الموضوع: كارثه في مياه تبريد الفيرنا

بص هقولك حاجة تعملها
حتفضي المياه كلها
وهتحط مياه مقطرة
وتسيبها كام يوم وبعدين تفضيها تاني
ولو لقيت الصدا لسة موجود يبقي تملي مياه مقطرة تاني وتجيب معاها مزيل للصداء
بتتباع علبة قد الكانز كده
وتفضيها مع المياه وسيبها شوية وبعدين فضيها تاني
ولما تتأكد ان مافيش صدا
حط بقي مياه خضرا

ألف شكر يا رجاله.......بس بصراحه مش بعترف بأي طريقه غير طريقه الضغط......‏ دا الراجل و هو بيفضي الميه كان في ريحه عجيبه كأن الموتور بيسيح من كتر ما بيدوس بنزين‏!‏!!!!!!!!!!!بالنسبه لمزيل الصدأ عمري ما شفته لا هو ولا الميه المقطره........يا تري اتعرف عليهم ازاي وسط العالم النصابه ؟؟؟؟؟

العصفوره بردو معرفهاش......بكره ان شاء الله هدور عليها و هشوف هعرف اوصلها ولا لأ

ممكن تستعمل مياة التكييف كمياة مقطرة فهى خالية من الأملاح تماما

المشاركة الأصلية كتبت بواسطة m7mda7md

ألف شكر يا رجاله.......بس بصراحه مش بعترف بأي طريقه غير طريقه الضغط......‏ دا الراجل و هو بيفضي الميه كان في ريحه عجيبه كأن الموتور بيسيح من كتر ما بيدوس بنزين‏!‏!!!!!!!!!!!بالنسبه لمزيل الصدأ عمري ما شفته لا هو ولا الميه المقطره........يا تري اتعرف عليهم ازاي وسط العالم النصابه ؟؟؟؟؟

ممكن تجيب مزيل الصدأ و المياه المقطرة من محطات البنزين من قسم ال car care
لسه من يومين شايفهم في أمارات مصر

اما موضوع الضغط هو الاسلم و الاحسن أنك تروح لحد يكون عنده مضخة صغيرة تعمل تقليب للمياه بدون تشغيل الموتور
هأسألك في النقطة دي و اشوف مين عنده علشان يغسل لك الموتور و دائرة التبريد

شكرا يا رجاله........بس عاوز ألفت انتباهكم اني من اسيوط و معندناش توكيلات محطات البنزين .......المفروض ان غبور هيفتح مركز خدمه هنا بس ليه سنين و كل شويه اسمع انه خلاص هيشتغل و تطلع اشاعه..........