أيه قطع الغيار الأستيراد اللى بلاش اجيبها ؟

**sohard111** · 16-02-2012 10:55 AM

السلام عليكم
ياريت حد يفيدنى من الخبراء عن ايه اللى اجيبه عامة فى قطع الغيار جديد ولازم يكون يجديد غير الفلاتر وايه اللى عادى لو جيبته استيراد يعنى امثلة على القطع اللى لازم تيجى جديد
الكلام عامة والأخص فى فيات سيينا لآن قطع غيارها الجديدة غالية جدا والأستيراد رخيصة
شكرا

**saadelden** · 16-02-2012 02:29 PM

باختصار الحاجه الي فيها كاوتش يفضل تجيبها جديده لانها بتستهلك سواء 10 سنين ولا شهر ماتعرفش حصل فيها ايه
غير طبعا الكاوتش كل مابيقدم كل مابيضعف و بتروح خواصه و طبعا مش هايعيش

غير كدا الي تجيبه استيراد مش هايفرق
زي الفوانيس و الصاج و الصالون و فرش الابواب
التابلوه و العدادات
فرش الارضيه و فرش الابواب و اكر الابواب
مكن ازاز الكهربا ع التجربه
ماتور كامل بمشتملاته من غير اي لعب
العفشه يفضل دايما تبقى جديده لان انت ماتعرفش الاستيراد دي كان بيحصل فيها ايه انت و نصيبك

**sohard111** · 16-02-2012 03:33 PM

الف شكر يا اخ سعد على المعلومات ديه
فيه ناس قالتلى فيه حاجات لازم تيجى جديد زى
طقم الدبرياج
طلمبة البنزين
سير الكاتينة
طقم البستم والبيل
الردياتير
المساعدين
والفلاتر كلها

هل الكلام ده صح ولا غلط ؟
ولو فيه حاجة تانية ياريت اعرفها

**saadelden** · 16-02-2012 04:26 PM

المشاركة الأصلية كتبت بواسطة sohard111

الف شكر يا اخ سعد على المعلومات ديه
فيه ناس قالتلى فيه حاجات لازم تيجى جديد زى
طقم الدبرياج
طلمبة البنزين
سير الكاتينة
طقم البستم والبيل
الردياتير
المساعدين
والفلاتر كلها

هل الكلام ده صح ولا غلط ؟
ولو فيه حاجة تانية ياريت اعرفها

اكيد طبعا لانها بتستهلك زي الكاوتش ماشي ع الارض بيتاكل

الي بيجيب الحاجات دي استيراد ياما مضطر او عايز يصلح العربيه بأقل التكاليف عشان هايبيعها مثلا او تقضيه فتره صغيره

و طبعا زود عليها المقصات و كل الخراطيم ف العربيه و الفيوزات