الحقونى العربية بتبطل وهى ع الثالث

**aali6632** · 02-03-2012 12:16 AM

فليشيا 95 عملت لها تنظيف كاربتر واتكيهات وغيرت فلتر هواء و2 فلتر بنزين علشان كانة بتسحب بنزين وبعد يومين فجا وانا ماشى على الثالث وبدوس فرامل القى العربية بتبطل ولو لمبة البطارية منورة ولو دوسة بنزين اقبل ماتبطل تمشى عادى وترج تانى اللمبة تنور وتبطل لو مدوستش بنزين وبعد كدا جبت الاول وموارت مبتلتش هل دة الكابرتير بيدى الماتور بنزين عاى الشعرة جدآ ولااية انا سالت كهربائى قلى ده شغل ميكانيكى وشكر للرد

**AhMeD MeTwAlY** · 02-03-2012 02:10 AM

فلترين بنزين !!!

**amrelsaqqa** · 02-03-2012 02:15 AM

ليه فلترين بنزين ، ده يخليها مخنوقة وتقطع معاك

شيل فلتر من الاتنين وجرب و لو ما اتظبطتش ممكن يبقى مسمار هوا السلانسيه عايز يتظبط او العربية تعلى شوية
او بيك سلانسيه مسدود جزئيا ..

وممكن تكون مشكلة في سيرفر الفرامل ،

بس ابدأ بالاسهل واحدة واحدة

**heshammorsy** · 03-03-2012 02:03 AM

المشاركة الأصلية كتبت بواسطة amrelsaqqa

ليه فلترين بنزين ، ده يخليها مخنوقة وتقطع معاك

شيل فلتر من الاتنين وجرب و لو ما اتظبطتش ممكن يبقى مسمار هوا السلانسيه عايز يتظبط او العربية تعلى شوية
او بيك سلانسيه مسدود جزئيا ..

وممكن تكون مشكلة في سيرفر الفرامل ،

بس ابدأ بالاسهل واحدة واحدة

عايز اعرف مسمار الهواء له تاثير على سحب العربيه ولا تاثيره فقط فى حاله السلانسيه فقط. شكرا

**amrelsaqqa** · 03-03-2012 02:24 AM

عايز اعرف مسمار الهواء له تاثير على سحب العربيه ولا تاثيره فقط فى حاله السلانسيه فقط. شكرا

هو اغلب الكربراتيرات بتبقى فكرتها ان اثناء السلانسيه ياخد بنزين وهوا من المسار بتاع السلانسيه فقط ، واثناء المشى ياخد من السلانسيه + الباب الاول ، وعند سرعة معينة يفتح الباب التانى مع الاول مع السلانسيه

فهو له تأثير حتى لو بسيط جدا

وكفاية تأثير السلانسيه بين النقلات و في الطلعة

لو العربية السلانسيه بتاعها مش حلو حتى لو بيأثر في السرعات العالية هتبقى وحشة في الطلعة وبتنتش بين النقلات وهتخليك تكرهها

في كربراتيرات تانية فيها مسمار بيسموه الميكانيكية خلاط ، ده زي مسمار هوا بس مش للسلانسيه بس وده بيفرق جدا لو مش مظبوط