الموضوع: رينو سانديرو و لا كيا بيكانتو اوتوماتيك

العربيتن مزيتهم انهم توكيل واحد وهو من افضل التوكيلات فى مصر
لكن انا هصوت لسانديورا الاوتماتيك
1- اكبر حجما واوسع من جوه
2-ماتور اقوى 1600 مش 1300
3-اعلى فئه كامل الكملايات على كس البيكانتوا
4-اعلى من الارض ومقاس العجل 15
5-فتيس تيب تونك

وبعدين البيكانتوا بحسها بناتى شويه وكمان غير مناسبه لعيله

ورينا يوفقك لاختيار الافضل
تحياتى
محمد رسمي

بطبيعه الحال حصوت للرينو بحكم العشره

بس من يومين واحده قريبتى مغيره مساعدين امامى لبيكانتو 2008 ب 900 جنيه +100 جنيه ثمن تركبهم
بصراحه انا اتصمدت من السعر ده

المشاركة الأصلية كتبت بواسطة M.FOUAD

شكرا يا جماعة على الردود هي العربية لبنت و اول عربية ليها
انا كان رايي البيكانتو عشان منتشرة و معروفة و صيانتها و قطع غيارها اعتقد هتبقى احسن اما الرينو لسة جديدة في السوق بس انا بعد ما شفت مواصفات الرينو احترت فعلا فقلت اسالكوا

شوف لو هى لو لبنت يبقى كل كلمنا ده ملوش اى لازم تاخدها كده لمعرض وتشوف العربيه يعنيها دى ودى والتعجبها نتوكل على الله فيها البنات لهم حسابتهم فىا لشكل لانى وانا بشترى عربيت العيله كان معمول حساب اخوتى لانها هتركبها عربيات كنت متوقع انها هتعجبها جدا رفضتها جدا ومنهم الاوبترا والنيسان صنى وعربيات تانيه عجباها فاالكلام الاول والاخر ليها

لكن فكرة الاعتماديه وصيانتها والكلام ده انا حاسس انه مش فى فرق لان اولا البيكانتوا الشكل الجديد لسه بقاله سنه وعمتن العربيات الجديده كلها معدشى بتفرق عن بعضها غير كده كده تعملك معه التوكيل اول 3 سنين على الاقل

هو بكل المقايس السانديروا احسن واكتر عماليه لكن الامر يرجع ليها فى الشكل وريها كمان I10 من هونداى علشان تبقى كل الاختيارت قدمها وخلى بالك ان البيكانتوا عبها ان الفئه الى ب 83,000ج دى هاف اوبشن لكن الكامله ب 96,000 فهل الهاف مناسبه كماليتها معاها لان فى كماليت تفرق معاهم مثلا اختى عندها العربيه ممكن تكون من غير ماتور لكن من غير 4 زجاج كهربه لاه

فى الاخر بدام بنت الامر يرجع ليها وهى البيكانتوا لوجيت لحق عربيه بناتى بامتياز وحجمها حلو وشكلها جميله لكن مش عمليه مقارنتا بالسانديروا الهى فى الحجم وقوة الماتور اد i20 و كيا ريو هاتش باك يعنى فئه اعلى بكتر

وبالتوفيق وربنا يبارك ليها مقدما
تحياتى
محمد رسمي

للعلم بس قوة المحرك مش ف صالح السانديرو ولا حاجة !!!

القدرة الحصانية:(الاتنين زي بعض بالظبط)

Picanto 87PS=85.81HP
Sandero 64KW=85.83HP

العزم:(السانديرو اعلي حاجاة بسيطة)

Picanto 120N.m
Sandero 128N.m

مع فرق الوزن لصالح البيكانتو