الاستهبال بقى رسمي في البنوك كمان

**Dr.Karim Emam** · 04-03-2012 12:12 AM

السلام عليكم ورحمة الله وبركاته

النهاردة و أنا بأسحب فلوس من مكنة الصرف بتاعة بنك مصر ظهرت لي رسالة دي:

[gdwl][/gdwl][gdwl]سوف يتم تحصيل عمولة على عملية السحب ابتداءا من يوم 15/3/2012[/gdwl]

أنا مش فاهم يعني شركات المحمول عملت ضريبة جباية على المشتركين و ماحدش قادر يقولهم لأ و النهاردة البنوك دخلت في دور الهبل. ربنا يسترها مع المصريين !!

**Screenplays** · 04-03-2012 12:45 AM

انا اصلا كنت ناوي انقل فلوسي لبنك تاني لاني قرفت من ام البنك ده اه atm في كل حته بس معظمهم بايظ و ساعات الكارت يتحشر و ميطلعش و اروح اوزع لبن في البنك علي الصبح حاجه تقرف

**msafa** · 04-03-2012 12:59 AM

انا غيرته من زمااااااان

كان بيبقى معايا فلوس و استلف من الحاج او الحاجة عشان المكن واقع و او البنك مش شغال (البنك نفسه شبكته واقعة) مع اني كنت عميل vip عشان موبينيل

عموما، اعتقد الموضوع مكتوب عن بنك القاهرة يا تتاكد عشان معاش والدتي عليه

**HASSAN SERRY** · 04-03-2012 01:01 AM

معلش يا دكتور كريم اكيد انت فاهم الموضوع غلط فراجع البنك بتاعك افهم منه العمولة ديه بتاعت ايه عشان مستحيل يبقى فيه اى رسوم على اى عملية سحب من الماكنة .
انا بشتغل فى بنك و عارف

**homme49** · 04-03-2012 01:13 AM

بالإتصال بخدمة العملاء فى بنك مصر رقم مختصر 19888 تبين أن تلك الرسالة تخص عملاء بنك القاهرة اللذين يستخدمون ماكينات بنك مصر و هذا شئ مطبق منذ سنوات فكل بنك مشترك فى شبكة ال atm يحصل على عمولة سحب لكل عملية تتم فى ماكيناته و لكنها تخص عملاء البنوك الأخرى
مثلا لو كنت عميل لبنك مصر و قمت بالسحب من ماكينة بنك سوسيتيه جنرال فيتم خصم عمولة لعملية السحب و لكن لو قمت بالسحب من ماكينة البنك الخاص بك (بنك مصر) فلا يتم خصم عمولة منك

**wassim_nasser** · 04-03-2012 02:04 AM

المشاركة الأصلية كتبت بواسطة homme49

بالإتصال بخدمة العملاء فى بنك مصر رقم مختصر 19888 تبين أن تلك الرسالة تخص عملاء بنك القاهرة اللذين يستخدمون ماكينات بنك مصر و هذا شئ مطبق منذ سنوات فكل بنك مشترك فى شبكة ال atm يحصل على عمولة سحب لكل عملية تتم فى ماكيناته و لكنها تخص عملاء البنوك الأخرى
مثلا لو كنت عميل لبنك مصر و قمت بالسحب من ماكينة بنك سوسيتيه جنرال فيتم خصم عمولة لعملية السحب و لكن لو قمت بالسحب من ماكينة البنك الخاص بك (بنك مصر) فلا يتم خصم عمولة منك

هو ده الصح