وعليكم السلام ورحمة الله وبركاتة
أنا لسة شاري السيراتو 2012 من 3 أسابيع
ولو الزمن رجع تاني بعد ماجربتها هشتريها برضة
طبعا أنا لسة مجبتش بيها السرعات العالية زي 160 كيلو لإني لسة في فترة التليين
لكن في الطالعة والسحب والملفات بسم الله ماشاء الله ممتازة جداا
وصوت الموتور هاد جدا وساعات لما بدور واكلم حد راكب جانبي
ببقا مش عارف العربية انا دورتها ولا لا من صوتها الهادي
فبدوس دوسة بنزين بلاقي عداد rbm رفع .. بعرف كدا انها دايرة
بالنسبة للعفشة أنا مرضتيش أجيب الهاي لاين
وأشتريت الفئة إلي قبل الأخيرة جنط 16 علشان موضوع العفشة
والحمد لله كان إختيار موفق ولم ألاحظ أي نشوفية في العفشة
مع إن معظم طرق محافظتنا لا تخلومن النقر والمطبات الكثيرة
ولكن لو حضرتك هتجيب الهاي لاين جنط 17
لو تقدر تبيع الكاوتش وهو جديد وتشتري كاوتش بيرجستون
مش هتلاحظ اي معاناة مع العفشة ودي عن تجربة لعربية واحد صاحبي معاة سيراتو
بالنسبة للفرامل جيدة جدااا
ومن يومين عدا أمامي شخص بموتسكيل مرة واحدة
من شارع جانبي والحمد لله الفرملة أنقذت الموقف وكنت ماشي على 80 كيلو
الباركنج أيضا شغال كويس وبيظهر لك شرط في الطبلوة بالمسافة حسب قربك او بعدك لو حاجة
وراك او جانبك من الخلف
والبلوتوث رفاهية جميلة جداا وصوتة نقي ومافيش اي تعيقدات في توصيلة
بمجرد دخولك العربية وفي جييبك تليفونك والبلوثوث شغال في الموبايل
بيعمل كونكت فوري مع كاسيت العربية ولو حد طلبك بيظهر لك الرقم على الشاشة
حاجة واحد مضيقاني شوية من العربية
نور التابلوة منور بالنهار وباليل
صحيح عاطي شكل مميز للعدادات لكن بيلخبطني بالليل وبنسى أنور نور العربية
الواطي والفوجات وبفتكر انهم منورين لان نور التابلوة منور
هذة كانت إنطباعاتي الأولية للسيراتو والحمد لله مستمتع بها وراضي عنها جداا
تحياتي العطرة
المفضلات