لانسر شارك هاى لاين 2012 ولا كروز توب لاين 2012

**midobond** · 18-02-2012 12:44 AM

انا نزلت الموضوع ده فى قسم ميتسوبيشى يا جماعة بس حسيت انهم ممكن يكون ميالين للشارك باعتبار التعصب طبعا هههههه بس انا نزلت الموضوع هنا عشان برضه اهل شيفروليه ميزعلوش
لو سمحتو لو فيها تعب عاوز مقارنة من حيث الموتور و الاداء و التسارع و الثبات
و الكماليااااات و الرفاهية دى مهمة جدا

**Hosam_Optrawy** · 18-02-2012 03:11 AM

انت عامل موضوع فى المقارنات كمان صح , انا لسه رادد عليك هناك

عموما انتظر اراء ملاك الكروز ان شاء الله يفيدوك , بس انا عايز اتكلم على نقطتين

اولا لو الكماليات والرفاهيه يهموك فالكروز التوب لاين يتعتبر مفيهاش اوبشنز كتير بس فيها برضه حاجات مش فى الشارك زى الباركنج سنسور والمرايات الضم , وبرضه فى فرق سعر 13 الف لصالح الكروز

تانى نقطه فى كلام شبه اكيد ان الكروز هاتنزل بموتور الاسترا ايكوتيك 115 حصان يعنى هاتبقى بنفس قوة الشارك تقريبا فلو بتفكر فى الكروز متجيبهاش دلوقتى

بالتوفيق

**Hosam_Optrawy** · 18-02-2012 12:10 PM

المشاركة الأصلية كتبت بواسطة klashinkouf

انا بحب الكروز بس المتور بتعها زبالة اوي بس انا شايف الشارك بردو حلوه و كل حاجة

مش زباله اوى ولا حاجه هو بس قليل على حجمها , وعربيات كتير زيها على فكره موتورها ضعيف على حجمها اولهم الاوكتافيا والجيتا

**legend_mohsen** · 18-02-2012 03:44 PM

السلام عليكم.....طبعا للرد على السؤال دة بإستفاضة محتاج كلام كثير وطبعا العربيتين حلوين ودي مسألت أزواء وإحتياج كل واحد في العربية وخصوصا ان كل ال 1.6 الجديد تقريبا متشابه جدا ولولا إختلاف الأزواق لبارت السلع .
انا بقارن( من وجهة نظري أنا) و انا معايا كروز اول فئة في الاوتوماتيك ونسيبي معا الشارك الكاملة .......من ناحية الشكل ... الشارك شكلها عنيف هجومي.. شبابي .. الموتور : الميفيك 1.5 موتور تكنولوجي عالي توين كام موفر في البنزين و تحس انو دايما عايز يجري بس فوق ال 150 بيبدأ يهدا و كمان الترك فوق بيضعف . الصالون : خامتو فقيرة مايديش الإحساس انها عربية غالية الكراسي مريحة بس شكلها مش أد كدة بس الصالون فيه تكنولوجي الموجودة في الصالون وال cd بتاعها و الداش بورد حلوين .
العفشة : حلوة جدا ناعمه و مافيش دبة في المطبات الإستبلتي حلوة جدا بس على السرعات العالية و انت طالع بتبدأ تخف و تحسسك بإحساس مش لذيذ .
الكروز : وانا هنا بقارن بعربيتي التى ليست التوب لين و أكيد التوب لين أحلى من عربيتي ....الشكل الخارجي للعربية شكل ستيل ملوش موضة شكل كلاسيك منفرد شيك يعطي انطباع بالهدوء والثقة والقوة مع بعض .
الموتور : 107 حصان و لكن تكنولوجي قديمة شوية ( حتى الأن ال 2012 نفس الموتور الموجود عندي ) الموتور دة مع الفتيس ال 6 نقلات مخلي الأولاني و التاني ملهومش لازمة في الحياة يعني لو حابب تخطف ملف و تخطف جنب علشان واحد وقف اودامك منصحكش علشان مش هتلحق تعمل وبرة بيقولك الكروز علشان تحبها لازم تسوقها كأنك بتكرهها( drive it as if you hate it ) .(انا الكلام دة عملي أزمة خصوصا اني كنت راكب 325 m40 ) بس من التالت تلائي أداء تاني و تسارع يرضيك الى حد ما خصوصا أن الرسم البياني الخاص بالعزم للموتور ده حلو جدا حيث انة يحتفظ بالعزم شبه ثابت على ال 6 نقلات .
الصالون : يديك الإحساس بالفخامة و الكراسي حلوة شكلا و بتحتوي الجالس بس لو القاعد مليان مش حتريحوا بس ناشفة و الكنبة سمك القعدة قليل جدا جدا و بردوا الداش بورد بتعتها حلو جدا ومنطقة الراديو حلو جدا وفيها اوبشنز التحكم في الإضاءة و السنترلوك و أكيد التوب لين فيها حاجات اكتر.
العفشة : ناشفة بالنسبة للياباني وتديك إحساس الألماني وطبعا كلنا عارفين ان الكروز نفس الاوبل 2008 في الشاسية والعفشة و الثبات طبعا نفس الاوبل برد ولكن في شوية عيوب منها صوت زنة البور ستيرنج و دبدبة من المساعدين خفيفة كدة على المطبات المتتالية .
دا من وجهت نظري على السريع كدة و ممكن طبعا ندخل في تفاصيل أكثر في الميكانيكا لو حابب واتمنى اني اكون نقلت صورة مبسطة للعربيتين . وانا عن نفسي أفضل الكروز و حتى نسيبي لما انا جبتها طلع كان عايز يجبها بس هوا سعتها لقى الشارك الكاملة ب 129 و الكروز الفاضية ب 137 فجاب الشارك .

