النمر اتسرقت

**nice_bird** · 26-02-2012 01:56 AM

السلام عليكم :

النهاردة وانا راجع من الشغل ببص عالاكصدام قدام ملقتش النمرة بتاعت العربية بكلم واحد صحبي بيقولي دي مش قاعدة من الصبح دا فاكرك شايلها المهم روحنا نعمل محضر بسرقة النمر الظابط مرضيش قالي تلاقيها وقعت منك وانتا مش واخد بالك وانا واثق انها مريوطة كويس المهم بعد مشادات قالي انا هعملك محضر فقد لوحات وبعدين يومين تاخد صورتو من النيابة وتروح تاخد غيرها من المرور ولما سالني عن وقت فقد الوحات قلتلو انا اكتشف الكلام دا المغرب لكن اصحابي بيقولوا انها مش قاعدة من الصبح المهم المهم عملت المحضر بس مش مستريح وخايف يكون اللي سرقها هيعمل بيها حاجة والبسها انا وعايز حد يفيدني كدا صح ولا ارجع اعمل محضر سرقة خاصة العربية لسه متلقبة من اسبوع (كوريك +واستبن +وطفاية وشوية عدة وحاجات تاني)

**dr_hady4447** · 26-02-2012 03:08 AM

النمر اتسرقت قدام وورا ولا اللى قدام بس؟

**kmk4** · 26-02-2012 03:12 AM

بص يامعلم اهم حاجة لما تتحط النمر علىعربية وتعمل مصيبة العربية مش حتكون نفس النوع او الللون ولو حظك وحش ومعاك عربية منتشرة زي اللانسر الفضي واللانوس الزيتي يبقى المحضر امان معاك بس كنت تعمل المحضر باخر وقت شفت فيه النمر مثلا لو انت اخر مرة شفتها الظهر ولاحظت سرقتها المغرب بلغ انك فقدتها الظهر وساعتها لو حصل لاقدر الله حاجة بتثبت بالمحضر ده انها اتسرقت دي كفاية وياسلام لو تثبت بالشهود مكانك فين وقت وقوع الحادث يبقى الموضوع براك براك شوية وجع دماغ بس فركز اليومين دول وسجل مكان تواجدك في توته او حاجة مع ان دي مالهوش لازمة والمحضر كفاية بس زيادة امان

**nice_bird** · 26-02-2012 04:02 AM

بص يامعلم اهم حاجة لما تتحط النمر علىعربية وتعمل مصيبة العربية مش حتكون نفس النوع او الللون ولو حظك وحش ومعاك عربية منتشرة زي اللانسر الفضي واللانوس الزيتي يبقى المحضر امان معاك بس كنت تعمل المحضر باخر وقت شفت فيه النمر مثلا لو انت اخر مرة شفتها الظهر ولاحظت سرقتها المغرب بلغ انك فقدتها الظهر وساعتها لو حصل لاقدر الله حاجة بتثبت بالمحضر ده انها اتسرقت دي كفاية وياسلام لو تثبت بالشهود مكانك فين وقت وقوع الحادث يبقى الموضوع براك براك شوية وجع دماغ بس فركز اليومين دول وسجل مكان تواجدك في توته او حاجة مع ان دي مالهوش لازمة والمحضر كفاية بس زيادة امان

المشكلة ان النمرة اتسرقت من عربية والدتي (شاهين بيضا) والشاهين مالية الدنيا وانا خايف من كدا بس بكرة ان شاء الله هروح القسم تاني واتاكد من موضوع اني بعيد عن اي ضرر يحصل بسبب النمر وربنا يستر