| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 8 1 2 3 4 5 6 ... الأخيرةالأخيرة
النتائج 1 إلى 10 من 71

  1. #1

    الصورة الرمزية Bishoy.Girgis

    رقم العضوية : 30571

    تاريخ التسجيل : 20Jan2009

    المشاركات : 5,542

    النوع : ذكر

    الاقامة : EGYPT

    السيارة: Toyota Corolla 1996

    السيارة[2]: Nissan Sunny 2OO9

    دراجة بخارية: I Don't Like It

    الحالة : Bishoy.Girgis غير متواجد حالياً

    افتراضي تقرير عزل نيسان صني بالكامل علي مرحلتين و تعديلات آخري - Facebook Twitter whatsapp انشر الموضوع فى :

    hasad">

    تقرير عزل نيسان صني بالكامل علي مرحلتين و تعديلات آخري








    طبعا انا اتأخرت كتير جدا ً في كتابة هذا التقرير اللي ان شاء الله هيمتعكم و التقرير هيكون مقسم الي مرحلتين :


    المرحلة الاولي : عزل أرضية النيسان صني بالكامل .
    المرحلة الثانية : عزل سقف النيسان صني .



    أولا ً الاجتماعيات :-


    1- شكر من عمق القلب الي الحاج أحمد مشعل مدير شركة جينزكار
    2- شكر خاص لأخويا احمد مصطفي منسق قسم نيسان


    ثانيا ً الصيانات :


    1- عزل ارضية النيسان صني
    2- تغلف ابواب نيسان صني
    3- تنجيد مخدع اليد

    ------------------------------------------

    "المرحلة الأولي"



    أولا ً الاجتماعيات :-


    1- شكر من عمق القلب الي الحاج أحمد مشعل مدير شركة جينزكار
    بصراحة الواحد مهما كتب و مهما قال علي محبة هذا الرجل العظيم الحاج احمد مشعل عمري ما هوفيه حقه ابدا مش في مواضيع عربيتنا و لكن في اخلاقه العالية و مشاركته الانسانيه .. عايز اقول لكم اني بعد ما وصلت من صيانة اوتوايجيبت .. جاء احمد مصطفي علي جينز كار و اذ بالحاج احمد يحضر لينا غذاء و اكلنا مع بعض عيش و ملح و مش كده و بس تصدقوا لما عرف اني رايح مشوار مهم لتوكيل في سيتي ستارز .. اصر اصرار غير عادي اني اخد عربيته الخاصة و اروح بيها .. بصراحة انا بقيت خجلان جدا من محبته الغير عادية ديه






    علي فكرة قابلت كمان الباشمهندس يوسف و الحاجه فاطمه ناس في قمة الذوق و الاخلاق و محبتهم جميلة لكل الناس بصراحة عائلة محبة جدا ً و طبعا مش هنسي التذكار الرائع اللي هداني بيه البشمهندس يوسف من فترة كبيرة و هي امضاء منه علي العشرة جنيهات القديمة .. فاكرينها .. و قالي ساعتها اني بقدمها فعلا للناس اللي بيعزها و بصراحة انا فرحت اوي بالاهداء الجميل ده .
















    -------------------------


    2- شكر خاص لأخويا احمد مصطفي منسق قسم نيسان
    احمد ده بقي يا جماعة يعني بجد مخ قسم نيسان و لولاه مكانتش اتعملت فكرة عازل الارضية ديه و علي فكرة في مخه شوية افكار هتعرفوها بعد كده و انا من هنا بشكره جدا جدا علي جدعنته و علي افكاره الجامده ديه و كمان لما بيعرف اني نازل القاهرة بلاقيه انه بيهتم جدا اننا نتقابل في اي ظروف كانت .. بجد يا احمد لولاك مكانش قسم نيسان ده هيبقي ليه المذاق الرائع ده و الموضوعات المثيرة اللي موجودة في القسم و بقت دلوقتي قناة معلومات غزيرة لكل منتدي نايل موتورز لدرجة يا عم ان الاقسام التانيه بقت متغاظة من النجاح اللي حققه قسم نيسان بسببك انت .. ربنا يديك الصحة يا جميل و تفضل كده تدي محبة كده علي طول .





