سؤال لهواة الكماليات و الرفاهية

**midobond** · 23-02-2012 08:40 PM

يا جماعة انا ناوى على شارك 2012 هاى لاين طبعا قرفت من موضوع ان مفيش بلوتوث ولا سينسور بارك ولا كاميرا خلفية لانى كنت عشامان فيهم عشان شفتهم ف الكتالوج اتارينى كنت بتفرج على كتالوج ال جى تى ههههههههه لو عاوز اشترى العربية و اركب الكلام ده ف التوكيل يتكلف كام كله على بعضه و لو ركبته بره التوكيل يخرج العربية من الضمان؟؟؟

**midobond** · 23-02-2012 08:42 PM

طبعا انا عارف حد هيقولى طيب ما تشوفلك كارينز ولا كروز ولا تتعب نفسك
انا عاوزعربية فيها كماليات الكورى و اداء و انسيابية و اعتمادية اليابانى

**IronHead** · 23-02-2012 10:16 PM

انا ركبت كاميرا بالشاشه ب450 تقريبا, وجبت بلوتوث كاركيت jabra من اللى بيركب فى الشماسه ب 350 جنيه
انا ركبت الكاميرا برة التوكيل و كنت سألت التوكيل القديم سعتها وكان ردهم ان بدام مقربتش من ضفيره العربية فمفيش مشكله, بس لو كان فى لعب فى الضفيره كانت هتخرج بره الضمان
ونصيحه البلوتوث مش مهم خالص وهتكسل تستعملو, بس الكاميرا مهمه جدا خصوصا ان شنطه الشارك عاليه ومش بتشوف العربيات اللى وراك

**midobond** · 24-02-2012 01:26 AM

طيب الكاميرا عشان تركبها هى و السنسور مفيش اى قطع ف الضفيرة؟؟؟؟
و ياريت لو عاوز سنسور و كاميرا هيعملو كام بالمصنعية؟

**subzer0** · 24-02-2012 04:28 AM

هى تقريبا سعرها كام لان سامع ان السعر مش ثابت؟

**IronHead** · 24-02-2012 11:13 AM

المشاركة الأصلية كتبت بواسطة midobond

طيب الكاميرا عشان تركبها هى و السنسور مفيش اى قطع ف الضفيرة؟؟؟؟
و ياريت لو عاوز سنسور و كاميرا هيعملو كام بالمصنعية؟

عايز سينسوز وكاميرا ليه ياريس, انت داخل حرب, ياده يا ده, انا ركبت الكاميرا وكانت كفايه
تركيبها مش بيقرب من الضفرة الرئيسيه خالص, هو بس بياخد كهرباء للكاميرا والشاشه من لمبه المارشدير الى فى الفانوس الخلفى, عشان تشتغل لما تجيب r
زى ماقلتلك كله على بعضه كلفنى 450 تقريبا, معرفش السنسورز بكام بس انا كنت رافض اى حاجه ممكن تخرم فى الاكصدام, الكاميرا محتاجتش تتخرم عشان ركبتها فى التجويف اللى فوق النمر

**A.Adel** · 24-02-2012 01:35 PM

فيه حاجة اسمها Electromagnitic parking sensors(EPS
و دي موجودة في مصر دلوقتي و مش بتحتاج تخرم في الاكصدام خالص و كفاءته أعلى و بحوالي 400 جنيه وده فيديو ليه
Electromagnetic parking sensor EPS - YouTube

**A.Adel** · 24-02-2012 01:36 PM

بنسبة لل كاميرا فيه منها حاجة نظيفة بتركب فوق النمر و بتعمل حوالي 200 جنيه بس مرشحهاش عشان محتاجة شاشة وهيبقى فيه لعب في الكهربة بتاعت العربية إلا لو حضرتك جبت ال dvd اللي بيركب في التابلوه مكان الأصلي ,ده يبقى حاجة تانية

ال dvd فيه bluetooth , هو بيعمل من 2500-3500 حسب الماركة وأظن ده أحسن حل لحضرتك لانه مجمعلك كل اللي إنت عاوزه

**A.Adel** · 24-02-2012 01:44 PM

دول شركة الندى وكيل MOTEVO
company :Al-Nada for Imports & Exports Est.
address :Building 5 A El-Tayaran St.dept.5 Nasser City-Cairo-EGYPT.
tel:20 2 2263 3474 Fax:20 2 2262 8430
email: gabouzeid@alnadaimporting.com

و فيه برده شركة VIDEOBUS
و ده لينك ليهم VideoBusEgypt|MAZDA series|TOYOTA series|HONDA series|CHEVROLET series|FORD series

**midobond** · 24-02-2012 01:56 PM

المشاركة الأصلية كتبت بواسطة ironhead

عايز سينسوز وكاميرا ليه ياريس, انت داخل حرب, ياده يا ده, انا ركبت الكاميرا وكانت كفايه
تركيبها مش بيقرب من الضفرة الرئيسيه خالص, هو بس بياخد كهرباء للكاميرا والشاشه من لمبه المارشدير الى فى الفانوس الخلفى, عشان تشتغل لما تجيب r
زى ماقلتلك كله على بعضه كلفنى 450 تقريبا, معرفش السنسورز بكام بس انا كنت رافض اى حاجه ممكن تخرم فى الاكصدام, الكاميرا محتاجتش تتخرم عشان ركبتها فى التجويف اللى فوق النمر

طيب و موضوع الشاشة ده ايه اللى قال عليه استاذ احمد عادل؟؟؟