الموضوع: شكر للاستاذ هشام رمضان

السلام عليكم
احب اشكر الاستاذ هشام بك رمضان
الموضوع كنت مخلص شغلى على الساعه 6فى م نصر وعديت على البيت بمصر الجديده علشان اخد بنتى للدكتور بوسط البلد
افتكرت ان امبارح عيد الفاللانتين
طبعا واحنا راجعين الساعه 8 تقريبا لقيت المدام ضاربه بوز شبرين - على اعتبار انه مافيش عزومه و لا رتل بارفان او حزمه ورد من اللى الشباب طول ما احنا ماشيين بيهادى بيها محبينه.
المهم اعمل ايه يا جلجل
كلمت الاستاذ هشام الله يستره
وقلتله 1/2 ساعه و اجيلك اتغذى انا و حرمنا المصون
المدام مكلمتش و افتكرت انى عامل بده بقصد الاحتفال بالفالانتين
بس الحقيقه انا دماغى فى حاجه تانيه خالص
سامع صوت زقزقه فى المساعد الامامى يمين و متجنن موش وقت تغيرر مساعد اطلاقا .
المهم المكان عند ا هشام هادى و مناسب للخصوصيه و متلاقيش غير مستوى محترم من الحضور ودى مهمه للى بيبقى خارج مع اسرته
طبعا موش هاتكلم على حفاوه الاستقبال و الكرم الزائد جدا جدا
و بعدين يا هشام بك - ده كتير و الله و كان كل شويه يتطمن و اختار لنا ترابيزه على النيل مع الجو الجميل بتاع امبارح و الحمد لله كل حاجه مشيت تمام و زى الفل . و المدام و احنا راجعين انبسطت و قعدت تقولى موش كان واجب تقولى - و ربنا ستر
انا بس عاوز اشكره من غير مجامله و الله و يارب يقدرنا على رد جمايله...
الف شكر يا هشام بك..