    -------------------------


    ثانيا ً الصيانات :


    1- عزل ارضية النيسان صني
    بصراحة يا جماعة عزل ارضية العربية جاءت في الجون صح .. العربية اتبدلت تماما ً و كانت طريقة التركيب ان بيقص اللباد اللي مكون من طبقتين فوق بعض علي اد المكان اللي هيوضع فيه بعد رفع موكيت العربية و الصاج بيكون باين فبيوضع اللباد فوق الصاج مباشرة و بيقوم الفني برفعه بمسافة محترمة لورا الطابلوه و فعلا يا جماعة اصبح صوت ماتور العربية منخفض يعني انخفض بنسبة 70% و انا جربته علي سرعات عالية حتي 130 كيلو/الساعة و كمان جربته كتير مع الكيك داون و فعلا اللي عرف الفرق بدون ما اسأل هي زوجتي لأننا لما طلعنا بالعربية الصبح و احنا مسافرين كنا مستغربين من علو صوت ماتور العربية و خشونته انما في الرجوع الوضع اختلف تماما ً و بقي صوت الماتور منخفض عن الاول بكتير و من الاخر مبقاش في تنعير للماتور زي زمان لكن في حاجه غربية اوي حصلت و هي ان عيوب العربية ابتدأت تبان بجد بعد تركيب عازل اللباد و هي :
    صوت هواء من وار العربية ظهر بطريقة ملحوظة و للاسف انا ودني بترخم عليا اوي و خصوصا لما يكون في حاجه في العربية و بالتالي هنروح علي المرحلة اللي بعديها و نشوف العيب اللي ظهر ده من ايه و انا اعتقد شخصيا انه يكون من كاوتش الابواب الخلفية و ده هبتدي ادور له علي حل ان شاء الله.
    الحاجة الجميل بجد اللي حصلت هو تقفيل ارضية العربية .. اتقفلت صح الصح و ده بسبب مهارة الفنيين عند الحاج احمد مشعل
















































































    -------------------------

    2- تغليف ابواب نيسان صني
    ديه بقي اللي كانت مفاجأة و هي تغليف باب العربية اللي هي الجزء المثلث الصغير اللي في الباب بنفس لون و درجة فابريكة العربية و الباب اتغير خالص يا جماعة فعلا الجلد بيفرق كتير عن الحتة اللي متركبة في باب العربية اللي كانت بتتوسخ بسرعة جدا و للاسف تنظيفها رخمة جدا لكن بعد ما اتركب الجلد بصراحة فرق شاسع جدا في درجة اضاءة اللون و جماله مع اضاءة العربية مع بقية الباب .. حاجه هتفرحكوا مع الصور ..












    -------------------------

    3- تنجيد مخدع اليد
    دي بقي كانت افتكاسة جميلة جدا جدا و هي تنجيد مخدع اليد اللي بيبقي علي يمين السائق و بجد حاجه محترمة جدا خلي المخدع يوصل لكوع الزراع شوية لأنه علي حوالي 2 سنيمتر عن المقاس الاصلي و بقت طرية جدا و مريحة لكوع الزراع و فعلا لما اتعملت كمان مع نفس لون فرش العربية لاقيتها حاجه شيك جدا جدا و بصراحة الحاج احمد يشكر علي تنفيذه الرائع للفكرة ديه










    -------------------------


  2. #2

    الصورة الرمزية Bishoy.Girgis

    رقم العضوية : 30571

    تاريخ التسجيل : 20Jan2009

    المشاركات : 5,542

    النوع : ذكر

    الاقامة : EGYPT

    السيارة: Toyota Corolla 1996

    السيارة[2]: Nissan Sunny 2OO9

    دراجة بخارية: I Don't Like It

    الحالة : Bishoy.Girgis غير متواجد حالياً

    افتراضي -


    المرحلة الاولي انتهت لكن حبيت اكمل المرحلة الرائعة ديه بالدخول علي المرحلة الثانية


