الموضوع: كيا لقيت حل مشكلة السرقة فى موديلات 2012

المشاركة الأصلية كتبت بواسطة m_n

أخوانى الأعزاء

أنا رحت توكيل كيا فى الاسكندرية عشان كنت عايز اشترى سيراتو موديل 2012

وعرفت من مدير المبيعات بالتوكيل إن شــركة كيا ركبت ايموبلايزر فى جميع أنواع سيارات الكيا سواء بيكانتو أو ريو أو سيراتو بجميع فئاتها بموديلات عام 2012 بداية من أرخص عربية لأغلى عربية .

أى ان الاموبلايزر أصبح أساسى فى جميع سيارات الكيا وليس أوبشن بداية من 2012 وذلك منعا للسرقة والكلام ده اللى قالهولى مدير المبيعات بالتوكيل بنفسه .

لو سمحتم أنا عندى استفسار ياريت حد يجاوبنى عنه أنا سالت فى التوكيل عن سيراتو 2012 هاى لاين لون snow white pearl قالولى لازم ادفع دفعة حجز واستنى من 4 الى 5 شهور ومش أكيد انهم يحيبوهولى
وقالولى انه سهل اجيبه فى الخليجى لكن مش عارف هل فى الخليجى فعلا العفشة انشف من الوكيل ؟ وقلقان من موضوع ان مفيش ضمان فى الخليجى
ممكن تفيدونى جزاكم اللله عنى خير الجزاء:s_thum1[1]:

موضوع العفشه مش صحيح ....و الضمان شوفه هيوفر معاك اد ايه و احسبه ..انا ليه صحبي معاه ٢٠٠٩ و بيصينها بره و الحمد لله مبسوط

بص حضرتك انا حصل معايا نفس الكلام و الدوخة دس لما كنت بجيب متسوبيشي لانسر 2007.. قالولي خليجي مختلف في التكييف و العفشة و كلام كتير... لما جبتها لقيتها هي هي زي اللي في التوكيل..
موضوع الضمان مقدرش افيدك اوي لأن تختلف كل عربية عن التانية بس اللي انا متأكد منه انه قليل اوي في مصر لما تروح للتوكيل عشان تغير حاجة عيب صناعة يقوللك دا عيب استخدام و بأي حال حضرتك بتدفع الثمن..

باشا لو عاوز نصيحة لوجة الله الضمان ثم الضمان ثم الضمان
عن تجربة شخصية وكيل كيا من افضل توكيلات السيارات فى مصر وانا غيرت التنابير وسير المجموعة عندهم وبكل احترام ومافيش حد قال لى سوء استخدام ولا حاجة

باشا لو عاوز نصيحة لوجة الله الضمان ثم الضمان ثم الضمان
عن تجربة شخصية وكيل كيا من افضل توكيلات السيارات فى مصر وانا غيرت التنابير وسير المجموعة عندهم وبكل احترام ومافيش حد قال لى سوء استخدام ولا حاجة