رجاء لو سمحتم لو حد يعرف مكان كويس اغير بوجيهات واربط العفشة سيراتو 2011؟

**shicobeco** · 28-02-2012 12:45 AM

انا معايا سيراتو 2011 المفروض اعمل صيانة ال 20000 بس انا بصراحة حاسس انها غالية فالتوكيل لو حد يعرف مكان كويس اربط العفشة و اغير فيه بوجيهات وايه النوع الكويس وبكام وايه افضل زيت محرك وسعره

**ls1090** · 28-02-2012 02:29 AM

1- بالنسبة للعفشة فى اى محطة موبيل ب 10 ج او بريجستون ب 10 ج
2-البوجيهات من اى محل قطع غيار معتمد وهات الاصلى ngk
3- عندك شل الترا 10 تلاف كيلو لو عايز تجرب حاجة جديدة جرب ليكوى مولى هاى تك 5w-40
وهات فلتر الزيت من مكان معتمد علشان المضروب مالى السوق ومستناش تغير فلتر الهواء
حضرتك ساكن فين وه قولك على مكان قريب منك

**tarek_rcc** · 28-02-2012 11:02 AM

انت رجل محترم يا ls1090
شكرا بالانابة عن الزميل

**shicobeco** · 29-02-2012 01:11 AM

جزاك الله خيراااااااا Is1090

انا ساكن فمصر الجديدة ,تعرف التكلفة تعمل كام؟ وبجد الف شكر للرد

**ls1090** · 29-02-2012 04:06 PM

المشاركة الأصلية كتبت بواسطة shicobeco

جزاك الله خيراااااااا Is1090

انا ساكن فمصر الجديدة ,تعرف التكلفة تعمل كام؟ وبجد الف شكر للرد

جزانا الله واياكم خير
بالنسبة للعفشة 1-تعملها فى بريجستون صلاح سالم عمارات العبور بعد سيتى بنك
2-محطة موبيل صلاح سلام والتكلفة 10 ج
البوجيهات وفلتر الهواء وفلتر الزيت من التوكيل( eim) فى روكسى اخر مره جبت البوجيهات ب 150 وفلتر الهواء 90 وفلتر الزيت 35
نجى للزيت لو هتغير شل هيلكس الترا 10000 ب 265 اى محطة شل الى انا اعرفها فى التجمع الخامس شارع التسعين والعربية بتاخذ بالفلتر 3.3
لو هتغير ليكوى مولى هات الهاى تك ب 295 5 لتر
لو عايز تعمل الشغل دا كله فى مكان واحد فى الرحاب هات الحاجة والراجل هياخذ منك مصنعية 50 ج مثلا وعنده كرياك كبير

**ls1090** · 29-02-2012 04:07 PM

المشاركة الأصلية كتبت بواسطة tarek_rcc

انت رجل محترم يا ls1090
شكرا بالانابة عن الزميل

شكرا يا كبير على ذوقك

**shady982** · 11-03-2012 01:54 PM

انا اسف المداخلة متأخرة شوية بس صيانة ال20000 مش بس زيت فى كشف على التيل و الطنابير و نصيحة منى دى اساسا متعملهاش فى التوكيل لأنهم بيركبوا التيل غلط كابس على الطنابير علشان تغير الإتنين مع بعض كل شوية . انا عملت صيانات الى 80000 وفى الأخر سبتلهم .
فى مركز اسمة امير و جوزيف " المركز ده موجود فى 43 ش ابو داوود الظاهرى
مدينة نصر, القاهرة
التليفون:
0222721412, 0123104323
مش لازم تكون شارى ضمان" فى ناس كتير بتشكر فية و معظم الخليجى بيصين عندة انا مجربتوش بصراحة لأنى ســاكن بعيد عنة لكن احتمال اجربة قريب و هأولك بردو .
و لو عايز تعمل حاجة فى التوكيل بالترتيب من الأحسن للأسوأ:
1-القطامية (صغير لكن عندهم اهتمام عالى بالشغل و بيتصلوا يسألوا على العربية بعد يوميا تقريبا).
2- روكسى (عادى) بس بيديك قطع الغيار الspare و علب القطع اللى ركبها.
3- ابو رواش (زبــــــــــــــــــــــ� �ــــــــــــــــالة) و شاكك انهم بيركبوا قطع غيار مضروبة و لما عملت شكوي فيهم قبل كدة و مهندس الصيانة قولتلوا انا شاكك انكوا بتركبوا قطع غيار مضروبة و هبعت فيكوا mail و شكوى و كدة كان مبلول و مش عارف يرد وكلمنى بعديها مدير عام صيانة كيا و موضوع كدة مش عايز اصدعكو بية.