اولا حمدلله علي سلامتك .. قدر الله وما شاء فعل
ثانيا كويس انك عملت محضر عشان تثبت الواقعه بالاضرار والتوقيت
هاتسحب حضرتك صورة المحضر وتطلع علي شركه التأمين تعمل بلاغ حادث عندهم وتقدملهم صوره محضر الشرطه
بعد كده هاينزل مهندس التأمين يصورها عشان يثبت الاضرار ف المحضر
بعد كده هاتروح حضرتك التوكيل يشوفوها هاتتكلف أد ايه و يعملولك مقايسه بالتكاليف ترجع بيها لمهندس التأمين و يقوم مهندس التأمين يتفاوض مع التوكيل علي التكاليف و يحاول يخفضها (ده بعيد عنك خالص انت مالكش دعوة)
بعد الاتفاق ع التكاليف يصلح التوكيل العربية و هايحصل حاجه من 2 : يا إما التأمين هاتدفع للتوكيل مباشره
يا إما هاتحاسب التوكيل و ترجع بالفواتير لشركه التأمين يطلعولك شيكات بقيمه الاصلاحات .. شد حيلك وربنا يوفقك وماتزعلش علي حاجه المهم انك سليم
المفضلات