**mido** · 18-02-2012 11:52 PM

متفق تماما مع الكلام ده باستثناء ان العفشه مش ناشفه انا شايفها هايله مقارنة بعفشة الكوري و بالنسبه للتوب لاين شايفها غاليه قوي و سعر اعادة البيع هيكون واقع خليك في الهاي لاين كفايه
قطع غيار الكروز اكيد ارخص لانها موتور اوبترا بس طبعا الفوانيس ممكن تكون غاليه
في النهايه اي كان اختيارك لازم تسوق العربيه الاول و تشوف هتعجبك ولا لأ

**dr_darsh** · 19-02-2012 12:50 AM

انا وقت فى نفس حيرتك بين الكروز والشارك
بس انا اخترت الكروز مش لعيب فى الشارك لكن لأنى كنت عاوز شنطه كبيرة وده عيب فى الشارك بصراحه بالنسبه ليا
انا اشتريت كروز توب لاين بجد العربيه مريحانى جداجدا عيبها الوحيد بالنسبه ليه استهلاك البنزين انا شايفه عالى شويه (اعلى من عربيتى البومه ) العربيه بيتمشى 220-240كم فى الصفيحه بس ده يمكن بسبب الطرق اللى انا بامشى عليها معظمها زراعيه ...
بس غير كده العربيه بجد محترمه جدا ثبات ممتاز جدا لحد 200كم/س العربيه ماشاء الله عليها ثابته جدا ومديانى احساس بالأمان خللى بالك انا معايا أوكتافيا A5 علشان كده بأقول العربيه فعلا ثابته مش زى الأوكتافيا بس قريبه منها لحد كبير .... الفرامل جيده جدا على السرعات العالية ... السحب والمحرك : العربيه مش بتاعة جرى وشد وفعلا الأول والتانى ضعيف بس من اول التالت بتحس العربيه حاجه تانيه هأقولك حاجه انا يوم الخميس كنت راجع من القاهرة للزقازيق والعربيه محمله تلات افراد بالغين وخللى بالك انا وزنى تقيل ممكن باتنين كمان والشنطه كان فيها كرتونتين وغطاء العربيه وحاجات تانيه كتير (فرح اختى قريب ان شاء الله وبنستعد له ) المهم العربيه كانت بكامل حمولتها تقريبا والله انا وصلت بيها 190كم/س مرتاحه جدا
بالنسبه للعفشه هى ناشفه عن البومه والألنترا بس زيها زى الأوكتافيا والجيتا و الفيكترا وبالنسبه ليا مش مشلكه خالص لآنى متعود على عفشه الأوكتافيا بس لما اركب عربيه اخويا الإلنترا بأحس بفرق طبعا بس يعوض ده حاجه تانيه مهمه ان العربيه مش يتوطى قوى لما يركب فيها اربع افراد مثلا وبالتالى مش بأحتاج اعرض على مطبات كتير الا المبالغ فى ارتفاعها طبعا على عكس الآلنترا بتتأثر جدا بحموله العربيه
بالنسبه للشارك انا مش ركبتها فى السواقه علشان كده مش اقدر افيدك قوى بس زى ما قلت انا باحترمها جدا جدا بس مشكلتها معايا شنطه صغيرة جدا
