عايز اجيب اوبترا ساعدوني ضروري

**BMW30** · 19-02-2012 04:28 PM

السلام عليكم يا احلي شباب ف احلي منتدي قررت اني اجيب اوبترا بس للاسف عن طريق بنك ناصر انا عارف الناس هتقولي القسط وكدا بس اعمل ايه دا الحل الوحيد المهم نيجي لموضوعنا البنك طالب مني عرض اسعار ينفع اجيبه من ياسين عادي ولا لا ولو ينفع اجيبه منه هل الاستلام فوري ولا هتركنلي شويه كدا ياريت يا جماعه سرعة الرد عشان دي اخر خطوه فالموضوع دا واسف ع الاطاله وشكرا ليكم مقدما

**abou-yahia** · 19-02-2012 08:17 PM

الاتصال بياسين منصور او اي موزع محترم

هوه الطريق الوحيد لتاكيد طلبك

وده عشان تحدد علي الاقل اللون اللي انت ترغبه

**BMW30** · 21-02-2012 03:36 PM

الف شكر لرد حضراتكوا انا فعلا كلمت الموزع بتاع منصور اللي فشارع الطيران واتفقت معاه انه هيبعتلي عرض الاسعار بالفاكس علي البنك هنا اصل انا من جنوب سينا وحرام اسافر المشوار دا كله عشان اجيب عرض الاسعار والبنك وافق ع كدا وربنا يكرم ان شاء الله بس سؤال هو الاوبترا ال 2012 الكاسيت بتاعها cd ولا شرايط زي القديم وشكرا ليكم تاني بجد
اخوكم محمد

**hamdihassan** · 22-02-2012 10:43 AM

الاوبترا الجديدة كاسيت و cd

**BMW30** · 22-02-2012 02:14 PM

الف شكر يافندم ع اهتمامك وردك

**ahmedaglan** · 22-02-2012 06:51 PM

تجبها من ياسين والاستلام ويوم متتأخر اوى ف الاستلام اسبوع بالكتير
وان شاء الله هتنبسط بيها اوى
وربنا يكرم ويزيدك وتجيب بعد كدا كاش
وانا علي فكرة جايب عربيتى من ياسين الي عند سور المطار
لو عايز اي حاجة من هناك كلمنى وربنا يقدم الي فية الخير
ودى نمرتى 01003099988
اخوك احمد عجلان

**BMW30** · 23-02-2012 03:46 PM

استاذ احمد الف شكر لحضرتك يافندم بجد انا اتصلت بمنصور فرع الطيران مدينة نصر وبعتولي عرض الاسعار والورق بس فيه مشكله بسيطه كدا وربنا يكرم ان شاء الله انا متاسف لو اتاخرت فالرد بس انا بدخل موبيل وقليل اوي عشان ظروف كدا بس المشكله اني كان نفسي اجيبها ابيض ومش لايها خالص لو في عند ياسين انا ممكن اكنسل عرض منصور