حجزت سانديرو الاوتوماتيك بعد مفاضلة كبيرة

**KARIMELDIN** · 24-02-2012 03:14 AM

قررت شراء عربية سانديرو اتوماتيك بعد مفاضلة ودراسة كبيرة بصراحة لقيت العديد من المميزات اللى مش موجودة فى هذة الفئة السعرية رغم اعتراضى على بعض العيب الموجودة فى السيارة التى ارى ان شركة رينو تقاعست عن حلها مثل مكان الكلاكس وعدم وجود abs فتح الشنطة والبنزين بالمفتاح وجود ازرار الزجاج فى مكان غريب وكتالوج السيارة باللغة الانجليزية فقط ورغم كل ذلك قررت اشتريها لانها فعلا مميزة وكانت سوف تكن اكثر تميزا وكانت ستسيطر على السوق المصرى بجدارة اتمنى ان اعرف رايكم فى هذا الكلام وشكرا .....

**rasmy28** · 24-02-2012 03:53 AM

المشاركة الأصلية كتبت بواسطة karimeldin

قررت شراء عربية سانديرو اتوماتيك بعد مفاضلة ودراسة كبيرة بصراحة لقيت العديد من المميزات اللى مش موجودة فى هذة الفئة السعرية رغم اعتراضى على بعض العيب الموجودة فى السيارة التى ارى ان شركة رينو تقاعست عن حلها مثل مكان الكلاكس وعدم وجود abs فتح الشنطة والبنزين بالمفتاح وجود ازرار الزجاج فى مكان غريب وكتالوج السيارة باللغة الانجليزية فقط ورغم كل ذلك قررت اشتريها لانها فعلا مميزة وكانت سوف تكن اكثر تميزا وكانت ستسيطر على السوق المصرى بجدارة اتمنى ان اعرف رايكم فى هذا الكلام وشكرا .....

الف الف مبروك وان شاء الله هتعجبك انا معايا الوجان اوتماتك والحمد لله بحمد ربنا عليه كل يوم

هو بعد الاستعمال هتحس ان الاماكن دى مش عيب ميزه او هتعود عليها فمشكله مش هتديقك ان شاء الله
وبكره هفكرك هتبص لناس كلها انك الصح وهما الغلط هههه

وطبعا كلنا كان نفسنا تنزل ب abs وجنوط لكن لاسف الحلو ميكملشى وبعدين هو فى عربيات اى فى الفئه دى والسعر ده ب abs الا الصينى واعتقد انه منظر علىا لفاضى

اما عن الكتالوج فانا معاك انا فؤجئت انه مش عربيه وليه مش بيعمله نسخه من عربى حتى يرفعوها على موقعهم لو مكسلين يطبعوه وخصوصا ان فى عربيات بتيجى من بلاد بعيده بكتالوج عربى لكن عمتن الانجليزى بتاعه سهل ولو محتاج حاجه التوكيل مش هيبخل عليك فمتشلش هم عيب لكن عيب بسيط

ومنتظرين منك ان شاء الله لما تستلمها تقرير عنها لان فى عجز فى تقرير السانديروا مقارنه بالوجان

وربنا يبارك فيها ويعطيك خيرها ويكفيك شره
تحياتى
محمد رسمي

**KARIMELDIN** · 24-02-2012 01:23 PM

اولا مبروك يا استاذ محمدعلى استلامك اللوجان الاتوماتيك وربنا يحميك ويحميها ان شاء الله هعمل تقرير لما استلم العربية رغم ان استلامى هتاخر شوية لانى شاريها من التوكيل وانت عارف التوكيل بيسلم فى خلال اربع اشهر ودى بردة من عجائب التوكيل بس انا موسوس شوية فقررت اشتريها من التوكيل

**rasmy28** · 24-02-2012 04:09 PM

المشاركة الأصلية كتبت بواسطة karimeldin

اولا مبروك يا استاذ محمدعلى استلامك اللوجان الاتوماتيك وربنا يحميك ويحميها ان شاء الله هعمل تقرير لما استلم العربية رغم ان استلامى هتاخر شوية لانى شاريها من التوكيل وانت عارف التوكيل بيسلم فى خلال اربع اشهر ودى بردة من عجائب التوكيل بس انا موسوس شوية فقررت اشتريها من التوكيل

ربنا يجبهالك بالسلامه ونبارك قريب
برغم انى راى تلف لفه على الموزعين لو ارتحت معه حد خلص حرام تستنى 4 شهور لمعلومه التوكيل فعلا بياخر جدا فى التسليم بصوره تزهق وكل الناس عند الموزعين هيستلمه قبلك بكتير

وعمتن مش عايز اضغط عليك علشان شكلك خايف من الموزعين وموسوس وعندك ق هما عيزن حد فاهم لكن اسمع ان محمد زكى وسمير ريان فى القاهره محترمين عمتن القرار ليك

وربنا يبارك فيها مقدما