عاوز اعمل فيش جنائى و قيد عائلى للجيش

**eng/muhamad** · 18-02-2012 07:08 PM

انا عاوز اعمل فيش جنائى و قيد عائلى للجيش
مش عارف اعملهم ازاى او ايه الورق المطلوب
ياريت اى حد عملهم قريب يساعدنى
كل اللى اعرفه انهم بيتعملو من سجل العباسيه
عاوز اعرف الاجراءات و الورق المطلوب و الفلوس

**engaass** · 18-02-2012 07:17 PM

انا لسه عامل الفيش النهاردة من مصلحة الادلة الجنائية اللى هى فى العباسية عند مصلحة الاحوال المدنية
مفيش ورق مطلوب للفيش, كل المطلوب البطاقة + 15 جنية وبيخلص فى مدة لاتزيد على ساعة وانت واقف وهما اللى بيصوروك وهما بياخدو البصمة على الجهاز مش بحبر زى زمان
بصراحة الموضوع بقى سهل جدا ومنظم
القيد العائلى بصراحة معرفش

**eng/muhamad** · 18-02-2012 07:22 PM

شكرا لحضرتك بس ممكن توصفلى المكان فين بالظبط فى العباسيه ؟
و كان زحمه و لا لا يعنى روحت الساعه كام و خد وقت قد ايه

ن مصلحة الادلة الجنائية اللى هى فى العباسية عند مصلحة الاحوال المدنية

**damasry** · 18-02-2012 07:31 PM

صحيفة الحالة الجنائية زى ما العضو الفاضل تكرم وشرح ليك وماكنها عند كلية الشرطة القديمة فى العباسية، الناحية التانية من مصلحة الاحوال المدنية فى اتجاه صلاح سالم.

القيد العائلى مطلوب:
بطاقة الوالد واصل شهادة ميلاده
شهادة ميلاد الوالدة
شهادات ميلاد الاخوة والاخوات
بطاقتك الشخصية

الاجراءات، بتقدم الطلب فى الدور الثانى للاستعلام عن صحة البيانات المقدمة منك وبعدين بتاخد توقيع الظابط وبعدين بتنزل وتروح للمبنى التانى وتدخل للظابط فى الدور الارضى يمضيلك وتروح تدفع وتطبع البيان من اى موظف من الموظفين الموجودين وترجع تختم البيان من الظابط تانى وشكرا على كده.

**eng/muhamad** · 18-02-2012 07:44 PM

بطاقة الوالد واصل شهادة ميلاده
شهادة ميلاد الوالدة
شهادات ميلاد الاخوة والاخوات
بطاقتك الشخصية

المستندات دى كلها صور منها و لا اصل

**damasry** · 18-02-2012 08:03 PM

المشاركة الأصلية كتبت بواسطة eng/muhamad

ايه كل الورق و الاجراءات دى هو انا هحارب يعنى عشان اطلع ورقه اروح كام مبنى و كل الحوارت دى الله يمسيك بالخيير يا نظيف يا بتاع الحكومه الذكية

طلب ايه ؟ يعنى الطلب ده له صيغى معينه ولا ورقه معينه بشتريها ؟؟؟؟
و الدور التانى فين فى مبنى ايه ؟

ده مبنى ايه ده عشان انا تهت جدا

يا باشا انت لما بتدخل المبنى بتاع الاحوال المدنية اللى هو بعد المحكمة وليس المبنى بتاع بطاقة الرقم القومى.

المبنى ده لما بتدخله من بوابة الامن بيكون عبارة عن مبينيين، واحد يمين وواحد شمال، انت ها تدخل الشمال الاول وتطلع الدور الثانى والطلب بيكون عبارة عن استمارة بتشتريها

الصراحة انا مش فاكر الاجراءات كويس عشان انا كنت قاعد فى غرفة الظابط والورق خلص.

بس انا خدت الورق بعد الاستعلام ونزلت رحت للمبنى التانى اللى على اليمين وفى الدور الارضى عملت اللى قولتلك عليه فى المشاركة السابقة.

هو الموضوع كله مخدتش ربع ساعة بس هو لفة شوية.

المشاركة الأصلية كتبت بواسطة eng/muhamad

المستندات دى كلها صور منها و لا اصل

الاصول للاطلاع

**أحمد كمال** · 19-02-2012 12:04 AM

القيد العائلي بيطلع من اي سجل مدني مش لازم العباسية لانها زحمة هبل

**damasry** · 19-02-2012 02:31 AM

خالص يا ابو كمال

لما رحت مكنش فيه زحمة خالص لانك مش بتعمله فى المبنى بتاع الرقم القومى

انا احتجت اطلع شهادة ميلاد للوالد وانا هناك ورحت المبنى القديم وقفت طوابييير

**A7MED_PHARMA** · 19-02-2012 03:56 AM

فعلا

القيد العائلي من أي مكااااااااااان
مش لازم العباسية
لو كل واحد عاوز يعمل قيد راح العباسة.. هتبقا مصيبة

-

الموضوع: عاوز اعمل فيش جنائى و قيد عائلى للجيش

LinkBack

أدوات الموضوع

عرض

عاوز اعمل فيش جنائى و قيد عائلى للجيش - انشر الموضوع فى :

-

-

-

-

-

-

-

-

المواضيع المتشابهه

عاوز اعمل صيانة ليارس عاملة 128 الف كيلو اعمل فين

عندي عربية اللادا و عاوز اعمل تعديل في لادا فيها عاوز مساعدة من اهل الخبرة

عندي عربية اللادا و عاوز اعمل تعديل في لادا فيها عاوز مساعدة من اهل الخبرة

عاوز اعمل الفيبر دى

عاوز اعمل تعديلات

الكلمات الدلالية لهذا الموضوع

المفضلات

المفضلات

ضوابط المشاركة