أحد البوجيهات بيطلع شراره بره

**m7mod68** · 29-02-2012 01:05 PM

السلام عليكم و رحمة الله و بركاته

من كام يوم و انا حاسس ان العربيه بتقطع و لانى من العريش فكان صعب على انى اروح التوكيل فرحت وريتها لميكانيكى كشف عليها لقى احد البوجيهات فالت (ما اعرفش من ايه) المهم ركبه مكانه و بالفعل العربيه سلكت لكن على آخر اليوم رجعت تقطع تانى بس مش زى الاول المهم ما اخدتش فى بالى و قلت يمكن وساخه بنزين ولا حاجه لكن لما الموضوع استمر لغايه النهارده قلت لما افتح الكبوت و ابص على البوجيه اللى كان فالت فلاقيته فى مكانه ولكن بيطلع شراره لبره

يا ترى اى حد عنده فكره ايه اللى بيحصل ده و بعدين لو احتجت انى اغير البوجيه عادى يعنى ولا لازم فى التوكيل و لو حأغير البوجيه ايه افضل نوع يركب للوجان.

على فكره العربيه عامله 13000 كيلو

ولكم جزيل الشكر

**Abdm** · 29-02-2012 02:01 PM

أفضل حاجة حضرتك تروح التوكيل لآم ممكن يكون سلوك البوجيهات فيها مشكلة وتكون هى اللى عايزة تتغير . والآفضل تخلى التوكيل هو اللى يتعامل مع المشكلة

والله الموفق والمستعان

**ahmedeihab** · 29-02-2012 02:41 PM

البوجيه
هو حاجه من اتنين
يا اما الكبل بتاعه مش راكب عليه صح
يا اما هتلاقيه مشروخ من الجنب
و انا ارجح انه هيبقى الكبل مش راكب لو انت مبتجريش بلعربيه
لكن لو بتجرى هتلاقيه مشروخ من الجنب و بيسرب كهرباء
تحياتى ^_^