشتري ال tablet دة

محتار اشتري أي نوع من موبايلات سامسونج !!!

بفكر اشتري مزرعة

بفكر اشتري a113

بفكر اشتري ميجان

الكلمات الدلالية لهذا الموضوع

المفضلات

المفضلات

ضوابط المشاركة