الموضوع: رينو لوجان ولا اكسنت ار بي اول فئة اوتوماتيك

انا شايف ان الأكسنت أحسن من اللوجان فى حاجة واحدة وهى الشكل .. باقي المميزات كلها لصالح اللوجان أو على الأقل متساوية ..

فلو عندك استعداد تدفع 35 ألف جنيه فرق لشكل العربية
فده هيبقى اختيارك ..

المشاركة الأصلية كتبت بواسطة momen_ivf

اية يا جماعة مين افضل بصرف النظر عن موضوعية السعر طبعا لانة معروف
لان اللوجان معروفة 79 والاكسنت ار بي اول فئة، اوتوماتيك 103

وطبعا اولا فئة من ال ار بي مش شايف ان فيها كماليات زيادة اوي عن اللوجان
اية رايكم

كصاحب لى عربيه لوجان اوتماتيك كل يوم بتزيد سعادتى والعربيه دى بتثبت نفسها وتقارن باسامى كتير من الفى فئتها ميقدرشى يتقارن بيها
وده لجمالها وامكانياتها

شوف انا هبقى بتاع عجل لو قولتلك ان الوجان احسن من الاكسنت ار بيى

عربيه شكلها رهيب وامكانيات لكن سعرها غالى غلى قيمتها

لنكون واقعيا مشكلة هونداى وكيا دلوقتى ان سعرهم بقى راسه براس اليبانى

وبرغم ان هما عربيات جميله لكن كخمات تصنيع وامكانيات "طبعا بتكلم على الامكانيات البتنزل مصر " مش متوفقين معه سعرهم

وهنا تفوق الوجان انها عربيه تساوى كل شلن ادفع فيها

وتفوق بعلوها عن الارض

عمتن شوف واضح من كلامك ان نظريتك زي انته مستكتر تدفع 105 الف وفى الاخر راكب هونداى ويرت الانترا ولا سوناتا لا راكب اقل حاجه اكسنت

انا مركبتش الاكسنت وطبعا كل مشوفها اتجنن على شكلها لكن مستكتر عليها تمنها

فا اسال اصحابها على ارتفاعها عن الارض لان سمعت ان ده عيب فيها واسال عن القاعده فى الكانبه الوره لانى سمعت انها مش مريحه "طبها الاتنين دول مش مشكله فى الوجان ودى المعجزه ههه"

وبعدين ابدء فكر فى الحلول الوسط زي جين تو وبريسونا من بروتن عربيات جميله وتقفيل بلدها وسرعه وثبات اوبترا انتشار وقطع غيار ارخص لكن شكل وامكانيات اقل

او فكر فى الحلول الاعلى زي تكمل وتجيب بوما او شارك واسمك راكب يبانى
او فلوانس رائعة رينوا فى الرفاهيه والامكانيات

ولو رجعة لاكسنت تانى الار بى شوف اختها كيا ريو الجديد مين احسن وشكله تحبه اكتر

لو تعبت من كل الف ده وحبيت توفر فلوسك وتحس انك مضحكشى عليك بلا ولا مليم واخد بحقك امكانيات وامان يبقى هات الوجان

وربنا يوفقك فى الصالح ليك
تحياتى
محمد رسمي