الازاز الكهربا بيستهبل .. و أشياء أخري

**hazememam14** · 21-02-2012 03:51 AM

النهارده حصل معايا حاجتين .. أولا الازاز الكهرباء بيستهبل جااامد الحقيقة .. لاحظت النهارده ان بعد ما تقفل الكونتاك وتشيل المفتاح الازاز بيفضل شغال ممكن تقفله وتفتحه عاادي وبيفضل كده 5 دقايق مثلا وبعدين يعقل ودي اتكررت معايا النهارده كله أكتر من 4 أو 5 مرات مش مرة واحدة وخلاص ... ايييه السبب ؟؟

الحاجة التانية اني كنت بركن جنب رصيف في أمان الله واذ فجأة وعلي حين غرة :)) لقيت العجلة القدام اليمين نزلت في بلاعة .. هي أعتقد مكانتش عميقة قوي يعني الفردة بس هي اللي نزلت فيها لكن العربية من تحت ماتخبطتش في الاسفلت .. المهم فبدات أطلع بس صوت العربية علي جداا طبعا وانا برجع لورا وطلعت من تالت محاولة :(( وشميت ريحة شياط شوية غالبا من الفردة ... هي الرزعة لما كانت الفردة بتنزل في البلاعة مش جامدة قوي قوي يعني بس خايف تكون لا قدر الله عملت حاجة كده ولا كده !! ايه بقي ممكن تبقي عملت حاجة في المساعد مثلا ؟!!

**DONYO** · 21-02-2012 07:55 AM

لا ماعتقدش تكون عملت حاجة في المساعد لانك ممكن ببساطة تاخد مطب اجمد من الحركة دي وان شاء الله ما يكونش حصل حاجة
وبالنسبة للازاز جرب تشيل كابل البطارية 10 دقايق وركبة تاني علشان الكونترول يعمل رسيت وان شاء الله المشكلة تختفي وابقى طمنا

**koki4life** · 21-02-2012 08:00 AM

المشكلة الأولانية بتاعت الزجاج الكهرباء ده محتاجة كهربائي يظبطها ......لكن ده مش عيب في ماكينة الكهرباء بتاعت الزجاج .........

أما بالنسبة للمشكلة الثانية مش فاهم أزاااي طلع ريحة شياط من الكاوتش رغم ان المسافة بتاعت نزول العجلة داخل البالوعة كانت صغيرة بدليل عدم احتكاك أسفل السيارة بالأرض ......ياريت توضيح أكتر وكمان عربيتك نوعها أيه !!!!!!!

**koki4life** · 21-02-2012 08:05 AM

المشاركة الأصلية كتبت بواسطة donyo

وبالنسبة للازاز جرب تشيل كابل البطارية 10 دقايق وركبة تاني علشان الكونترول يعمل رسيت وان شاء الله المشكلة تختفي وابقى طمنا

المشكلة مش مشكلة كونترول نهاااائي عشان الراجل بيقول أنه بيشيل المفتاح من العربية وبيفضل الزجاج شغال ........ده مشكلة في دائرةالكرباء نفسها ولا زم كهربائي يبص عليها عشان يحدد المشكلة فين .....بسيطة إن شاء الله

**karimalaa** · 21-02-2012 11:19 AM

ايه يا جماعة اللي بتقولوه ده!!
المشكلة الأولى دي مش مشكلة أصلا!!
ده option زيادة في العربية ان الازاز يفضل شغال 5 دقائق لما تبطل العربية عشان لو نسيت تقفله ما تضطرش تفتح الكونتاكت ... و بيفصل خلال ال 5 دقائق دول بمجرد ان أي باب يتفتح..
تاني حاجة مالهاش علاقة بالمساعد دي ريحة اسطوانة الدبرياج و ده دليل انه سواقته هادية و بينقل بدري (ما بيحملش على الاسطوانة) عشان كده لما حمّل عليها عملت كده بس بعد كده مش حتعمل تاني ... و المساعد مالوش دعوة ...

**hazememam14** · 21-02-2012 07:24 PM

المشاركة الأصلية كتبت بواسطة karimalaa

ايه يا جماعة اللي بتقولوه ده!!
المشكلة الأولى دي مش مشكلة أصلا!!
ده option زيادة في العربية ان الازاز يفضل شغال 5 دقائق لما تبطل العربية عشان لو نسيت تقفله ما تضطرش تفتح الكونتاكت ... و بيفصل خلال ال 5 دقائق دول بمجرد ان أي باب يتفتح..
تاني حاجة مالهاش علاقة بالمساعد دي ريحة اسطوانة الدبرياج و ده دليل انه سواقته هادية و بينقل بدري (ما بيحملش على الاسطوانة) عشان كده لما حمّل عليها عملت كده بس بعد كده مش حتعمل تاني ... و المساعد مالوش دعوة ...

تاعبينك معانا يا عم كريم والله

**misoalex** · 22-02-2012 04:18 AM

ريحه الشياط دى عشان حملت على الاسطوانه والديسك عشان تطلع من الحفره

عادى متقلقش بس لو الموضوع اتكررر او طولت وانت بتعمل كده الديسك والاسطوانه بالسلامه