حد عنده فكرة عن مدينة ناصر؟

**azmeralda** · 26-02-2012 05:50 PM

بيقولوا قبل ما تدخل القاهرة وهى اللى بتشترى منها لعب الأطفال بأسعار رخيصة والزحاليق والمراجيح وكده فين بالضبط وهل اى كمية ولا كميات كبيرة ؟؟

**nonetta** · 26-02-2012 08:59 PM

انا مش فاهمة قصدك ايه يا ازميرالدا
مدينة نصر ولا منشية ناصر

**rockana9112007** · 27-02-2012 01:03 PM

بصى حضرتك لو كان قصدك على منشية ناصر فهى على طريق الاوتوستراد على ايدك اليمين وانتى جاية من مناطق حلوان وصقر قريش والدائرى ورايحة على نادى السكة الحديد ومدينة نصر

بس معرفش حاجة الصراحة عن لعب الاطفال

**M.Elgergawy** · 27-02-2012 01:07 PM

فعلا هما بيكونوا فارشين في الشارع انا بشوفهم على طول بس عمري مافكرت اسال على حاجة

**M.Hosni** · 27-02-2012 03:54 PM

في طريق القاهرة - الاسكندرية الزراعي في الاتجاه القادم للقاهرة و عند قليوب ( تقريبا عند المنطقة الصناعية اللي هناك اللي فيها مراكز صيانة العربيات زي غبور و الرواس ), في كذا واحد من المصانع بتاعت الفيبر جلاس , و دول عندهم زحاليق و مراجيح و حاجات شبه كده , بس دي الاحجام الكبيرة اللي بتتحط في الحدائق و النوادي و كده يعني

أما بالنسبة للزحاليق و المراجيح اللي ممكن تتحط داخل المنازل , في شارع في الموسكي ( قريب من ميدان العتبة - وسط القاهرة ) , هناك في محلات كتير بتبيع كل لعب الأطفال و بأسعار أقل بكتير من أي حتة تانية

**azmeralda** · 28-02-2012 12:55 PM

aشكرا على الرد هى المقاسات الكبيرة محتاجينها فعلا بتاعة النوادى

اما بالنسبة للموسكى فانا رحت الشهر اللى فات ملقتش حاجة جايز عشان بيقفلوا الأحد؟؟

**M.Hosni** · 28-02-2012 02:03 PM

طيب إذا كان حاجات النوادي , دول شركات بتبيع الحاجات دي :-

الاهرام للفيبر جلاس
العنوان : طريق مصر - الاسكندرية الزراعي - الكيلو 19 - قلما - قليوب
تليفون : 42163568
::: Al Ahram 4 Fiber :::

Edu Fun World
تليفون : 22707692
Products

في شركات تانية بتبيع الحاجات المستوردة من المراجيح و الزحاليق و ألعاب الأطفال بتاعت الحدائق و النوادي لو محتاجاهم أبعتهملك , بس طبعا غاليين جدا