ههههههههههه
واللة ضحكتنى
على العموم الف مبروك وربنا يكفيك شرها
رقم العضوية : 85958
تاريخ التسجيل : 15Jan2011
المشاركات : 3,132
النوع : ذكر
الاقامة : Egypt - Faisl
السيارة: Verna , 1.5 , M/T
السيارة[2]: Toyota Yaris , 1.3 , A/T
دراجة بخارية: لا يوجد
الحالة :
السلام عليكم ورحمة الله وبركاته
بقالي مدة طوووويلة بسمع اساطير وحكايات عن المارد الكوري واللى بيعمله في اغلب العربيات في فئة 1600 ! اكنه وحش كاسر بيكسر اي حاجة قدامه <<< بس لو راجل وقفه وهي دي مشكلته الازلية انه بيجري بس مش بيقف
وكان نفسي بصراحة اركب العربية دي مع واحد سويق واتفرج على الماتور ده بيجري ازاي وبيعمل ايه ؟ ؟
نعم انها الفيرنا
وبقدرة قادر مرة واحدة كدة هووووب بقيت من ملاك المارد الكوري وبقى فيه وحش تحت تصرفي
<<< اسكت دي عربية الشركة مش عربيتك
هي فعلا عربية الشركة وانا ماليش غير الياريس حبيبتي
لكنها بقت تحت تصرفي ومعايا بشكل دائم
العربية فيرنا 1500 مانويل <<< كان نفسي بصراحة تكون 1600 بس النصيب
العربية موديل 2007 والمشكلة انها عاملة 150 الف كيلو ! ! لكن بصراحة حالة العربية من برة ومن جوة زيرو ماتحسش انها عاملة عدد الكيلو متر ده ابدا الا لما تبص على العداد !
وفي الشركة قالولي ان اتعملها كل صيانتها في التوكيل وانها لسه راجعة من التوكيل مباشرة قبل ماستلمها ! ! لكن العربية صوت الماتور عالي جدا ولما سالت قالولي محتاجة تغيير زيت الماتور طب منين لسه راجعة من التوكيل ومنين محتاجة تغيير زيت ماتور ؟ ؟
انا مش هقدر اقول انطباعي او رأيي في العربية بشكل عام لاني يدوب لسه مستلمها ومارحتش بيها الا مشوار واحد فقط من الهرم للدقي <<< وياريتني مارحت
العربية بطلت مني يجي 70 الف مرة ! وكلاكسات واخدت شتايم لما قلت يابس
<<< منا بقالي خمس سنين بسوق اتوماتيك ؟ نسيت المانويل !
لدرجة انها بطلت مني في حتة مطلع شوية وحلفت انها مش عايزة تتحرك
ادور العربية اسيب الدربايش تفصل ! ياسيتدي يهديكي يرضيكي انا موقف الشارع كله ورايا وهيا مافيش فايدة حالفة ماتمشي ! والكلاكسات طبعا مش هقولكو ! واللى طالع من العربية ياعم ادي الاول ! واللى يقولي ياعم سيب الدبرياش براحة ! لحد ماجيه واحد وقالي انزل بعد اذنك قلتله معلش بقى اخوك لسه جديد ركنلي العربية على جمب والشارع كله مشي وكل واحد طبعا نظرات زي الفل وانا بقول في سيري استنو عليا بس هتعود عليها وهاجي ابهدلكو كلكو
هو مشكلتي حاليا بس انا عشان بقالي مدة طويلة مش بسوق مانويل او ماسوقتش مانويل ده الا في الاول خالص لما جيت اتعلم سواقة بعدها سوقت اتوماتيك لمدة طويلة
فالطلعة عملالي مشكلة حبتين تلاتة ! بعد كدة الامور بتبقى كويسة
فيه شوية ملاحظات كدة ضايقتني من العربية ومش عارف بصراحة هل ده طبيعي في الفيرنا ولا عشان عاملة 150 الف كيلو وفيه حجات محتاجة تغيير ؟ خاصة بعد ماقالي رجعت من التوكيل وعايزة تغيير زيت بدات اشك في الموضوع فانا هستفسر من حضراتكم بعد إذنكم طبعا بما اني بقيت واحد منكم
1- اول حاجة ضايقتني من العربية هي المرايات ! المرايات مش بتكشف الطريق بشكل كويس يعني في الياريس المرايا بتبقى جايبلي الطريق كويس اوي بعكس في الفيرنا حسيت اني يدوبك ببقى شايف العربية اللى على بعد حارة واحدة مني ! ابعد من كدة مش بتجيب ؟ ؟ ودي حاجة خلتني مش عارف اركز في السواقة وملخوم ! هل ده الطبيعي بتاع مرايا الفيرنا ؟ ولا المرايا دي مش اصلية وملعوب فيها ؟
