هوا فلتر الزيت مضروب ؟

**Deshahcoka** · 17-02-2012 01:47 AM

رجالة

هوا فلتر الزيد بتاع هيونداي و كيا ده الي 85 مليون مصري بيركبوه الي بيبتاع مغلف و عليه علامة بتلمع مضروب ؟

و بيبوظ الموتر ؟ ازاي و ايه الفكرة ؟! و نعرف اصلي ازاي ؟

**ls1090** · 17-02-2012 02:36 AM

للاسف اغلب الى فى السوق ومحطات البنزين مضروب تعرف لو فتحت الفلتر من جوه وده صعب احسن حاجة تجيبه من التوكيل و مكان معتمد

**ls1090** · 17-02-2012 02:43 AM

والفديو ده بيوضح الاصلى من المضروب

Hyundai Genuine Parts: Oil Filter - YouTube

**Deshahcoka** · 17-02-2012 02:45 AM

مهوا كلهم زرق من بره ؟! الصاج يعني و مكتوب هينوداي و كيا !

**ls1090** · 17-02-2012 02:48 AM

المشاركة الأصلية كتبت بواسطة Deshahcoka

مهوا كلهم زرق من بره ؟! الصاج يعني و مكتوب هينوداي و كيا !

انا اقصد تفتح الصفيح شوف الفديو

**Deshahcoka** · 17-02-2012 02:54 AM

باشا كدة احنا لبسنا و الموتر باظ بتاع العربية :(

**حماده المصري** · 17-02-2012 05:30 AM

سهل جدا ان انت تعرف انه مضروب وهقولك

الازرق اصلي والمضروب برضو ازرق

الاصلي مكتوب عليه هيونداي وكيا جينين بارتس وتقيل والتغليفه الي عليه ماسكه نفسها ولما تبص في الفلتر من جواه تلاقي علامه هيونداي واضحه وبارزه سليمه والفلتر نفسه تقيل سنه

المضروب عكس الي فات كله ولا مكتوب عليه جينين ولا مكتوب عليه هيونداي وكيا ولما تبص جواه علامه هيونداي تحسها سايحه والفلتر خفيف وبيضربوه ويحطوه في علبه الاصلي للاسف

وفي فلتر تاني علبته من برا عليها كلمه موبيس mobis دي شركه قطع غيار لهيونداي والفلتر ده لونه مختلف عن الازرق ونضيف برضو ويعتبر منافس للاصلي

**mrghost** · 17-02-2012 07:58 AM

فعلا فى فلاتر كتير مضروبه احنا جبنا فلتر تويوتا لعربيه الشغل(فلتر الجاز9 والعربيه بعدها بأسبوع اتخنقت ومكنتش بتسحب ولمبه الفلتر كانت بتنور لحد ماغيرناه تانى واتظبطت مع ان العلبه اللى جاى فيها اصلى بس افضل مكان انك تجيب من التوكيل