الموضوع: اللوجان و زيت ليكوى مولى

مبروك على الزيت و ان شاء الله يريح العربية

بس مش ارقام الاستهلاك غريبة شوية ؟!

المشاركة الأصلية كتبت بواسطة ahmedeg1

مساء الجمال
حبيت أشاركم تجربتى فى صيانة ال 10000 للوجى الحبيبه

رحت يوم الجمعة الساعة 10 صباحا مركز عثمان موتورز فى فيصل
سألنى عن الصيانه
قلتله هاعمل صيانة ال 10000 و هحط الزيت اللى انا جايبه
قالى بس زيت الشركه الموصى به للسيارة لازم يكون توتال علشان هو 5w40
قولتله و واريته ان زيت ليكوى مولى 5w40
يعنى مطابق و لا لأ
و متصمم لرينو كمان
هتتكلف كام يا بشمهندس
هتتكلف 150 جنيه بالفلتر
إتكلنا على الله
و ربطنا العفشه و غيرنا الزيت و كله تمام التمام
المهم صوت الموتور بقى أهدى حاجه خفيفه مش قةى زى ما كنت متخيل
بس استهلاك البنزين بقى تحفه
فى الطوالى على سرعة 75 من 2.1 لتر الى 3 لتر لكل 100 كيلو على عداد العربيه و فى داخل البلد حوالى من 4.4 لتر الى 5.3 لتر
فعلا زيت ممتاز لحد دلوقتى
و إتبقى معايا فى الجركن 2 لتر إلا 100 جرام زيت
هاشيلهم و أجيب الغيار الجاى لترين زيت منفصليين

ما شاء الله
بس الصراحه استهلاك البنزين اللي انت كاتبه غريب (قليل قوي)
انت عامل بالزيت كام كيلو
والاستهلاك كان عام ايه قبل التغيير الي ليكوي موللي
وياريت تحسب الاستهلاك مره تانيه في التفويله او في الصفيحه

ربنا يباركلك فيها ويكفيك شر الطريق

المشاركة الأصلية كتبت بواسطة ahmedeg1

فى الطوالى على سرعة 75 من 2.1 لتر الى 3 لتر لكل 100 كيلو على عداد العربيه و فى داخل البلد حوالى من 4.4 لتر الى 5.3 لتر

دى أرقام ولا فى الخيال ..
لا اعتقد انها مظبوطة .. لاحظ نفس الأرقام بعد 100 كيلو بدون تصفير هتلاقيها رفعت للعادى
الزيت ليس له علاقة مباشرة باستهلاك البنزين للدرجة انه ينزل للنص.

أدى الصوره اللى اتفاجأت بيها بعد غيار الزيت و فولت و صفرت العداد و إدانى الإستهلاك على الطوالى
بس على فكره انا يدوبك بشعر الدواسه بتاعة البنزين و كل لما أزود يزيد الإستهلاك
الصوره الأولى كنت نازل من على منحدر و شايل رجلى من على الدواسه
الصوره التانيه كنت بزود بنزين لحد ما وصلت لسرعة 80 بعد كده المعدل زاد لأربعة و أخره كان 4.4 لتر لكل 100 كم
طبعا كل ده على الطوالى

يا باشا مش باكدبك ولا حاجة ، وعارف انه ممكن الحصول على أرقام زى دى فى ظروف معينة ..
استنى بس لما تعمل 100 كيلو بدون تصفير وقول لنا على الأرقام.

المشاركة الأصلية كتبت بواسطة ahmedeg1

و إتبقى معايا فى الجركن 2 لتر إلا 100 جرام زيت
هاشيلهم و أجيب الغيار الجاى لترين زيت منفصليين

ازاى و لا واحد اخد باله من الباقى من الزيت
ازاى فاضل لترين ..ليه هى اللوجان بتاخد كام لتر زيت
اللى اعرفه 3.5 لتر
اشمعنى عربية حضرتك تاخد لترين
ارجوك ارجوك فهمنى

طيب عمليا تفويلة التانك بقت تعمل كام ؟