الموضوع: بوادر صدأ في الكارتيرات محتاج علاج فعال

بصراحه أنا مش فاهم المشكله فين بالضبط

بس لو هتعالج الصدأ ده أعمل الموضوع ده بالمره

http://www.nilemotors.net/Nile/143061-a.html

على فكرة يا جماعة نفس الموضوع موجود كمان فى لانسر المكواه وانا جه عندى فى العربيه برومه فى نفس المكان وداب الصاج بتعها جامد ورحت للسمكرى اضطر يقطع ويلحم فى الصاج بس عملها بطريقه نظيفه جدا وواقف دلوقتى على رش الجزء الداخلى من الكرتيره والجزء الخارجى من العتب مكان البارومةاللى كانت موجودة
وبعد كده وجدتلها حل جزرى يحمى العربية من تكرار الموضوع ده وانا واقف عند السمكرى قولتله عاوز الموضوع ده ميكررش فقالى بعد ما ادهن المرمات فى واحد بيعمل كرتيرات فبر عمولة يعملك الكرتيرات الخلفية وبعدها انسى وانا فعلا من زمان كنت عاوز اعملها بس مش عارف فين واخيرا قالى على واحد جنبه بيعملها ب160 للجوز الخلفى وبصيت على عربية كان عملها كرتيرات فبر خلفى وامامى بصراحه فعلا شغله نضيف ومنتظر لما اخلص دهان وبعدين على طول هاروح اعمل كرتيرتين فبر خلفى لانهم مش بينزلو كاملين وهو ده الحل الامثل لمشكلة البارومة فى الاعتاب

فين يا باشا الراجل اللي بيعمل الكارتيرات الخلفية ممكن تبعتلي عناونه وتليفونه

معاكو انا كمان

اسف على التاخير يا جماعة مكنتش واخد الى من المداخلات الجديدة
على فكرة انا لسه معملتهاش فى عربيتى لانشغالى وكمان علشان لسه مدهنتش المرمات اللى اتعملت
والرجل ده فى المرج وباكد انه شغله نظيف جدا وانا من النوع اللى بيدقق فى الحاجات دى وشفت عربيه هونداى واقفه عنده كان عملها كارتيرات امام وخلفى انا بفضل فى الامامى انه يكون الاصلى والخلفى لعدم وجوده يبقى تفصيل 0
عنوانه المرج عند الكوبرى اللى بين محطتى مترو المرج الجديدة والمرج القديمة وتليفونه
01273916515 واسمه طارق
هو بيعمل الاتنتين الخلفى كان قايلى 160 علشان من طرف سمكرى يعرفه