صيانة الـ 40 الف لهيونداي نيو اكسنت

**R A N A** · 25-02-2012 11:21 PM

مساء الخير عليكم جميعاً
انا عضوة في المنتدي هنا من زمان بس بقالي كتير مكنتش بدخل وطالبة منكم المشورة
انا معايا عربية هيونداي نيو اكسنت موديل 2010 مانيوال وشارياها في شهر يوليو 2009 (الشكل القديم مش ال RP).
ووصلت دلوقتي ل 40 الف كيلو (متستغربوش انا بروح بيها الشغل كل يوم وسافرت بيها اسكندرية مرتين والعين السخنة مره وبستخدمها في كل مشاويري) بس كل ماقول لحد الرقم ده يقولي انتي مبتمشيش بيها ولا ايه

المهم انا دلوقتي عاوزة اعمل صيانة ال 40 الف فياريت تقولولي ايه اللي بيتغير فيها بالظبط وهاتتكلف كام
انا اتصلت بالتوكيل وعرفت ان سعر المصنعية 280 جنيه وقطع الغيار على حسب اللي هايتغير بقي.
فياريت تقولولي ايه بالظبط اللي متعارف عليه انه يتغير في كل صيانات الاربعين الف بالنسبة لعربيتي ولو تقدروا تقولولي كمان اسعار قطع الغيار يبقي كتر الف خيركوا.

كمان انا محتاجة اخد رأيكوا هل اعملها في غبور ولا عند وكيل معتمد لو فرق السعر هايكون كبير يعني.
وميرسي على اهتمامكوا مقدماً.

**el_nahal2004** · 25-02-2012 11:50 PM

انا افضل بالذات صيانة ال 40000 وال 80000 ان شاء الله يكونوا داخل التوكيل عشان بيغيروا حاجات كتير اوى
وبيتم تغير الاتى
فلتر محرك و تغير زيت لو حضرتك مش مغيرة قريب
فلتر هوا
فلتر وقود
تغير البوجيهات
بيغيروا تيل الفرامل اذا احتاج تغيروا وبيقلوا لحضرتك قبل مايغيروه
تربيط العفشة
فحص دورة التبريد
تغير مياه الريداتير
فحص شدة سيور المحرك
فحص دورة الوقود
فحص توقيت الحقن
فحص اسلاك البوجيهات
فحص سير كاتينة
فحص مبرد الزيت
فحص مواسير العادم
فحص المحرك بالكمبيوتر
فحص بدال الدبيرياج
تزويد زيت الدبرياج
تغير زيت ناقل الحركة سواء كان يدوى او كان اتومتيك
تغير زيت الكرونة
فحص بدال الفرامل وفرامل اليد
تزويد زيت الفرامل

غير ان هما بيفحصوا على الكهرباء عمتا والبطارية والتكيييف وظبط الكاوتش وتبديل الاطارات

وعلى فكرة المصنعية الى حضرتك كاتبها بتزيد شوية عشان ضريبة المبيعات هتخشلها فى الاخر مصنعية بس بتاع 320
الى انا عارفه فى اسعار قطع الغيار
البوجيهات60
وتيل الفرامل لو غيروه ب 330
الفلترهوا 40تقريبا
فلتر بنزين 20تقريبا
ممكن حضرتك تعملى صيانات ال 45 وال 55 وال 65 ان شاء الله خارج التوكيل لان هما مش بيتعمل فيهم حاجة تقريبا
يارب اكون افادتك

**Samir Elshahawy** · 26-02-2012 12:22 AM

أولا .. مرحبا بيكي مرة أخري في عائلة هيونداي

1- طبعا يفضل أن الصيانات الرئيسية (40000 كم - 80000 كم - 120000 كم) تكون في التوكيل نظرا لتوافرا الامكانيات
2- ياريت حضرتك تطلبي من مهندس الاستقبال في التوكيل كتابة كل البنود التي ذكرها الاخوة في أمر الشغل و تتأكدي أنهم نفذوها كلها بالاضافة لأي مشكلة تكون عندك
3- بالنسبة للاطارات يفضل تكشفي عليها خارج التوكيل في أي مركز خدمة كويس (بريدجستون مثلا) و تعملي تبديل للاطارات و ممكن يقولك الحالة أيه

طلب أخير ...
ياريت حضرتك بعد ماتعملي صيانة العربية تفيدينا بالاتي :
1- أسم مركز الخدمة الذي تعاملت معه و هل هو معتمد ام لا
2- بنود الصيانة التي تمت و تكلفتها
3- قطع الغيار المستخدمة و أسعارها ان امكن
4- تقييمك للمركز
5- تقييمك لداء العربية بعد الصيانة

و ياريت حضرتك تشاركينا بالرأي في تطوير القسم و النهوض به من خلال المشاركة بالموضوعات التالية :

http://www.nilemotors.net/Nile/273614-a.html

http://www.nilemotors.net/Nile/273772-2012.html

http://www.nilemotors.net/Nile/274015-hyundai-team.html

**SHNORY** · 26-02-2012 12:31 AM

40000 دول يعملوا كام لتر 95 من اللي بتحطيه
منوره المنتدي من تاني يا رانا بعد انقطاع
حبيت بس ادخل اسلم
وحطلع اجري قبل ما جماعه هيونداي يضربوني

**el_nahal2004** · 26-02-2012 12:46 AM

وعلى فكرة انا موديل 2010
وشاريها فى سبتمير 2009
وعامل 27500ك
مع انى بعمل بيها كل مشاويرى وسافرت بيها مرتين اسكندرية ومرة العين السخنة ومرة ايتاى البارود وصيانتى كلها فى قليوب
بس اظاهر ان مشاويرى هية الى قليلة