    --------------------------------
    "المرحلة الثانية"
    عزل سقف النيسان صني


    ابتديت التفكير في المرحلة ديه لما نزل تقرير عزل السقف لنيسان صني اللي كان عمله أ / عاطف ابوعمرو و فعلا التقرير كان رائع و حبيت ادخل التجربة و كمان اللي شجعني ان الموضوع جنبي في نفس المحافظة فقولت اخد الـ Risk رغم اني كنت متخوف من موضوع فك سقف العربية لأن انا كنت اعرف ان فك السقف يصعب رجوعه بسهولة لكن لما الموضوع اتعمل قبل كده فقولت ادوس فيه و امري لله
    بس الاول احب اشكر أ / عاطف علي تعبه معايا في اليوم ده و علي علبة الحلويات الجميلة اللي اعطاني يوم تركيب العزل .



    نيجي بقي للي حصل مع العربية في تركيب عازل السقف :



    .... تم فك السقف بالكامل من عند الكنب الخلفي و القوايم كلها الخلفي و الامامي و الاجناب ثم تم لصق لباد علي السقف طبقة واحدة فقط .































    .... ثم بعد ذلك الصنايعي جاب عازل حراري لسقف العربية و ده طبعا عشان يعزل سقف العربية عن حرارة الشمس تماما و ده طبعا بدوره هيعزل جزء كبير من الحرارة عن مقصورة العربية و العازل ده اللي بيستعمل في الافران عشان يعزل الحرارة من داخل الفرن الي خارج الفرن








































    فيديو يوضح صوت السقف قبل تركيب العازل :


    1.3gp - YouTube

    فيديو يوضح صوت السقف بعد تركيب العازل :


    2 - YouTube


    -------------------------

    قولت بقي فرصة مدام العربية مفككة .. قولت اعزل ظهر كنبة العربية :


    و ديه برده كانت فكرة كويسة عشان عزل الروائح من شنطة العربية عن مقصورة العربية الداخلية .
























    في النهاية
    أتمني يكون التقرير عجبكم



    بيشوي PeaceMan





  3. #3

    الصورة الرمزية zangry

    رقم العضوية : 82470

    تاريخ التسجيل : 01Dec2010

    المشاركات : 2,895

    النوع : ذكر

    الاقامة : el mehalla elkobra

    السيارة: cerato 10

    السيارة[2]: corolla 15

    دراجة بخارية: :(

    الحالة : zangry غير متواجد حالياً

    افتراضي -

    تقرير جامد جدااا .. والف مبروك على العوازل والشغل العالى ده . ربنا يباركلك فيها


  4. #4

    الصورة الرمزية Tamer_Merit

    رقم العضوية : 7664

    تاريخ التسجيل : 19Mar2008

    المشاركات : 191

    النوع : ذكر

    الاقامة : القاهره

    السيارة: ماروتي

    السيارة[2]: صني هاي لاين 2011

    دراجة بخارية: لا

    الحالة : Tamer_Merit غير متواجد حالياً

    افتراضي -

    الف مليون مبروك ......
    وشكرا على التقرير الرائع والصور .


  5. #5

    الصورة الرمزية Bently

    رقم العضوية : 89074

    تاريخ التسجيل : 20Feb2011

    المشاركات : 304

    النوع : ذكر

    الاقامة : Alex , Egypt

    السيارة: 2012\NISSAN-SUNNY-EX\M\F

    السيارة[2]: Lada 2107 مو 91

    دراجة بخارية: no

    الحالة : Bently غير متواجد حالياً

    افتراضي -

    الف مبرووووووك... موضوع شيق جدااااا
    هل عزل السقف هيفرق فى الصوت اوى و لا لآ؟
    و كمان ايه حل صوت الهوا الى بيبان بعد 120


