عاوز تفسير للكلام ده شمعني ظباط الجيش والشرطة والنيابة وايه علاقتهم بسيارات المعاقين

**roland_yamaha** · 29-02-2012 11:39 AM

فرصة لضباط الجيش والشرطة وأعضاء النيابة سيارة شوما معاقين باقى على إنتهاء مدة الحظر سنة وسبع شهور فقط بسعر أرخص من ثمنها ببورسعيد كاملة مانيوال فابريكة شركة تحتاج وش نظافة فرش جلد بطارية جديدة كاسيت الفابريكة موتور بحالة ممتازة

اشمعني ظباط الجيش والشرطة والنيابة وايه علاقتهم بسيارات المعاقين

**BUNSH** · 29-02-2012 11:48 AM

علشاااااااااااااااااااااا اان نااااااااااس دى بتتعب فى حمااااية وطن (حمااااااااااااة وطن) ,, ولازم يكون ليهم امتيازااات .
مع انى طول عمرى مش بحب كوسة !!!

**m_elkhishin** · 29-02-2012 12:49 PM

لا طبعا كوسة وقلة أدب كمان
الفكرة ان سيارات المعاقين ممنوع حد يركبها غير المعاق شخصيا، ولو اتمسك حد غيره سايقها بتتعمل قضية جمارك ولازم يسدد جماركها بالاضافة لغرامة

مين بقى في البلد اللي محدش يقدر يكلمهم؟؟؟؟؟؟؟؟
الشرطة والجيش والقضاء

**mirra** · 29-02-2012 12:58 PM

المشاركة الأصلية كتبت بواسطة m_elkhishin

لا طبعا كوسة وقلة أدب كمان
الفكرة ان سيارات المعاقين ممنوع حد يركبها غير المعاق شخصيا، ولو اتمسك حد غيره سايقها بتتعمل قضية جمارك ولازم يسدد جماركها بالاضافة لغرامة

مين بقى في البلد اللي محدش يقدر يكلمهم؟؟؟؟؟؟؟؟
الشرطة والجيش والقضاء

كلامك صح هو دة السبب.مين حيوقف ظابط جيش و لا شرطة و لا قاضى و يقولة انت مش مفروض تلركب العربية دى.

**moh19227** · 29-02-2012 01:03 PM

المشاركة الأصلية كتبت بواسطة m_elkhishin

لا طبعا كوسة وقلة أدب كمان
الفكرة ان سيارات المعاقين ممنوع حد يركبها غير المعاق شخصيا، ولو اتمسك حد غيره سايقها بتتعمل قضية جمارك ولازم يسدد جماركها بالاضافة لغرامة

مين بقى في البلد اللي محدش يقدر يكلمهم؟؟؟؟؟؟؟؟
الشرطة والجيش والقضاء

+11111111111111
الكلام ده مظبوط جدا ممنوع اي حد يركب عربيه المعاقين الا المعاق نفسه لكن بسبب رخص العربيه المثير فالناس بتتغاضي عن الحته دي وتشتريها وتفضل ماشيه بيها جوه البلد لحد ما فتره الحظر تخلص وبعد كده تترخص عادي
لكن بالنسبه للشرطه والجيش والنيابه فعندهم امتياز انه هيمشي بالعربيه دي في اي مكان في مصر ومحدش هيقوله الرخص فبالتالي عربيات المعاقين بتبقي فرص فعلا للناس اللي زي فوق دول

**me_medoo** · 29-02-2012 02:09 PM

ياجماعة ... حد يقدر يقلي مرتب ضابط الجيش ولا ضابط الشرطة كام ... دور وراها هتلاقيها ملالييم ... والله العظيم ملالليم ... ووراه مسئوليات قد كده ... والله العظيم بيصعبو عليا بتوع الجيش لمن اشوفهم راكبين عربيات 128 بيج والي يدحك تلاقي عليها سواق هههههههههههه ومركبلها ستارة كمان ... وتعاله شوف الضابط الاسرائيلي راكب الهمر بتاعتو ومجهزة بكل حاجة ازاي ...

فمعلش في ناس لازم تكون مرتاحة شويتين ونريحهم علشان يريحونا ... ويخدمونا ويحمونا ... والواحد كل ما يشوف الجيش السوري نازل يعمل ايه في الشعب أقول عمار يامصر ... ده جيشهم نزل نهب البلد نهب ، ونهب المحلات ... حتى الابواب الحديد بتاعت المحلات خلعوها علشان يبيعوها ... ومستخسرين في الجيش بتعنا حتت عربية عدمانه مهكعة ومستعملة للمعاقين انهم يركبوها ... ألا هيا الكعكة في ايد اليتيم عجبة ... ده غير ممكن يكون الاعلان كازب أو ليس فيه نوع من الصحة ... كل شيء جايز . وتحياتي ...

**roland_yamaha** · 29-02-2012 02:11 PM

طب يبقي كده في ظلم وكوسة كمان ربنا يرحمنا. عشان البشوات دول محدش هيسأله انت جي منين ولا رايح فين

**zamalekwebas** · 29-02-2012 02:55 PM

المشاركة الأصلية كتبت بواسطة me_medoo

ياجماعة ... حد يقدر يقلي مرتب ضابط الجيش ولا ضابط الشرطة كام ... دور وراها هتلاقيها ملالييم ... الله العظيم ملالليم

متحلفش علي حاجة انت مش عارفها عشان حرام

انا اختي نقيب جيش وخالي عميد جيش معاش

المرتبات والمميزات يحلم بيها اي حد في الكون كله

يكفي اقولك الرواتب زادت الضعف بعد الثورة

الشرطة بقوا بيدخلوا كل دور القوات المسلحة بكارنية الشرطة

يعني اخدوا مميزات مكانتش ليهم قبل الثورة

**damasry** · 29-02-2012 03:24 PM

المشاركة الأصلية كتبت بواسطة zamalekwebas

المشاركة الأصلية كتبت بواسطة me_medoo

ياجماعة ... حد يقدر يقلي مرتب ضابط الجيش ولا ضابط الشرطة كام ... دور وراها هتلاقيها ملالييم ... الله العظيم ملالليم

متحلفش علي حاجة انت مش عارفها عشان حرام

انا اختي نقيب جيش وخالي عميد جيش معاش

المرتبات والمميزات يحلم بيها اي حد في الكون كله

يكفي اقولك الرواتب زادت الضعف بعد الثورة

الشرطة بقوا بيدخلوا كل دور القوات المسلحة بكارنية الشرطة

يعني اخدوا مميزات مكانتش ليهم قبل الثورة

+1111
اللى اعرفه ان مرتب الملازم 1500 او 1700 وكمان بيزيد كل سنة يعنى كل دفعة مرتبها بيكون اكبر من الدفعة اللى قبليها.

وبعد الثورة خدوا شهور من المرتب كفائض

يا راجل دا فيه ظباط بيستغلوا موضوع ان مفيش حد بيوقفهم وبيعملوا مصااااايب من بعد الثورة