خريج الهندسه

**besso** · 27-02-2012 09:59 PM

[OVERLINE] السلام عليكم جميعا
كان عندى استفسار بعد اذن حضراتكوا بخصوص الهندسه علشان انا ناوى اخش كليه عندسه
هو طالب كليه الهندسه المفروض يكون بيعرف يشتغل على برنامج رسم ايه(يعنى انا بعرف اشتغل على برنامج inventor)ولا الكلام ده بيبقى حسب التخصص؟؟؟؟؟؟؟؟؟؟؟؟؟؟
وايه هى بقى اهم البرامج المستخدمه فى عالم السيارات يعنى (اوتو كاد ولا سوليد وركس ولا اننتور ولا ولا ولا................)؟؟؟؟؟؟؟؟؟؟؟؟؟� �؟؟؟
سؤال تانى معلش
هو انا ينفع اشتغل بأى برنامج من دول بحكم انى بعرف استخدمه وكده ولا لازم اكون خريج هندسه ؟؟؟؟؟؟؟؟؟[/OVERLINE]

**amrelsaqqa** · 27-02-2012 10:10 PM

كونك عارف الكلام ده اصلا من قبل ما تدخل الكلية ده انجاز كبير :d

المفروض من طالب كلية هندسة يكون ما يعرفش اي حاجة ( وهيتخرج وهو برضه لسه ما يعرفش كل حاجة ) بس لما تيجى تشتغل لازم تكون بتعرف

فاتعلم اللى انت عايزه وقت ما تحب ( قبل الكلية / بعد الكلية / وانت في الكلية ) لأن الكلية نفسها مش واقفة على حاجة
ممكن تحس انى ببالغ بس دى على الاقل 90% من الحقيقة

وطبعا بالنسبة لسؤالك التخصص بيفرق ، لأن مش معقول طالب قسم اتصالات يتساوى باحتياجات المعمارى او المدنى مثلا ، ( اه كلنا بنحتاج الحاجات دى ، بس هى جوهرية في اقسام و ثانوية في اقسام تانية )

**besso** · 27-02-2012 10:44 PM

يعنى قصد حضرتك انى استخدم البرنامج اللى انا عايزه
وانا الحمد لله بحب اتعلم وكمان فى تخصصى باعتبار انى مدرسه فنى خمس سنين وتخصصى سيارات برده وحلمى انى اخش كليه هندسه فأنا كان قصدى انى مش عايز ابقى متأخر عن التطور اللى فى العالم

خصوصا انى عارف انو حتى فى التعليم فى مصر لو علمك على اى برنامج على الكمبيوتر (والكلام ده مش بيحصل طبعا وعن تجربه)اذا كانت برامج اوفيس او برامج رسم هتكون نسخه سنه2000 بفخر!!!!!!!!!!!!!!!
وكأن العالم وقف عند سنه 2000 فعلشان كده انا عايز ابقى مواكب العصر
انا الحمد لله جبت برنامج انفنتور من مدرسى وخد منه شويه فيديوهات تعليميه للبرنامج واتعلمته والحمد لله بدأت اطور من نفسى فيه وأتقدم اكتر واكتر

وكنت عايز اعرف هو انا اقدر اشتغل بره فى اى مكان بالبرنامج ده بس انا مش محترف يعنى ولا لازم يكون معايا شهاده (اذا كانت هندسه وا شهاده من مكان انى اخدت كورس فى البرنامج ده)لانى نفسى استغل الحكايه دى بدل ما انا قاعد اتعلم عليه وخلاص

دى صور لحاجات انا صممتها
[IMG] Shot at 2012-02-27[/IMG]

[IMG] Shot at 2012-02-27[/IMG]

[IMG] Shot at 2012-02-27[/IMG]

**amrelsaqqa** · 27-02-2012 11:35 PM

ما شاء الله عليك
انت كدة مهندس من قبل ما تدخل الكلية

ان شاء الله لو دخلت وانت معاك المؤهلات دى كلها هتقدر تستفيد وتطور نفسك اكتر واكتر

انما كبداية لدخول الكلية انت مش محتاج غير انك تكون شاطر في الرياضة وهتتعلم كل حاجة في الكلية طول ما انت حابب انك تتعلم

