الموضوع: مقارنة في نعومة العفشة و راحة القاعدة و ارتفاعها

انا ركبت الاربع عربيات اللي حضرتك قولت عليهم :)
الماتريكس بسم الله ماشاء الله مش هتتخيل الوسع الداخلي بتاعها الا لو ركبتها انا كنت راكب علي الكرسي الامامي وفارد رجلي علي الاخر - العربيه تمام اوي من جوه وارتفاعها عن الارض كويس - بس تقريبا اخر موديل ليها 2011
اللوجان ركبتها مرتين بس لكن ارتفاعها عن الارض مخيف :)
كنت محمل فيها بسم الله ماشاء الله اوزان والعربيه ولا بتحك ولا الهوا لكن فيها شويه حاجات من جوه مش مريحه يعني علي ما اتذكر الزجاج تقريبا في التابلوه - تتطلع وترجع الكرسي تقريبا ببكره - الكلاكس مكانه غريب تقريبا في دراع المساحات مش فاكر بالظبط وحاجات من هذا القبيل تحس ان تصميم العربيه بتاع التسعينات
التيدا بردو ركبتها حوالي مرتين بس مسقتهاش بس الصالون بتاعها والكراسي الاماميه روعه ووااااااااسعه وتحس انك قاعد في صالون بيتكوا :) - اسف ع التشبيه -
الكارينز تحس بالظبط انك راكب ميكروباص :) عربيه واسعة بغباء ومرايات بتاعة ميكروباص بس سواقتها لذيذه وبتنزل بساوند سيستم جامد وارتفاعها عالي عن الارض وهيا والماتريكس عربيات ام بي في