هل هذا معناه تغيير البطارية ؟

**islamnabil** · 28-02-2012 01:41 PM

السلام عليكم ورحمة الله وبركاته
عندي مشكلة غريبة بتحصل
و هيا اني لما ابقى ماشي بالعربية و ابطل شوية (عشان افول بنزين مثلا) العربية ماترضاش تدور
و بضطر اني ازقها
بيكون في صوت تكات كده لكن مابسمعش صوت المارش
رغم ان الكاسيتو الانوار و حتى الزجاج الكهرباء بتكون شغالة

بس مجرد ماتدور لو بطلت و دورت تاني بتدور عادي
و عمرها ماعملت كده معايا و العربية باردة او حتى سايبها فترة كبيرة مركونة (اكتر من نص ساعة مثلا )

ياترى ده معناه البطارية عايزة تتغير ولا ايه
علما ان العربية ماشية 60 الف تقرببا و موديل 2009

طبعا انا عارف اني لازم اروح لكهربائي بس عايز اكون فاهم
جزاكم الله خيرا

**samirsaid1** · 28-02-2012 02:40 PM

نفس الموضوع حصل معايا وفضلت فترة تعمل كدة وفى الأخر غيرت البطارية
بس الحمد لله

وممكن تروح لواحد كهربائى او بتاع بطاريات يقيس الشحن وهايقولك العيب من ايه وكمان عشان تطمن على شحن الدينامو ويبقى اتأكدت انك عاوز بطارية

**SASA3** · 29-02-2012 12:29 AM

يعنى صوت المارش طبيعى بيلف و الماتور مش بيلقط
ولا المرش اكنه مفوت و بيلف على الفاضى بسرعه ؟

علشان كان حصلى قبل كده نفس الحوار و كان المشكله فى البوجيهات !!!

**abdohod** · 29-02-2012 11:13 AM

بص يا باشا ... على معلوماتي بيقولوا ان في حاجة بتسخن في المرش (تقريبا المخدات أو الموبينة) وبتلزق مع السخونية ولما بتبرد بترجع تفك تاني والعربية بتدور .... قول الكلام لكهرائي شاطر وخليه يفكلك المرش اهو منه تتأكد ومنه تنضف المرش بتاعك

**islamnabil** · 29-02-2012 11:38 AM

شكرا على الردود و جزاكم الله خيرا
هوا بالنسبة للبوجيهات فانا لسه مغيرها في الصيانة
و بالنسبة للمارش فهو مابيلفش خالص يعني بدور و الاقي صوت تك تك تك مافيش صوت المارش خالص
و تقريبا بما ان البطارية بتكون شغالة و كل حاجة كهربا في العربي بتبقى شغالة يبقى ممكن فعلا يكون المارش
صح كده ؟

**abdohod** · 29-02-2012 01:11 PM

اسمع كلامي ومش هتخصر حاجه ع الأقل هتنضفة ... بس المهم تروح لكهربائي نضيف

**MuhamedNabil** · 01-03-2012 05:58 PM

المشاركة الأصلية كتبت بواسطة islamnabil

شكرا على الردود و جزاكم الله خيرا
هوا بالنسبة للبوجيهات فانا لسه مغيرها في الصيانة
و بالنسبة للمارش فهو مابيلفش خالص يعني بدور و الاقي صوت تك تك تك مافيش صوت المارش خالص
و تقريبا بما ان البطارية بتكون شغالة و كل حاجة كهربا في العربي بتبقى شغالة يبقى ممكن فعلا يكون المارش
صح كده ؟

دى كده بطارية , لو عندك افوميتر وصله على البطارية و دور لو لقيت الفولت بينزل من 12 >> 6 او 5 يبقى البطارية خلاص
و اغلب العربيات الجديدة بتعمل صوت التكتكة دة لما ميكونش فية كهرباء كفاية تقوم المارش.
و لو الاوتوماتيك بتاع المارش هو البايظ مش حيعمل اى اى صوت لما تحاول تدور.

**agwaa** · 01-03-2012 07:13 PM

المشاركة الأصلية كتبت بواسطة abdohod

بص يا باشا ... على معلوماتي بيقولوا ان في حاجة بتسخن في المرش (تقريبا المخدات أو الموبينة) وبتلزق مع السخونية ولما بتبرد بترجع تفك تاني والعربية بتدور .... قول الكلام لكهرائي شاطر وخليه يفكلك المرش اهو منه تتأكد ومنه تنضف المرش بتاعك

فعلاً الكلام دة عين الصواب

والجزء إللي الأخ عبده يقصده هو الكولليكتور
المشكلة في الغالب مشكلة مارش
وربنا يوفقك
وماتنساش تطمنا

**amro0000** · 03-03-2012 02:51 AM

اسمع كلالالالالالالالالالامي الي عندك دة الاتوماتيك بتاع المارش حاجة كدة اسمها بسكوتة لازم تعملها او تغيرها الموضوع دة حصل معايا كتيررررررررررررر اسمع كلامي الموضوع في المارش الصوت الي عندك اما بتيجي تدور بتسمع صوت تك اما بتدور المفتاح وبعد كدة بيسكت دة الالكتروني بتاع المارش حوار بسيط بس اسمع كلامي ولو محتاج حاجة كلمني

**abdohod** · 03-03-2012 12:33 PM

شكرا لكل ردود المساعدة .... يبقى انت اكيد في مصر

الموضوع: هل هذا معناه تغيير البطارية ؟

LinkBack

أدوات الموضوع

عرض

هل هذا معناه تغيير البطارية ؟ - انشر الموضوع فى :

-

-

-

المواضيع المتشابهه

إحذر ..! البطارية السائلة تتلف بعد تغيير مياه البطارية

تغيير البطارية

تغيير البطارية

تأخير الدوار هل معناه وجوب تغيير الرشاشات

الكلمات الدلالية لهذا الموضوع

المفضلات

المفضلات

ضوابط المشاركة