الموضوع: نفسى اعيش واشتغل فى اسرائيل !

مقدرش اقولك هاتتظبط امتى بس هى مش باين لها تظبيط خالص
كل يوم اسود من اللى قبله ربنا يبارك للمجلس العسكرى و مجلس الشعب

ليه اخترت اسرائيل بالذات شوف اي دوله تانيه واحنا معاك

اسرائيل المرتبات فيها احسن و التأمين الصحي افضل من امريكا

بس لازم تطلع بعقد عمل من هنا علشان لو روحت من غير عقد حتتبهدل

انت بتتكلم جد ؟؟؟ هي جابت معاك كده ؟؟

اسرائيل ؟؟؟

يا اخي الغريب انك عارف مين مبسوط انك تكرة بلدك بالشكل ده و بالرغم من كده عاوز تروح تشتغل عنده و يرميلك ملاليم و يكرهك في بلدك اكتر

طيب اقولك علي حاجة .. ايه رأيك لو امريكا ولا اسرائيل نورونا هنا و احتلوا البلد .. هايوفروا عليك تذاكر الطيران و الفيزا
و اهو اسمك بتشتغل في بلدك بردو

هاتبقي مبسوط .. صح ؟؟
ولا تزعل نفسك

المشاركة الأصلية كتبت بواسطة aboomar22

لو عندك احساس الرغبة فى البعد شوية مفيش مشكلة حاول تشوف شغل فى اى دولة عربية او اوربية لو تقدر ابعد شوية هتعرف برضه قيمة بلدك مهما حصل منها صدقنى ده كلام اللى اكبر منك سنا سافر كتير وشاف كتير عارف وانت بره وعايش كويس كنت بحس باية كان مثلا انا معايا عربية نقول البيجو بتاعتى التعبانة وواحد سابلى مثلا عربية باسات لفترة معينة سواء طويلة او قصيرة هيلا عربية هايلة بس انت حاسس انها مش بتاعتك وعارف ان مسيرك لترجع لحاجتك الاصلية اللى انت مش عارف انها كانت كويسة لانها بتاعتك انت عارف لو حد ماشى وقالك ايه العربية القذرة دى هتمسك فيه وتضربة مع انك انت بتقول عليها كده

والله انا عارف اننا فى نعمة وكلامك صح 100% كمان كل التجارب اثبتت صحته على مدى سنين بس الحال دلوقت غير السنين اللى فاتت ..ازاى تقدر تعيش فى وطن كله كدب ونفاق وتمثيل...انا موافق انى اعيش وسط الكدب و النفاق وغيره وغيره..بس احس انى ليا قيمه على ارضها ..احس انى رايح الصبح اشتغل علشان خاطر افيد نفسى بلدى ...مش يتسد نفسى من كتر الكدب والكلام المتزوق .نفسى بلدى تعاملنى زى ما بلد عمرها صغير جدا جدا 200 سنه بتعامل ولادها كانهم أمن قومى .سامحونى بس انا عايز افضفض بس مش قادر اتكلم بصوت عالى لحسن زمايلى يتهمونى بالخيانة.
هو لو دخلنا حرب لا قدر الله ممكن الحال يكون احسن..التجربة اثبتت اننا بنكون رجالة فى وقت الحروب وبيبان معدنا الاصلى اللى هو سايح دلوقتى فى كل مكان.
طيب لو دخلنا حرب هيكون عندى انتماء انى ادافع عن بلدى على ارضها ولا هدافع عن اهلى وبيتى بس واقول ماليش دعوه بأخويا اللى فى اول الشارع؟
حد يقولى فى حالتى دى ..انا هنفع تانى ولا لاء..هيفضل جوايا انتماء للبلد دى ولا لاء..هيفضل جوايا نخوه لكرامة البلد ولا لاء ..كرامة ..الكلمة دى من زمان مسمعتهاش حتى فى التليفزيون..
ااااااااااااه يا خيبتى