كنت ناوى على شارك هاى لاين

**midobond** · 17-02-2012 01:13 AM

بجد انا كنت مبهور يا جماعة بموضوع الموتور الجديد ده و لما سألت على سعر الهاى لاين فلت مش مشكلة منا بدفع ف يابانى برضه
بس فى حاجات كتير قفلتنى منها ازاى عربية يابانى محترمة و تمنها 163000 و فتيسها 4 سرعات بس و من غير بلوتوث و النكبة بقى كمان الفتيس اوتو عادى مش ستيبترونيك!!!!! فى حين ان فى عربيات كتيييييييييير اقل منها زى الكروز و السيراتو و حتى الكارينز فيها 5 و 6 سرعات و بلوتوث و ستيبترونيك مش فعلا حاجة غريبة يعنى العالم كله بيتطور و ميتسوبيشى حاشرة نفسها جوا القمقم مش عاوزة تطلع منه

**midobond** · 17-02-2012 01:15 AM

يعنى لو كان فيها الكلام ده كنت هتغاضى عن حاجات كتير تعيب العربية زى الشنطة الضيقة و سعر اعادة البيع اللى ف الارض

**ma7oo** · 17-02-2012 06:29 PM

انا معايا هاى لاين برضه وانا بجيبها كان قدامى كل الكورى اللى فى الاوبشنز اللى بتقول عليها بس بصراحة مش شايف ليهم اى لازمة لا البلوتوث ولا الفتيس الاوتو الستيبترونك ولا ال6 سرعات ودى بتختلف من شخص للتانى ....شوف انت اولوياتك ايه

**VTC** · 17-02-2012 08:10 PM

لو انت عايز حاجه للمنظره على الفاضي ( فتيس ستيبترونك والكلام الفاضي دا ) يبقى خليك في الكيا والكوري
عايز ثبات عالي واعتماديه واداء خليك في اللانسر

وغير كل دا شوف انت ايه احتياجاتك من العربيه لان هيا الي هتحددلك العربيه الي تجيبها

**IronHead** · 17-02-2012 08:32 PM

موضوع الفتيس ده مش بس فى اللانسر, كل اليابانى ال1600 فتيسه تقلدى 4 سرعات اوتو
عندك الكورولا, والتيدا والصنى, والتريوس, والسوزوكى, حتى السوبارو, الهوندا سيفيك ازيد نقله, بس فتيس اوتو عادى 5 سرعات
اليابانى بينزل الفتيسات المطورة والCVT فى فئة الاكبر 1800cc و ال2000 وانت طالع لغرض فى نفس يعقوب اليابانى

**midobond** · 17-02-2012 08:50 PM

مش هى دى النقطة اللى بتكلم عليها انا بتكلم على سعر العربية المبالغ فيه يعنى ايه هى الكماليات اللى يتقدمهالك العربية مقابل ال 163 الف دول

**IronHead** · 17-02-2012 10:00 PM

انا الصراحه مستكتره برضه, بس على فكره كماليات العربية مش قليله زى ما انت فاكر, هيا ينقصها بس بلوتوث ومثبت سرعه, غير جدا فيها سمارت كى وده مش موجود غير فعربيات قلله جدا فى الفئة دى

وبعدين انت محير نفسك ليه, لو فارقه معاك البلوتوث والفتيس الستبتروتنك قوى اكتر من اداء العربية وعمرها الافتراضى خليك فى الكروز والسيراتو والكارينز ودى عربيات مش وحشه ولو عاملتها كويس وبحنيه مش هتكسفك

**midobond** · 18-02-2012 12:31 AM

لا طبعا انا يبفرق معايا الاداء جدا خصوصا انى شاب يعنى برضه استعمالى مش لدرجة التخميس و الكلام ده عمال على بطال بس عاوز عربية تدينى تسارع محترم و موتور قوى اكيد انت فاهم دماغ الشباب برضه طيب هتعبك معايا واضح ان حضرتك خبير بالشارك ايوة
ممكن تقولى كل الكماليات و الرفاهية اللى ف الهاى لاين بالتفصيل معلش هرخم عليك و سؤال تانى معلش هى فيها حوار سنسور الرجوع لورا ده اللى بيظهر زى كاميرا ف المراية ده؟

**MIVEC.A92** · 18-02-2012 01:34 AM

روح أتفرج علي العربية عند دايموند موتورز ... و علي فكرة العربية الهاي لاين بتديك حاجات كتير جدا