  6. #6

    الصورة الرمزية Amr2004IBM

    رقم العضوية : 31591

    تاريخ التسجيل : 30Jan2009

    المشاركات : 492

    النوع : ذكر

    الاقامة : المعادى حاليا و قويسنا سابقا

    السيارة: sunny EX. Auto2009

    السيارة[2]: الاسد 504

    دراجة بخارية: no

    الحالة : Amr2004IBM غير متواجد حالياً

    افتراضي -

    الف مبروووك يا بيشو واحيك على التقرير الجميل والوافى
    انته انسان جميل و تستحق كل خير
    انا نفسى فى اقرب مقابله لينا اركب معاك علشان احس بحجم الفرق لانى بفكر اعمله ان شاء الله واكون شاكر جدا ليك


  7. #7

    الصورة الرمزية sfasefoo

    رقم العضوية : 72654

    تاريخ التسجيل : 09Jun2010

    المشاركات : 13

    النوع : ذكر

    الاقامة : Egypt

    السيارة: Tiggo 2000c.c A/T

    السيارة[2]: Speranza113

    دراجة بخارية: لا

    الحالة : sfasefoo غير متواجد حالياً

    افتراضي -

    الف مبروك ويا ريت تقولى عنوان جينز كار


  8. #8

    الصورة الرمزية Dr'AhmZZong

    رقم العضوية : 72112

    تاريخ التسجيل : 02Jun2010

    المشاركات : 6,052

    النوع : ذكر

    الاقامة : الجيزة ... المنوفية

    السيارة: Duster E2-Terios

    السيارة[2]: Nissan Sunny-Tiida

    دراجة بخارية: هوندا اليت

    الحالة : Dr'AhmZZong غير متواجد حالياً

    افتراضي -

    ألف ألف ألف مبروووووك يا بيشوووووووووو ..

    دايما مميز بعميلك .. حاجات تحفة بصراحة ..

    العازل فعلا حاجة تانية خالص إن شاء الله هاعمله .. و الاجمل صاحب كل ده الحج أحمد ربنا يبركله و يديله الصحة و طولة العمر على تعبوا ده ..

    نيجي بقى لعازل السقف .. هل حسيت بتغير معاه ؟؟

    عموما ألف مبروك مرة تانية ..


  9. #9

    الصورة الرمزية BassamHafez

    رقم العضوية : 36347

    تاريخ التسجيل : 23Mar2009

    المشاركات : 2,249

    النوع : ذكر

    الاقامة : القطاميه

    السيارة: n/a

    السيارة[2]: نيسان

    دراجة بخارية: n/a

    الحالة : BassamHafez غير متواجد حالياً

    افتراضي -

    الف مبروك يا بيشو

    عقبال ما تخلص شغل النقاشه والنجارة وتركب الستاير في عربيتك ونيجي نشرب الشاي في الشنطه :))


    سبحان الله وبحمده سبحان الله العظيم


  10. #10

    الصورة الرمزية Kareem Fawzy

    رقم العضوية : 81610

    تاريخ التسجيل : 30Sep2010

    المشاركات : 2,966

    النوع : ذكر

    الاقامة : مدينة نصر

    السيارة: لايوجد

    السيارة[2]: Hyundai Elantra 2007

    دراجة بخارية: لايوجد

    الحالة : Kareem Fawzy غير متواجد حالياً

    افتراضي -

    hasad">

    شغل عالى قوى يا ا/ بشوى
    والحج احمد مشعل دة من احلى الشخصيات اللى قابلتها فى حياتى بجد سعدت جداً بلقائة امبارح فى مقابلة هيونداى
    بس مقولتش يا بشوى التكلفة قد اية للعازل والسقف..؟؟



 
صفحة 1 من 8 1 2 3 4 5 6 ... الأخيرةالأخيرة

المواضيع المتشابهه

  1. مشاركات: 17
    آخر مشاركة: 17-07-2014, 02:31 PM
  2. بلصـــــــور اليــكــــــــم تعديلات على نيسان صنى 2013
    بواسطة hossam_elwani في المنتدى نيـــــــــسان
    مشاركات: 14
    آخر مشاركة: 03-11-2012, 12:51 PM
  3. مشاركات: 16
    آخر مشاركة: 24-04-2011, 06:46 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2