بالنسبه للكماليات الشارك فيها كماليات اكتر الكروز التوب لاين زى : فتحه السقف والزينون بخاصيه AFS وال Key Less Entry و الصب وطبعا النظام الصوتى الرائع وحساسات المطر والنور ودرج مبرد للمشروبات (ده للموصفات الكويتى اللى التوكيل بنزله حاليا)
الكروز التوب لاين تزيد عن الشارك ب المرايات الضم والحساسات الخلفيه والأكر النيكل شاشه كبيره لعرض التاريخ والحرارة الخارجيه وبياتات التكييف والكاسيت وظبط اعدادت السياره وفتيس استيب ترونيك 6 سرعات
كلتا السيارتين فيهم : دريكسيون متعدد الوظائف (جلد طبيعى فى الشارك) و تكييف اوتوماتيك وريموت كنترول وكاسيت 6 اسطوانات (mp3 فى الكروز مش عارف الشارك بس أكيد mp3 برضه ) مع 6 سماعات ( فى الشارك 9 بالصب ) فوانيس شبوره و زجاج كهربائى ( فى الكروز كل الزراير بتنزل الزجاج بلمسه واحد وبترفع زجاج السائق بلمسه واحده فى الشارك زجاج السائق بس ) مرايات كهرباء و جنوط اسبور ( فى الكروز 4 والإستبن اسود ) فتح الشنطه من الريموت و كرسى السائق بيعلى ويوطى ودريكسيون متحرك (الكروز توب لاين الدريكسيون تليسكوبى بيتحرك فى اربع اتجاهات الشارك فوق وتحت ) 5 مخادع رأس متحرك (الكروز توب لاين بتتحرك قدام وورا وفوق وتحت للكراسى الأماميه فقط والمخادع الخلفيه فوق وتحت بس والشارك كله بيتحرك فوق وتحت بس ) مخدع يد للسائق ( فى الكروز متحرك للأمام والخلف ) تابلوه مطعم بالخشب و مسند يد خلفى بحامل اكواب و فتحه Aux لل I pod (مافيش USB فى الكروز والشارك لحد 2009 ماكنش فيها مش عارف 2012 فيها ولا لأ ) كمبيوتر رحلات ومتوسط سرعه ومتوسط استهلاك بنزين ومسافه واستهلاك البنزين الحالى
ده اللى انا فاكره عذرا لو نسيت حاجه

**pionew** · 19-02-2012 01:29 PM

الف الف الف شكر يا دوك ع المعلومات الجامده دى

**midobond** · 19-02-2012 01:38 PM

الف شكر فعلا كومنت قيم جدا جدا جدا و انت تقريبا قلت كل حاجة عن العربيتين

الموضوع: لانسر شارك هاى لاين 2012 ولا كروز توب لاين 2012

LinkBack

أدوات الموضوع

عرض

-

-

-

-

المواضيع المتشابهه

لانسر شارك 2012 اول فئه و لا ريو 2012سيدان هاى لاين

أين أجد لانسر شارك 2012 خليجى هاى لاين؟

مقارنة بين لانسر شارك 2012 هاى لاين و شيفروليه كروز 2012 هاى لاين

مقارنة بين مازدا 3 2012 و لانسر شارك هاى لاين 2012

مقارنة بين لانسر شارك هاى لاين و كروز توب لاين و كورولا هاى لاين

الكلمات الدلالية لهذا الموضوع

المفضلات

المفضلات

ضوابط المشاركة