-تكييف هواء اوتوماتيك

- باور ستيرنج

- نوافذ كهربائية امامية و خلفية

- مرايات الابواب كهربائية

- نظام غلق مركزى

- نظام فتح الابواب بلامفتاح

- نظام الحماية ضد السرقة

- تعليق مرتفع عن سطح الارض

- زجاج امامى عازل

- زجاج فامية مثبت علي الرخصة (في الخلف)

- نظام فتح غطاء الوقود و الشنطة الخلفية من الداخل

- شماسة مزودة بمرايا و اضاءة و حاملة تذاكر

- مرايا رؤية خلفية نهار و ليل

- هوائى سقف

- مصابيح رئيسية امامية هالوجينية مع ايقاف تلقائى

- اكصدامات امامية و خلفية ملونة

- حامل اكواب امامى

- طفاية حريق

- عدة الاسعافات الاولية

- مثلث الطوارى

- جهاز قياس ضغط الاطارات

- مقابض ابواب خارجية ملونة

- حركة الكرسى امامية و خلفية مع امكانية الامالة و ضبط الارتفاع

- جنوط سبور

- مقاعد قابلة للطى

- مسند خلفى مزود بحامل اكواب

- حواجز اتربة امامية و خلفية

- مصابيح ضباب امامية عاكسة

- التحكم فى الحرارة مع اطار من الكروم

- مقبض الفتيس و فرامل اليد مكسويين بالجلد

- سبويلر

- نظام تشغيل بلامفتاح

- فتحة سقف كهربائية التحكم فى الامالة و الانزلاق

- منفذ يو اس بى

- راديو سى دى

- 9 سماعات

**IronHead** · 18-02-2012 10:55 AM

المشاركة الأصلية كتبت بواسطة midobond

لا طبعا انا يبفرق معايا الاداء جدا خصوصا انى شاب يعنى برضه استعمالى مش لدرجة التخميس و الكلام ده عمال على بطال بس عاوز عربية تدينى تسارع محترم و موتور قوى اكيد انت فاهم دماغ الشباب برضه طيب هتعبك معايا واضح ان حضرتك خبير بالشارك ايوة
ممكن تقولى كل الكماليات و الرفاهية اللى ف الهاى لاين بالتفصيل معلش هرخم عليك و سؤال تانى معلش هى فيها حوار سنسور الرجوع لورا ده اللى بيظهر زى كاميرا ف المراية ده؟

مافيهاش حساس ركن او كاميرا, انا ركبت كاميرا كويسه بره ب 500 جنيه, وهى مهمه جدا عشان شنطه العربيه عاليه ومش بتشوف العربيه اللى وراك

دى كل كماليات الهاى لاين منقول من موضوع قديم:

1- ناقل الحركة اتوماتيك
2- 2 وسادة هوائية للسائق و الراكب الأمامي
3- التحكم في الصوت من عجلة القيادة(مالتي فنكشن)
4- كمبيوتر رحلات بخلفية سوداء و عارضة بيانات ملونة
5- مكيف هواء اتوماتيك
6- مرايا جانبية كهربائية
7- مرآة رؤية خلفية نهار و ليل
8- شماسة مزودة بمرآة و اضاءة
9- باور كهرباء
10- حساس ضوء
11- مقابض أبواب داخلية كروم
12- فانوس ستوب مدمج بالشنطة
13- نظام فتح الأبواب بلا مفتاح
14- الفتيس و الطارة و الهاند بريك مكسوين بالجلد
15- مقاعد خلفية قابلة للطي
16- مقابض الابواب الخارجية كروم
17- زجاج كهرباء
18- كونسول
19- زجاج اخضر
20- زجاج ممتص للأشعة فوق البنفسجية للباب الأمامي
21- راديو am/fm و cd changer و إريال سقف و صب وفر و منفذ usb

22- جنوط اسبور
23- مصابيح أمامية هالوجين
24- فتحة سقف كهربائية التحكم في الإمالة و الإنزلاق
25- فوانيس شبورة
26- نظام تشغيل المحرك بلا مفتاح(مفتاح بصمة) (سمارت كى)
27- حساس مطر
28- اسبويلر خلفي
29- نظام انذار للحماية من السرقة
30- فرامل abs+ebd+bas
31- حامل أكواب
32- زجاج عازل أمامي
33- درج تبريد فى التابلوه