تجربتى مع الصيانة

**jos** · 17-02-2012 09:25 AM

امبارح حنيت على العربيه وهيا فيرنا 2008 عامله 55 الف كيلو وعملتلها صيانى كالاتى:
تغيير اربع فرد كاوتش جبت فرده اسمها achillesعلى 285 جنيه مش عارف اتخميت ولا ايه ولا النوع ده حلو ولا وحش
تغيير زيت الفتيس ب 3 كيلو شيل 80/90 Gl5 الكيلو ب 18
تغيير طقم دبرياج فاليو الهندسيه ب 375 بصراحه لما قارنته باللى طلع منها خامته اقل جوده بس على راى الصنايعيه هو ده اللى فى السوق
تغيير طقم سيور : كاتينه كونتيتنتال ب 85 ج - سير تكييف وباور ودينامو على 22 جنيه للسير بس لقيته فى حته تانيه ب 18 فنصيحه خدلك لفه على الاسعار قبل الشراء
تغيير طقم بوجيهات NGK واحد شمعه ب 50 جنيه
تغيير فلتر هوا ب 20 ج
تغيير فلتر بنزين ب 50 جنيه بس اصلى لانه نفس اللى طلع منها
مصنعيه 150 جنيه
النتيجه: صوت المكنه هدى جدا صوت السيور والون اللى كان شغال راح طلعه العربيه والمارشيدر سلسه جدا ولكن السحب متغيريش كتير على غير المتوقع لانى مغير بوجيهات وفلترهوا وفلتر بنزين بس تفسيرى انه كان لازم اغير طقم سيور بوجيهات عشان المنظومه تكمل
يا ريت لو حد عنده فكره عن الاسعار او تعليق كلنا نستفيد

**lost2008** · 17-02-2012 10:39 AM

مبروك على الصيانة اولا, زيت الفتيس ال gl-5 غلط على فرش الفتيس حاول تغيره بسرعة ل gl-4 , سير الكاتينة كان يفضل تجيبه من غبور على الاقل تكون ضامنة لان للاسف السوق العشوائى و قلة الضمير مبتقاش عارف الاصلى من المضروب.

**jos** · 17-02-2012 10:49 AM

المشاركة الأصلية كتبت بواسطة lost2008

مبروك على الصيانة اولا, زيت الفتيس ال gl-5 غلط على فرش الفتيس حاول تغيره بسرعة ل gl-4 , سير الكاتينة كان يفضل تجيبه من غبور على الاقل تكون ضامنة لان للاسف السوق العشوائى و قلة الضمير مبتقاش عارف الاصلى من المضروب.

شكرا يا باشا على الرد والنصيحه بس انا ملقتش اى زيت GL4 الموجود فى السوق موبيل 80/90 وده مش مكتوب عليه حكايه gl دى خالص والشل وهو يعنى ايه اصلا gl وهياكل الفورش ازاى؟ بالنسبه لسير الكاتينه ده المانى وفى عربيتى القديمه كنت بجيب بوش الالمانى بردك وربك الستار

**lost2008** · 17-02-2012 11:00 AM

الgl ديه مواصفات ال api لزيوت الفتيس زى بظبط زيت الموتور فيه api= sj,sl, sm,sn و ال gl-4 هوه الى بينصح بيه مانيوال الفيرنا , بس هوه فعلا مش موجود لحد دلوقتى الا عند فالفولين , و المفروض يكون موجود فى شل و موبيل و كالتكس بس مش عارف ليه بيستوردو ال gl-5 فقط , و بتوع البنزينات طبعا بيبيعو للزبون و كله يعتمد ان محدش فاهم .

**original** · 17-02-2012 11:10 AM

ألف مبروك
هوا حضرتك مغيرتش البلية الثابتة والمتحركة بتوع سير الكاتينة؟؟ تقريبا الثابتة ب 85 أصلى والمتحركة مش فاكر بالضبط بس 180 مثلا!!
الكاوتش أول مرة أسمع عنه بس شكلها ماركة محترمة
Achilles Tires

موضوع الزيت ده مقدرش أفيدك بس أنا أثق ثقة عمياء فى الشل والموبيل وعن تجربة معانا عربية فرنا وغيرنالها زيت فتيس موبيل وعملنا بيه 40 ألف كم ومفيش أى مشكلة ودلوأت عاملة 100 ألف كم وغيرنالها زيت شل ومفيش أى مشكلة!! اللى أعرفه إن الفتيس يتهلك من عدم تغيير الزيت!!

زيت فالفولين لسه هجربه

**Kareem Fawzy** · 17-02-2012 11:15 AM

مبروك الصيانة بس مقولتلناش جبت الحاجات دى منين؟؟؟

**jos** · 18-02-2012 01:04 PM

المشاركة الأصلية كتبت بواسطة kareem fawzy

مبروك الصيانة بس مقولتلناش جبت الحاجات دى منين؟؟؟

الحاجات دى يا باشا من الحصرى فى الزقازيق

**jos** · 18-02-2012 01:07 PM

المشاركة الأصلية كتبت بواسطة lost2008

الgl ديه مواصفات ال api لزيوت الفتيس زى بظبط زيت الموتور فيه api= sj,sl, sm,sn و ال gl-4 هوه الى بينصح بيه مانيوال الفيرنا , بس هوه فعلا مش موجود لحد دلوقتى الا عند فالفولين , و المفروض يكون موجود فى شل و موبيل و كالتكس بس مش عارف ليه بيستوردو ال gl-5 فقط , و بتوع البنزينات طبعا بيبيعو للزبون و كله يعتمد ان محدش فاهم .

هههههههههه طب حضرتك يعنى ايه api