الموضوع: سيارات التاكسى الاصفر للبيع ملاكى

واحد اعرفه اتصل بيا وقالى ان عربيات التاكسى الاصفر للبيع كملاكى وان اشترى عربية اوبترا 2006 ب 28 الف قلت اروح اشوف واقولكم المهم روحت عند شهر العقارى بسوق السيارات اللى فى مدينة نصر مكان كبير مليان عربيات صفراء اقولكم الخلاصة العربيات الموجودة اوبترا 2006 هاتش باك السعر 35 للسليم على كلامهم وهقولكم يعنى ايه سليم والابترا 2007 استيشن 40 الف والالنترا 2006 خلصت والاكسنت فاضل كام واحدة نعبانين والسيراتوا 2009 الشكل القديم اوتوماتيك ومانيوال ودى العربيات الكويسة فعلا ب65 الف ودى اكتر عربيات موجودة انت بتختار العربية وكل واحدة بيسعرهالك فيه عربيات حوادث ب17 و18 والى فيها خبطة كلة بحالته المهم السليم بقى بخلاف السيراتوا مفيهاش حادثة لكن زجاج مكسر ممكن عجل على الارض حاجات متشالة من التابلوه مش عارف هى ايه وسلوك طالعة كتير اكسدام ممكن مكسور فوانيس ممكن سليمه وممكن لا الصالون مش وحش بس مترب جدا من الركنة وغالبا منقر سجاير وبتشترى العربية بطيخة مقفولى انت وحظك مش دايرة يعنى متعرفش بقى التكيف شغال ولا ايه او الباور او الزجاج او حالة الموتور والفتيس او كام كيلو وكمان ملاحظتى ان العربيات الكويسة خلصت اتشالت والباقى المبهدل الملاحظة التانيى اللى بيشترى عربية ملاكى عادية اكسنت 2006 2007 النترا 2006 سيراتوا 2009 اوبترا هاتش باك او استيشن ودول مش موجودين الا فى المشروع ده باراتى 2007 يخلى باله قوى لان ممكن ان العربية كانت تاكسى العاصمة واترشت لونها الاولانى لان الدواخل على لونها الاصلى مش صفراء وهرفع لكم الصور كمان شوية ان شاء الله