استفسار من الاخوه مهندسي الكمبيوتر والكهرباء

**michohat** · 27-02-2012 07:32 PM

السلام عليكم ورحمه الله وبركاته

حاولت اوصل مروحه كيسة كمبيوتر (12 فولت) علي الكهرباء العاديه بواسطه محول ادبتور بيستخدم فى توصيل الاجهزة ( الهارادت ال ide و السي دي روم و الدي في دي ) لجعلها تعمل كمثل الاجهزة الاكستيرنل بواسطه ال usb فقط بدون وصله داتا ولا كهرباء فقط وصله usb
الادبتور ده الخرج بتاعه 12 فولت اعتقد مثل خرج البور سبلاي العادي
فقمت بتوصيل مروحه كيسة كمبيوتر بهذا الادابتور ولكنها لم تعمل مع العلم سلامه كل من المروحه والادبتور حيث انني قمت بتوصيل المروحه علي بور سبلاي ف اشتغلت و كذلك قمت بتوصيل الهارد وال دي في دي بواسطه الادبتور وعمل دون الاعتماد علي خرج الكهرباء الخارج من البور سبلاي واشتغلوا على خرج الكهرباء الخارج من الادبتور الموصول بكهرباء 220 فولت

فعاوز اعرف فين الغلط هنا اذا كان المروحه سليمه وشغاله والادبتور سليم وشغال والمروحه بتاخد 12 فولت و الادبتور بيطلع 12 فولت
و تم تجربه كل منهم علي حدى كما سبق ذكره
فايه العيب؟

**Adel.Nasr** · 27-02-2012 11:06 PM

لو المروحه بتدور في اتجاه واحد جرب تعكس اطراف التوصيل

**tamerosman** · 27-02-2012 11:11 PM

ممكن يكون الخرج بتاع الباور سبلاى مختلف لكل جزء مثلا السلك الى بيتوصل بالبوردة فولته مختلف عن السلك الى بريوح للهارد ديسك ، غالبا كهربة المروحة مش 12 فولت

قيس الفولت بتاع خرج البارو سبلاى الى رايح للبوردة و المروحة

**amrelsaqqa** · 27-02-2012 11:30 PM

الادابتور اللى عندك ده غالبا له 4 اطراف ( اصفر واسود واسود واحمر )

الـ 12 فولت في الادابتور هو الطرفين الاصفر والاسود ( الاحمر 5 فولت ما توصلش بيه )

المروحة لها سلكين بس او سلكين + واحد اضافى سنسور لعدد اللفات

كدة كدة السالب بيكون اسود في المروحة والادابتور

يعنى توصل الاسود في الاسود

ويتبقى لك طرفين في المروحة تجرب كل واحد فيهم على حدة مع الاصفر اللى في الادابتور لحد ما تشتغل

**michohat** · 28-02-2012 02:21 AM

المشاركة الأصلية كتبت بواسطة kingrace

لو المروحه بتدور في اتجاه واحد جرب تعكس اطراف التوصيل

المروحه مش بتشتغل لما تكون موصوله بالادبتر و بتشتغل لما بتتوصل بالبور سبلاي

المشاركة الأصلية كتبت بواسطة tamerosman

ممكن يكون الخرج بتاع الباور سبلاى مختلف لكل جزء مثلا السلك الى بيتوصل بالبوردة فولته مختلف عن السلك الى بريوح للهارد ديسك ، غالبا كهربة المروحة مش 12 فولت

قيس الفولت بتاع خرج البارو سبلاى الى رايح للبوردة و المروحة

طب ازاي مع ان الباور سبلاي والادبتر بيشغلوا نفس الاجهزة اللى جربتها يعني بيشغلوا الهارد دسك وال سي دي روم

المشاركة الأصلية كتبت بواسطة amrelsaqqa

الادابتور اللى عندك ده غالبا له 4 اطراف ( اصفر واسود واسود واحمر )

الـ 12 فولت في الادابتور هو الطرفين الاصفر والاسود ( الاحمر 5 فولت ما توصلش بيه )

المروحة لها سلكين بس او سلكين + واحد اضافى سنسور لعدد اللفات

كدة كدة السالب بيكون اسود في المروحة والادابتور

يعنى توصل الاسود في الاسود

ويتبقى لك طرفين في المروحة تجرب كل واحد فيهم على حدة مع الاصفر اللى في الادابتور لحد ما تشتغل

الادبتر الموجود عندي والمروحه اطرافهم مش سلوك بوصلها دي فيش زي فيش الباور بتاعت الباور سبلاي بتاعت الكمبيوتر يعني مش بوصل سلوك بسلوك كل اللى بعمله بركب فيشة فى فيشة تانيه و ان شاء الله لزياده التوضيح بكره هحط صور لكل من الادبتر والمروحه والفيش بتاعتهم

**lanos2004** · 28-02-2012 02:24 AM

فيه ادبتر بفيشه فى باب اللوق 10 جنيه بيوصلوا عليه الهارد او السى دى روم خارجى هاته هيشتغل معاك حلاوة

**michohat** · 28-02-2012 02:34 AM

دي صور للادبتر بكافه مشتملاته جبتها من على النت

انا مش بستخدم الا جزء الادبتر الخاص بالكهرباء بس واللى المفروض بيدني كهرباء ف الطرف النهائي اللى هو شكله مماثل لشكل كابل الكهرباء اللى طالع من البور سبلاي العادي

ودي صورة مماثله للمروحه مع اختلاف ان المروحه اللى عندي مفيش فيها الكابل الرفيع اللى اظن هو بتاع السنسور

ودي صورة مماثلة للمروحه بالاطراف الموجوده عندي وكذلك مشابهه فى البيانات المكتوبة على المروحه من ناحيه الفولتيه