تيجو: شركة سيارات بدون اي اصل وكلنا عارفين قصتها وكلمة اسبرنزا يعتي الامل باللغة الايطالي - والعربية بتتباع علشان ابو الفتوح فهم عقلية المستهلك المصري (شكل وإمكانيات الغالي بسعر رخيص) لكن طبعا مغ الاختلاف الفظيع في خبرة التصنيع وإمكانيات العربية ودرجات الامان بيها وجودتها (موتور وخامات وصاج وكفاءة ال abs وهكذا ... ) وبعد رأي الفنيين واصحاب التيجو انك بعد ما بتاخد حلاوة الزيرو بتاعها لازم متابعة كتير للعربية وتغير قطع الغيار بيها
الداستر: انتاج شركة عريقة جدا وهي تصنيع روماني وليس فرنسي بس عيبها ان مفيش منها اتوماتيك وعلشان كده مش منتشرة رغم انها عربية كويسة اوي
فيتارا: سيارة ممتازة لكن وكيل سئ جدا رجع بالسوزوكي ل 20 سنة ورا رغم النجاحات السابقة للفيتارا القديمة وعلشان كده اختفت وسط عملاقة اليابان في مصر زي ميتسوبيشي وهندا وتويوتا.
تريوس: سيارة جيدة جدا وشكلها قوي وياباني 100% بس الحلو مش يكمل التوكيل برده سئ بس احسن من السوزوكي .
الترتيب : تريوس ثم داستر (لانها مش اتوماتيك) ثم فيتارا ثم تيجو
انا شخصيا شايف ان ثمن العربية في فراملها مش في جريها يعي لو ماشي على 160 ايه اللي هيحصل لو لقدر الله ظهر حاجة ودوست فرامل ؟ واعتقد ان ده الفرق بين المرسيدس والفيرنا والصيني
المفضلات