2- الدركسيون يعتبر نوعا ماتقيل شوية ! هو مايعتبرش تقيل بصراحة بس مقارنة بدركسيون الياريس تقيل على الرغم اني في الياريس مجنط وحاطط كاوتش عريض والدركسيون بعد الجنط تقل شوية عن الاول بس برضوا اخف وانعم من فيرنا ! ! فهل عشان الياريس باور كهرباء ؟ بس انا برضوا كنت بسمع كتير عن ان الفيرنا الدركسيون بتاعها ناعم وخفيف جدا ؟ ؟
3- الكلاكس ! ! صعب اوي بصراحة هو لازم اضغط على كلمة هيونداي عشان تكلكس ؟ ؟ ايه الشلل ده ؟ انا ببقى عايز اكلكس وبدوس مافيش اكتشفت اني لازم اضغط على كلمة هيونداي ؟ ده الطبيعي برضوا ؟ ولو الطبيعي هل ليها حل ؟
4- بحكم ان العربية عاملة 150 الف كيلو المفروض اشيك على ايه عشان ابقى مطمن ؟ وايه احسن زيت ممكن احطه ؟ انا بفكر في ليكوي مولي او فولفين ؟
5- الدبرياش نوعا ما سعات كدة بحسه بيتقل مع الغيارات ! مش عارف ليه
6- العربية بتعمل صوت غريب كدة وانا برجع لورا خاصا وانا بركن ؟
فيه شوية ملاحظات تانية كانت على بالي وانا سايق بس بصراحة نسيتها
لكن فيه حجات برضوا ضايقتني من العربية غير موضوع المرايات والكلاكس ! الفتيس المشاوير بتاعته قصيرة وبتلخبط ! يمكن عشان انا في الاول لسه ومش متعود عليها
يعني مرة بدل مادي التاني اديت الرابع ! خايف الواحد بدل مايدي الرابع يدي ال R هتبقى كارثة
دي الملاحظات اللى على بالي حاليا واكيد هيبقى فيه ملاحظات تانية هكتشفها مع كتر المشاوير والتعود على العربية
لكن انا ملاحظ ان اغلبها ملاحظات بسبب بس ان العربية جديدة عليا او الواحد غصب عنه بيقارنها بالعربية اللى كان سايقها قبل كدة فحاسس باختلاف شكلا وموضوعا في كل حاجة !
بس مع التعود الامور دي هتبقى احسن كتير ان شاء الله
وانا مبسوط وسعيد اني بقيت احد افراد قسم هيونداي ونشوفكم على خير في اقرب مقابلة ان شاء الله
..
رقم العضوية : 120922
تاريخ التسجيل : 24Feb2012
المشاركات : 21
النوع : ذكر
الاقامة : مصر
السيارة: lma ageb al2ola :D
السيارة[2]: lessa isa
الحالة :
ههههههههههه
واللة ضحكتنى
على العموم الف مبروك وربنا يكفيك شرها
رقم العضوية : 119672
تاريخ التسجيل : 27Jan2012
المشاركات : 6,807
النوع : ذكر
الاقامة : النزهه الجديدة
السيارة: اتباعت
السيارة[2]: lanos 1.5 16 v
دراجة بخارية: لا يوجد
الحالة :
مبروك ولما تتعلم عليها وتحفظها يبقه نجرب الشد لانوس 1500 مع فيرنا 1500 بس خسارة ياريتها كانت 1600
رقم العضوية : 97771
تاريخ التسجيل : 05May2011
المشاركات : 487
النوع : ذكر
الاقامة : nozha
السيارة: corolla2009mmt
السيارة[2]: fait132
دراجة بخارية: لا يوجد
الحالة :
انا اول ماشوف الموضوع باسمك فى الشريط اللى فوق انا قولت اية اتخليت عن مابدءك و بعت التويوتا الحمد لله انها لسة موجودة كنت هزعل
رقم العضوية : 62792
تاريخ التسجيل : 20Feb2010
المشاركات : 2,961
النوع : ذكر
الاقامة : Almaza/Nasr City
السيارة: الحمد لله
السيارة[2]: New Accent
دراجة بخارية: None
الحالة :
الف مبروك على انضمامك لفريق هيونداى وكلها كام يوم ونقرا موضوعك تجربة الشد بين المارد الكورى والمارد الكوري برضه.هههههه
-مش شرط العربية ترجع من التوكيل تكون مغيرة زيت.وبالنسبة لاختيار الزيت ما بين فلفولين وليكوى مولى يبقى انصحك تقرا التقارير المكتوبة عن الاتنين وتحدد على اساسها لان النوعين كويسين واوروبى وتقريبا كفاءة واحدة.