تمنياتى ليك بالتوفيق :)

**besso** · 27-02-2012 11:42 PM

ربنا يخليك ومتشكر جدا جدا لحضرتك وفعلا عندك حق بالنسبه للرياضه لانها مهمه جدا
ولالااسف مهمله عندنا بس انا هحاول انشاء الله اهتم بيها

**aif** · 27-02-2012 11:49 PM

ماشاء الله تصميمات جميلة وبداية مبشرة لك كمهندس مستقبلا ......ربنا يوفقك
زي ما الاستاذ عمرو قالك واحب اضيف كمان
اللغات .....
انت عشان تتعامل مع اي مراجع او دراسات او بعثات تعليمة .... لازم يكون عندك لغات
لازم تتكلم وتكتب وتقرأ انجليزي + لغة اخرى على الاقل .... بطلاقة
ده ح يفرق معاك كتيرفي المستقبل

**besso** · 28-02-2012 10:40 PM

طبعا انا متشكر جدا ليك يا استاذ aifعلى نصيحتك ليا وانشاء الله اعمل بيها وكمان انا بحب الانجليزى
بس بقى بسمع انك لازم تاخد كورس وكده وعلشان اخد كورس كويس وصح غالى عليا على الاقل فى الوقت الحالى
وليا واحد قريبى بيتكلم ألمانى فأنا ناوى انشاء الله اخليه يعلمنى

ومتشكور يا استاء hazoom 2006
انا حاولت اتعلم على 3dmax بس محبتوش خصوصا انه متشعب اوى يعنى بيختص فى حاجات كتيير جدا
وده اللى مصعبه عليا وانا شايفه معقد

فعلشان كده استخدمت (انفنتور) لانه سهل وبسيط وفى نفس الوقت برنامج خرافى بمعنى الكلمه
وانا بستمتع بالشغل عليه كمان

بس انا كنت عايز اعرف هو الواحد يقدر يشتغل هنا فى مصر بالبرامج دى
وهايكون الشغل فى ايه؟؟؟؟ يعنى (لان احنا معندناش تصنيع يتطلب البرامج دى غير بقى فى الانشاءات وتصميمات البيوت وكده
فعلشان كده
فا انا كان قصدى انو مفيش فايده من البرامج دى فى مصر غير عدد محدود منها؟؟؟؟؟؟؟؟

**OMAR61995** · 28-02-2012 11:43 PM

ما شاء الله شغل روعة و الله
بس حاول تتعلم 3ds max لأنه هينفعك أكتر بس المشكلة أنه صعب و خياراته كتيرة جداً
بس لما تمشى فيه شويه هتتعود
أو اتعلم الفوتوشوب أسهل لأنه ضرورى لأى حد بيتعلم تصميم 3D

**besso** · 29-02-2012 12:41 AM

ما هو اصل الفوتوشوب وال ثرى دى ماكس مش برامج متخصصه فى شىء معين
لكن الانفنتور برنامج تصميمات ميكانيكيه معقده
وده اللى هاينفعنى
لانى مش ناوى ابقى مصمم سيارات(بالنسبه للشكل الخارجى يعنى) لكن ميكانيكى اه ربنا يسهل
وكمان الانفنتور مش بيرسم وبس لا ده بيوريلك الاجهادات اللى بتقع على المعدن ده وشغل بقوانين وكده
انا موصلتش للكلام ده لكن قريت عن البرنامج كتيير
والميزه الكبرى فى البرنامج ده انو مش منتشر
مع انه جميل جدا
عارفين بقى البرنامج اللى ناوى انشاء الله اتعلمه هو كمان برنامج سوليد وركس
قريت عن البرنامج ده انو جميل ويمكن يكون اعلى من انقنتور
بس انا مستنى بس لما اعمل شويه تحديثات للكمبيوتر يالنسبه للرامات وكارت الشاشه
لكن 3dmax انا حاولت معاه اكتر من شهرين
بس مش قادر اتقبله
ومش داخل دماغى مع انو جميل جدا بس انا شايفه رخم
وفى النهايه دى وجهه نظرى ومين عارف يمكن اجى فى يوم من الايام واتعلمه غصب عنى