معايا 70 اجيب زيروا ولا مستعمل؟؟

**engineer82** · 16-02-2012 03:38 PM

السلام عليكم

ياريت اعرف رايكم خاصه اهل الخبرة فى السيارات

لو الواحد معاه فى حدود 70 -75 الف يجيب حاجه زيروا زى لوجان او بروتون ساجا او لانوس
ولا يجيب حاجه مستعمله زى لانسر بس عددها عامل كيلومتر كتيييييير

فيه ناس بتقول الزيروا احسن ومش هتشيل همه خالص
وناس بتقول لو جبت زيروا وحبيت تبيع كمان كام سنه - وده وارد جدا - هاخسر كتييير خاصه مع العربيات الجديده اللى فى رنج ال 70 الف
والافضل اجيب مستعمل كويس اهو كده كده سعرة نزل علشان مستعمل ولما تحب تبيع بعد كده مش هتخسر كتير وتبقى عربيه ليها سوق زى الانسر

انتوا ايه رايكم؟؟؟؟
محتار وعايز اجيب عربيه بسرعه ومش عارف اعمل ايه؟؟؟

**drpeter** · 16-02-2012 04:42 PM

الزيور يافندم علشان تبقى في المضمون من وجهة نظرى الشخصية
وارشح ليك البى وادى دى اف ثرى 2012 مانيوال فول اوبشن
عن جد رائعة جدا
ويمكنك الدخول الى قسم البى واى دى وتشوف

رأى الشخصى وعن تجربة
BYD F3 2012 مانيوال زيرو فول اوبشن ( امتلك واحدة )
الموتور بتقنية ميتسوبشى 1600 سى سى
عفشة مثل التيوتا
ناقل حركة 5 سرعات
زجاج ومرايات كهربائية + وحدة تحكم بـ باب السائق
زجاجا خلفى فامية شيك
جنوط سبور 15 "
شنطة عربية واسعة جدا
السيارة من الداخل واسعة + عالية عن الارض
ثبات عند السرعات العالية ممتاز فانا جبت بيها 140 وبصراحة كانت ثابته وجيدة رغم انى لا احب السرعات العالية لكن من احساسى بالثبات دا اللى جرئنى شوية
السيارة بصراحة موفرة في البنزين والتنك 50 لتر سعته الرسمية

وسائل الامان من 2 اير باج + abs + ebd
سنتر لوك وانذار
تكيف بارد تلاجة وساخن فرن
فوج لايت خلفى
يوجد بها عداد رحلات TRIP A - TRIP B
امكانية تعديل وضع الطارة
CD AUDIO + وصلة MP3

للامانة المانيوال تقفيل مصرى جيدا جدا وليس سيئ ويعطيك اختيار بين فتحة سقف او بدون
السعر كاش من شهرين كان 71 الف لا اعرف الان بكام

الاتوماتيك زيادة فيها بفتحة سقف
التكييف تاتش + الدريسكون ملتى اوبشن + الفتيس مثل النيسان 2008 او 2009

تحياتى

**amrelsaqqa** · 16-02-2012 04:57 PM

رأيي الشخصى حاجة مستعمل بس تكون نضيفة اوى
يعنى مثلا عربية سعرها العادى 65 وهات منها حاجة نضيفة اوى بـ 70 هتركب ركوبة نضيفة ان شاء الله

والزيرو ما بقاش مضمون
وهم 5 سنين بالكتير اوى والعربية هتروح زهوتها لأن مع احترامى للعربيات اللى في الرينج ده
هى المفروض انها اصلا مش عربيات

هات مثلا حاجة سكودا اوكتافيا a4

او ميجان مثلا بس شوف انت ايه نظامك في قطع الغيار والتوكيل برضه عشان في ناس بتخاف تركب الالمانى او الفرنساوى عشان قطع الغيار واعادة البيع

**just4fun** · 16-02-2012 05:17 PM

المشاركة الأصلية كتبت بواسطة amrelsaqqa

رأيي الشخصى حاجة مستعمل بس تكون نضيفة اوى
يعنى مثلا عربية سعرها العادى 65 وهات منها حاجة نضيفة اوى بـ 70 هتركب ركوبة نضيفة ان شاء الله

والزيرو ما بقاش مضمون
وهم 5 سنين بالكتير اوى والعربية هتروح زهوتها لأن مع احترامى للعربيات اللى في الرينج ده
هى المفروض انها اصلا مش عربيات

هات مثلا حاجة سكودا اوكتافيا a4

او ميجان مثلا بس شوف انت ايه نظامك في قطع الغيار والتوكيل برضه عشان في ناس بتخاف تركب الالمانى او الفرنساوى عشان قطع الغيار واعادة البيع

+111111111111 ,خليك فى الانسر حالة نضيفة و اكشف عليها ,هى احسن اختيار لاعادة البيع و توافر قطع الغيار و سهولة صيانتها ده غير اعتماديتها .

**ayman1204** · 16-02-2012 05:22 PM

الزيرو ( زيرو )
والمستعمل عمره ما هيكون مضمون ابدا

رينو لوجان اتوماتيك

**engaass** · 16-02-2012 05:38 PM

لو عندك وقت انك تعمل صيانات فى اى وقت يبقى ميزة المستعمل انك هتركب عربية بامكانيات اعلى
انما لو معندكش وقت وخبرة يبقى هات زيرو عشان تبقى فى المضمون
انا شخصيا معايا لانوس 2010 من الزيرو ولو رجع بيا الزمن ممكن افكر فى عربية زى الل لانسر او الانترا مستعملة او الماتريكس بس انا بصراحة معنديش وقت خالص انى اروح بالعربية لعمل اصلاحات مفأجاة وعشان كده دى ميزة الزيرو انى بعمل الصيانات الدورية فقط

**mohamed_mesho3** · 18-02-2012 04:26 AM

المشاركة الأصلية كتبت بواسطة ayman1204

الزيرو ( زيرو )
والمستعمل عمره ما هيكون مضمون ابدا

رينو لوجان اتوماتيك

+11111111

**MEKAWY2000** · 18-02-2012 11:56 AM

ممكن نيسان 2011او 2010 افضل لوقارنت السعر تلاقى النيسان تكسب واسمها يابانى وتيجى تبيع تبقى يبانى وتيجى تصين تلاقى توكيل محترم مش زى الامل للسيارات سمعه سيئه