من اوتوماتيك لمانوال اكيد هتحس بفرق كبير وهتتعود عليها بسرعة وانصحك تشوف واحد صاحبك او حبيبك يجرب العربية ويقولك محتاجة تتظبط (يعنى مثلا الدبرياش محتاج يعلى-يوطى).
ابقى برضه شيك على الكاوتش وشوفهم غيروه ولا محتاج تغيير.
الكلاكس ديه عادية (حتى فى النيو اكسنت) بيضرب فى اى مكان الا تحت.(مش عارف ليه)
ايه الصوت الغريب مع المارشدير(نحرة ولا طقة ولا ايه بالظبط)
المرايات ممكن يكونوا اتغيروا ولكن بص على فيرنا تانية وشوف شكلهم.مع اننى اعتقد ده من عدم التعود على العربية لسة.
الدريكسيون تقيل.اخبار زيت الباور ايه(شيك عليه وشوف ناقص-زيادة).
ونشوفك على خير فى مقابلة هيونداى الجاية.
[marq="3;right;3;scroll"]لا حول ولا قوة الا بالله العلى العظيم
[/marq]
رقم العضوية : 3737
تاريخ التسجيل : 16Dec2007
المشاركات : 1,830
النوع : ذكر
الاقامة : cairo-makkah
السيارة: byd L3 Auto 2015
السيارة[2]: Ford explorer 2008
دراجة بخارية: i don't have
الحالة :
مارد مين كل سنة و حضرتك طيب
لعمرك مـا الإنسـان إلا بدينـه فلا تترك التقوى اتكالاً على النسب
فقد رفع الاسلامُ سلمـانَ فـارسٍ وَقَدْ وَضَعَ الشِّرْكُ الشَّرِيْفَ أَبَا لَهَبْ
رقم العضوية : 20472
تاريخ التسجيل : 28Sep2008
المشاركات : 7,471
النوع : ذكر
الاقامة : Cairo - Alrehab
السيارة: Hyundai - Getz 2007
السيارة[2]: Elantra AD - 2017
دراجة بخارية: -----
الحالة :
ألف مبروك العربية الجديدة (اللي مش جديدة أوي) و مرحبا بك معنا عضو جديد في اسرة هيونداي الكبيرة
و عايزين منك بقي رسم أشتراك في قسم هيونداي قرش واحد و ضريبة دمغة 50 قرش
ههههههههههه
المهم تشارك معانا بفاعلية و تفيد الاعضاء بقدر أستفادتك منهم قدر أستطاعتك
رقم العضوية : 7018
تاريخ التسجيل : 06Mar2008
المشاركات : 6,388
النوع : ذكر
الاقامة : Cairo
السيارة: Mercedes C200
السيارة[2]: Golf MKII
دراجة بخارية: Honda CBR 400 FireBlade
الحالة :
ده انت هتطلع عينها .. ربنا يستر عليها.
عموما المارد الكورى دى الفيرنا ال 1600 .. انما ال 1500 دى .. يعنى .. ممكن تقول التنين الكورى :-)
القران الكريم بجودة صوت عاليه جدا
http://www.nilemotors.net/Nile/230790-a.html
رقم العضوية : 45137
تاريخ التسجيل : 19Aug2009
المشاركات : 935
النوع : ذكر
الاقامة : 6 OCTOBER
السيارة: AVEO 5 AT 2009
السيارة[2]: COROLLA MT 2007
دراجة بخارية: no
الحالة :
مبرووووووووك على العربية وربنا يكفيك شرها ويعطيك خيرها
الناس كانت بتابع مواضيعك فى قسم تويوتا دلوقتى انضميت للهيونداى ومستنيين مواضيعك الشيقه
طبعا موضوع التبطيل ده عيب عربيه (وانت لسه مش متعود عليها) مش عيب فيك لانها لو كانت كورولا مانيوال مثلا كان الموضوع هيختلف شكلا وموضوعا (بصراحة طريقتك تخلى الواحد يتخيل الموقف وضحك جامد)
انا كان معايا كورولا 2007 مانيوال 1300 من الزيرو وسواقتها كانت متعه فى كل حاجه واخويه سلموه شيفورليه لانوس زيرو 2012 مشقادر اقولك اقسم بالله مشوفت سواقه اسوء من كدا (مع احترامى لملاك الانوس) بالله عليكو محدش يزعل منى بس دى اللى حسيتو بالفعل بالنسبه للكورولا كانت متعه دبرياش - صوت موتور - تكييف - وسع - تحكم - سحب - رااااااااااااحه .........الخ
رقم العضوية : 24342
تاريخ التسجيل : 06Nov2008
المشاركات : 1,357
النوع : ذكر
الاقامة : في صالون العربية
السيارة: يارب ان شاء الله ix35
السيارة[2]: بفضل الله ماتريكس
دراجة بخارية: no
الحالة :
مباااااااااارك عليك
المفضلات