نادي الصيد- القطامية

**a_tantawy7** · 25-02-2012 12:39 AM

السلام عليكم:
استفسار يا أخواني لو تكرمنم, عايز أروح نادي الصيد - فرع القطامية - من شارع مصطفى النحاس, مدينة نصر, أمش ازااي؟؟
أنا أعرف أوصل لحد دائري المعادي بس النادي هيبقى على شمالي, ازاي الف الماحية التانية عشان أدخل النادي؟ اللي أعرفوا أن مافيش يو تيرنز على الدائري..
أفيدوني و النبي.
شكرا جزيلا مقدما.

**Kareem Fawzy** · 25-02-2012 01:03 AM

اقرب طريق من غير ما تتوه
انتا هتمشى فى مصطفى النحاس وتدخل عند امبى كدة الشارع دة اسمه ذاكر حسين وامتداده اسمه طريق الميثاق
هتكمل فيه كأنك طالع على زهراء مدينة نصر والحى العاشر
اخر الطريق دة الطريق الدائرى
هتاخد اليمين مش هتلف الصينية
اليمين دة بيوديك فى اتجاة المنيب والمعادى
هتفضل ماشى لحد ما تلاقى النادى على يمينك
بالتوفيق وربنا يستر طريقك ان شاء الله

**Moh.Abdelbaset** · 25-02-2012 02:09 AM

المشاركة الأصلية كتبت بواسطة a_tantawy7

شكرا على ردك يا باشا, أنا عارف الطريق ده, أخلي أنبي على شمالي و أكمل كأني رايح العاشر, وبعدين أطلع يمين دائري المعادي. بس كده النادي هيبقى على شمالي. ألفله أزاي بقى؟؟؟

و انت رايح الحي العاشر..انبي هتبقى على يمينك مش شمالك..و النادي هيبقى على اليمين..مش هتحتاج تلفله ولا حاجة
توصل بالسلامة

**م. حاتم السباعي** · 25-02-2012 02:09 AM

المشاركة الأصلية كتبت بواسطة a_tantawy7

شكرا على ردك يا باشا, أنا عارف الطريق ده, أخلي أنبي على شمالي و أكمل كأني رايح العاشر, وبعدين أطلع يمين دائري المعادي. بس كده النادي هيبقى على شمالي. ألفله أزاي بقى؟؟؟

لا يا فندم النادي فعلا هيكون علي يمينك كما شرح الاخ الفاضل
و اللي علي شمالك هو كارفور و تدخل له النفق لكي تصل له بالجانب الاخر
اما نادي الصيد فبمجرد ان تترك برج سما الزجاجي الدائري و مدخل عباد الرحمن تدخل للحارة البطيئة علي يمينك مباشرة و تصل لبوابة النادي مباشرة
ربنا يوفقك

تحياتي

م.حاتم السباعي

**sheko_2000eg** · 25-02-2012 03:57 AM

المشاركة الأصلية كتبت بواسطة HAGAN

لا يا فندم النادي فعلا هيكون علي يمينك كما شرح الاخ الفاضل
و اللي علي شمالك هو كارفور و تدخل له النفق لكي تصل له بالجانب الاخر
اما نادي الصيد فبمجرد ان تترك برج سما الزجاجي الدائري و مدخل عباد الرحمن تدخل للحارة البطيئة علي يمينك مباشرة و تصل لبوابة النادي مباشرة
ربنا يوفقك

تحياتي

م.حاتم السباعي

1++++++

**Land_Cruiser** · 25-02-2012 05:37 AM

بص حضرتك لو دخلت ذاكر حسين انبى هتبقى على يمينك روح مكمل على طول هتلاقى مسجد السلام برضه على يمينك و انت ماشى تروح برضه مكمل على طول و بعدين فى نفس الشارع هتقابل سوق السيارات و أخيرا سنترال مدينه نصر٢ و فى نهايه الطريق هتاخد اول فتحه يمين هدخلك على الدائرى تروح ماشى طوالى و تنزل من نفق التجمع الخامس و كده هتبقى على نفس اتجاه نادى الصيد الللى هو فى اتجاه المعادى على فكره و مش محتاج تلف و لا حاجه و قدام شويه هتلاقى النادى على يمينك (يعنى كمل ذاكر حسين للاخر و خد الفتحه اليمين و خلاص)

**Khaled_Nowaihy** · 25-02-2012 09:20 AM

المشاركة الأصلية كتبت بواسطة a_tantawy7

شكرا جزيلا لكل الردود, معلش استفسار أخير لو تكرمتم,
أنا ممكن أخد نفس الطريق من الحي السادس من جنب القسم على طووول لحد بنزينة الوطنية
لحد كده صح
و أخش شمال-من عند الكوبري اللي بيبنوه-
لأ ... تكمل على طول فى نفس الاتجاه حتلاقى الطريق طالع .... فى آخره حتلاقى ميدان اللى فيه توكيل كيا محمد زكى

تاخد يمين وما تنزلش النفق اللى ها تقابله على شمالك
حتكون وصلت الدائرى قبل النادى بحوالى 2 كم

**Kareem Fawzy** · 25-02-2012 10:04 AM

المشاركة الأصلية كتبت بواسطة a_tantawy7

شكرا جزيلا لكل الردود, معلش استفسار أخير لو تكرمتم, أنا ممكن أخد نفس الطريق من الحي السادس من جنب القسم على طووول لحد بنزينة الوطنية و أخش شمال-من عند الكوبري اللي بيبنوه- على طووول برضه و بعدين يمين؟ يوديني غناك برضه صح؟؟ معلش هزعجكم شوية

انتا هتكمل من الحى السادس من جنب القسم تمام كدة
هتقابلك بنزينة وطنية تمام على يمينك بس انتا مش هتخش شمال هتكمل على طول
هتلاقى الطريق بيعلى بيك كأنك طالع مطلع كبير وبعد كدة هتنزل تلاقى توكيل عربيات على شمالك
هتكمل هتلاقى الطريق بيلف بيك وبعدين مطب
هتاخد اول يمين اوعى تنزل من تحت الكوبرى
كدة انتا طلعت على الدائرى اتجاه المعادى
بعد كدة هتعدى برج سما الدائرى الزجاجى شوية كدة وهتلاقى نادى الصيد على يمينك
ربنا يوصلك بالسلامة