مش معقول منتدى كبير زى ده مفيهوش معلومات عن العربيتين دول

**midobond** · 01-03-2012 08:16 PM

يا جماعة انا كذا مرة احط الموضوع فى اقسام مختلفة و برضه مفيش فايدة
فلوانس ولا شارك هاى لاين 2012
مقارنة شاملة من فضلكم من حيث
1- قوة الموتور
2- الثبات
3-الكماليات و لو انها واضحة زى عين الشمس فى صالح الفلوانس بس عاوز اعرف ايه الزيادة اللى فيها عن الشارك الهاى لاين و العكس
4- دى بقى مهمة جدا قطع الغيار اسعارها و هل موجودة بره التوكيل ولا لا
5-سعر اعادة البيع و ده مش مهم بالنسبالى اوى
6- العمر الافتراضى بمعنى مين يعمر معايا اكتر و يستحمل طرق ام الدنيا الرائعة الجمال
و اسف للاطالة

**masterzmind** · 01-03-2012 08:32 PM

1- قوة الموتور فى صالح الانسر عشان نزلت كمان 1600 والفلونس بصراحة مع ابن خالى هى عربية جميلة وركوبة ماشاء الله بس الموتور ضعيف وعربية بطة زى ما بيقولو الطلعة ضعيفة جدااا وصوت الموتور عالى
2- الثبات تقريباا زى بعض بس ممكن الميجان بفرق ضئيل جدااااااااا
3- الكماليات انا معرفش الانسر لكن الفلونس الفقة الثالثة a3 فيها تحكم فى الطارة مثبت سرعة كاسيت سيدهات سيدهاية واحدة فقط alarm انت بتحدده على السرعة الى انت عاوزها يعنى لو عاوز يديك alarm فوق ال 120 او 140 انت الى بتحدد بس وطبعا كهرباء فى الابواب مريات طى مفيش فتحة سقف فى ال a3
4- طبعااااا الانسر الشارك تتفوق فى قطع الغيار برة التوكيل
5- معروف اليابانى بيعيش كتير

اخيرا صلى استخارة وربنا يوفقك وفى رأى لانسر شارك والاختيار لك

**Dr'AhmZZong** · 02-03-2012 03:27 PM

قوة الموتور : لانسر

الثبات : لانسر احسن بس الفلونس مش وحشة خالص .. للعلم عفشة الفلونس تستحمل اكتر عشان على دنجل خلفي عشان طرقنا الجميلة اللي إن اكيد عارفها .. عفشة اللانسر مش هتستحمل قوي عشان بترهق اوييييييييي من الطرق لانها multilink < يعني كل عجلة منفصلة عن التانية > ..

الكماليات : الفلونس تكسب

سعر اعادة البيع : أكيد الفلونس لانتشرها السريع في مصر ..

نيجي بقى للعمر الافتراضي : مفيش عربية مش هتحافظ عليها صيانة و اهتمام مش هتعيش معاك .. طول ما أنت محافظ عليها هتدلعك حتى لو كوري أو حتى صيني .. طول ماحضرتك سوقتك حلوة مش بتنخع على العربية < بتنفخها يعني > عمرها ماهتعيش حتى لو مرسيدس ..

**MohammedAladel** · 02-03-2012 07:48 PM

الفلوانس أفضل شكلا بالنسبة لى وكماليات أعلى اللانسر قطع غيار أكتر ولكن الأصلية جوا التوكيل الأسعار متقاربة للسيارتين بالنسبة لإعادة البيع السيارتين تقريبا هيبقوا زى بعض لأن الشارك مش ناجحة مبيعات زى البوما بالرغم إنها أفضل والفلوانس انتشرت بس الرينو مش ماسك سعره فى مصر عامة دى ثقافة شعب أنا لو قدامى الاتنين هختار فلوانس بلا أدنى شك

-

الموضوع: مش معقول منتدى كبير زى ده مفيهوش معلومات عن العربيتين دول

LinkBack

أدوات الموضوع

عرض

المواضيع المتشابهه

يا جماعة عيب اكبر منتدى للسيارات مفيهوش معلومات كفاية عن فيات لينيا

خطأ كبير فى منتدى نايل موتورز الحبيب !!!!!

الكلمات الدلالية لهذا الموضوع

المفضلات

المفضلات

ضوابط المشاركة