ما هى أنسب ضغوط لكاوتش اللوجان؟؟؟؟

**abd_elhalim85** · 25-02-2012 10:29 PM

السلام على احلى اعضاء منتدى،،،،،،،
انا كنت من اسبوع فى توكيل اسيوط لأن كان عداد ال rpm بيتمرجح من 750 الى 1250 لما بشغل التكييف و ده بيخلى العربية تتنطط و انت ماشى و ممكن يسبب مشاكل فى الزحمة.
المهم لما روحت التوكيل و جربوا العربية فعلا لقو الكمبرسور بتاع التكيف بيفصل و يشتغل بسرعة كبيرة و ده طبعا بيخف و يتقل الحمل على المحرك مما يؤدى لهذه المشكلة و تم حل المشكلة فعلا.

طبعا كل اللى انا قلته ملوش علاقة بالسؤال، جايلكوا فى الكلام حالا، انا أول ما أستلمت العربية من شهر قمت مزودها نيتروجين بالضغوط المجودة على الإستيكر الملصق على الباب الأمامى و كان 29 للأمامى و 32 للخلفى لمقاس 185/65/15 و لكن لاحظت ان الكاوتش الأمامى مريح شوية.

لما رحت التوكيل فى المشكلة اللى فوق سأل المهندس بالمرة فقالى زود على 30 امامى و خلفى فقلتله ده عكس المكتوب فقالى يا باشا المكتوب ده لطرق أوروبا اما طرق مصر فعايزه الضغوط 30. بصراحة انا مقتنعتش و خلتنى زى ما انا.

اللى انا عايز اقوله بعد الرغى الكتير ده اتى عايز نصيحيتكم "انسب ضغوط كااااااااام؟؟؟"

**a_nbm** · 25-02-2012 10:59 PM

front 30 & rear32

**wassim_nasser** · 25-02-2012 11:43 PM

بص يا باشا خلاصة الكلام عن تجربه كتير ف الموضوع ده .. الضغط المكتوب 29 قدام 32 ورا ده معمول للطرق الممهدة و الشوارع في أوروبا .. انما في بلادنا هاتلاقي الارض مكسره و الضغط ده هايتعبك و هاتحس العربية ناشفه و كمان حمل الموتور قدام هايخلي ضهر العربية مش متزن ع السرعات العالية .. عشان كده انا رأيى من رأي الراجل اللي ف التوكيل .. 30 قدام و ورا انسب حاجه لشوارعنا و صدقنى انا باظبطها كده ومريحانى جدا .. بس نصيحه أخوية هات لنفسك مقياس ضغط ايطالي نضيف واظبطها بنفسك عشان بتوع الكاوتش بيعكوا و بيعملوه بالبركة .. حاجه كمان لازم تعرفها .. ظبط الكاوتش بالنيتروجين لازم العربية تترفع وال 4 فرد يتسحب منها الهوا و تتفضى تماما لحد ماتكرمش وبعد كده تتملي نيتروجين لكن لو الكاوتش دخله هوا عادي أو اتزود هوا عادي يبقى النيتروجين مالوش لزوم

**abd_elhalim85** · 26-02-2012 01:39 AM

المشاركة الأصلية كتبت بواسطة a_nbm

front 30 & rear32

شكرا لردك

**ragy** · 26-02-2012 01:39 AM

ده رد التوكيل

أفضل ضبط للإطارات السياره هو 32 أمامي ، و 30 خلفي,,, و شكراً جزيلاً ... "a.s."

**ragy** · 26-02-2012 01:41 AM

هو حضرتك من الزقازيق ولا ايه

**abd_elhalim85** · 26-02-2012 01:43 AM

المشاركة الأصلية كتبت بواسطة ragy

ده رد التوكيل

أفضل ضبط للإطارات السياره هو 32 أمامي ، و 30 خلفي,,, و شكراً جزيلاً ... "a.s."

يا ريت توضح انت تقصد العكس؟؟؟

**wassim_nasser** · 26-02-2012 02:35 AM

المشاركة الأصلية كتبت بواسطة abd_elhalim85

أولا شكرا على ردك يا وسام،
بالنسبة للنيتروجين، انا عملته عند واحد فى الزقازيق عنده مكنه ديجيتال شكلها محترم، وصل خرطوم الهوا و راح مشغل الشفط لحد ما خلى الكوتش زى هيطلع من البلف و بعد كدة ضخ نيتروجين بالضغط المطلوب.
اما بالنسبة لضغط الكاوتش انا بس مستغرب ان الضغط المكتوب على الإستيكر محددش غير هل انت ماشى على طريق سريع او داخل البلد ولم يتطرق ابدا لدرجة تمهيد الطريق و بصراحة انا من النوع اللى بيحب يلتزم بالمكتوب علشان كده قلقان

و يا باشا شكرا على نصيحة مقياس الضغط

لا ياباشا الاستيكر محدد الطريق الممهد او السريع بالعلامة دى ( :-----: ) و الطريق غير الممهد بالعلامة دى ( :--/--: ) وكل واحد لة قياساتة و هاتلاقى ال 2 زى بعض بس انا بقولك عن تجربتى احسن ضغط 30 قدام وورا