الموضوع: محتار بين اللوجان 2012 والصنى

المشاركة الأصلية كتبت بواسطة abo_farah

اولا سعر اعاد البيع لا تقلق منه....اللوجان مسكه سعر كويس فى حاله اعاده البيع
ثانيا الصيانات فى التوكيل مش غاليه+ انتشار المنوال شجع الموزعين على توفير قطع الغيار عاوز تتاكد انزل التوفقيه وشارع دمشق........على فكره التوكيل محترم جدا يعنى لو فيه حاجه خلال الضمان ها يغيروها على حسابهم

ثالثا: لا يجوز عمل مقارنه مع عربيه ليست فى نفس الفئه

يعنى ممكن تقارن اللوجان الاتو مع الفيرنا الاتو والساجا الاتو.......

لان حضرتك عامل مقارنه بين اعلى فئه فى اللوجان كامله اتو.......ب 79 الف مع اول فئه منوال فى النسيان صنى ب 88 الف........معيار المقارنه خاطى من الاساس


لو انت عاوز النسيان يبقى تقارن بينها وبين عربيه اخر فى نفس الفئه.......


لو عاوز راى الشخصى استخير وادخل فى اللوجان اتو بقلب من حديد

تحياتى

شكرا جزيلا أبو فرح على سرعة الإجابة والاهتمام .. فى الحقيقة انا كنت محتار بين لوجان أتوماتيك و صنى سوبر صالون أتوماتيك (عامله حوالى 104 الف) يمكن سؤالى ماكانش واضح شوية اعذرنى ... انا عن نفسى حابب اللوجان اكتر لكن كتير خوفونى من النقط اللى ذكرتها بالاضافة ان شكل الصنى مش محبوب بالنسبة لى يمكن الصالون مقبول بس الشكل الخارجى مش حلو

انا كنت زيك بالظبط وبقارن بين نفس العربيتين بالظبط بس ربنا هدانى وجبت الوجان الاوتو يمكن كان سبب التوجه للوجان السعر المناسب قصاد امكانيتها واسعار الصيانة وقطع الغيار لو قريت كويس على المنتدى وصفحة رينو على الفيس بوك هاتلاقى انها معقولة جدا والمشاكل شبة محصورة والتوكيل محترم لو انت لسة فى الضمان بيعمل كل حاجة و الفتيس بتاع الرينو تيبترونيك والماكينة غير ماكينة المناوال اكبر ١١٠ حصان انا حسيت من الاخر انك دافع تمن اخدت بية كلة مواصفات واعتمادية وبعد كدة بيكون التمن فية جزء من التسويق الاعلامى واسم الماركة يعنى مثلا يقولولك كفاية انك راكب عربية يااااااااابااااااانى وويقوم لبك ١٠ ولا٢٠ الف على الكلمة او الماركة ربنا يوفقك المهم استخير وتكون مقتنع قبل ماتقرر ودا عامل مهم جدااا
.

بص يا باشا .. لو معاك تجيب طياره ها تروح تشتري عجله ليه ؟؟ الموضوع كله في انت تقدر تجيب ايه و بكام .. لو في امكانياتى كنت اشتريت مرسيدس لكن للاسف سقف فلوسى كان يجيب لوجان او لانوس او فيرنا وهنا ابدا ااتكلم..

اللوجان اكثر كماليات من الاتنين التانين و السعر اقل و الجوده افضل و عن تجربه

بالنسبه بقي للبيع و قطع الغيار .. البيع مش عارف ان كنت ها ابيعها بعد يومين ولا 20 سنه و قطع الغيار بترخص و سعر العربيه بيرتفع و العدد في السوف بقي اكتر ..

يمكن كلامى يكون ملخبط و علي بعض بس لو ها تشتري اشتري احسن قيمه للفلوس value for the money

المشاركة الأصلية كتبت بواسطة amriar

بص يا باشا .. لو معاك تجيب طياره ها تروح تشتري عجله ليه ؟؟ الموضوع كله في انت تقدر تجيب ايه و بكام .. لو في امكانياتى كنت اشتريت مرسيدس لكن للاسف سقف فلوسى كان يجيب لوجان او لانوس او فيرنا وهنا ابدا ااتكلم..

اللوجان اكثر كماليات من الاتنين التانين و السعر اقل و الجوده افضل و عن تجربه

بالنسبه بقي للبيع و قطع الغيار .. البيع مش عارف ان كنت ها ابيعها بعد يومين ولا 20 سنه و قطع الغيار بترخص و سعر العربيه بيرتفع و العدد في السوف بقي اكتر ..

يمكن كلامى يكون ملخبط و علي بعض بس لو ها تشتري اشتري احسن قيمه للفلوس value for the money

الراجل الطيب ده ....... ضرب كرسي في الكولوب وخلص كل الكلااااااااااااااااااام.. .......

حاجه تانيه ...... انا مستغرب ...... بعد الانتشار الرهيب ده للوجااااان خلال سنتين تلاته لسه في ناس بتقول سعر البيع قليل وقطع الغيار غاليه (ياجماعه لوجان ضربت بالكلام ده عرض الحائط)