الموضوع: أيه اللى مفروض أستلمه مع اللوجان أوتوماتيك

السلام عليكم يا شباب
أنا تعبت جدا من مواضيع الأسعار و المعارض و الحجز بقالى شهر بدور
المهم قدامى دلوقتى 3 حلول :
- أدفع حجز و استنى لأخر الشهر عشان أستلم (محمد زكى - السبع) ب 80 ألف.
- أو أدفع حجز و أستلم بكرة (لون مش عايزه) ب 80500.
- أو ادفع حجز و أستلم بكرة اللون اللى عايزه نبيتى ب 81000.

الألوان اللى مش عايزها موجودة فى كذا معرض - اللون النبيتى مش موجود غير فى معرض واحد.

يا ريت تقولولى رأيكم بسررررررررررررررررررررررر رررررررررررررررررعة

الحاجة الأهم للناس اللى إستلمت : أيه اللى مفروض أستلمه مع العربية عشان أنا جديد فى الصنف (أول عربية).

و شكرا جزيلا

المشاركة الأصلية كتبت بواسطة rasmy28

اولا مبروك مقدما ومعلشى العربيه نادره شويه فى الاول الناس شاطره تشتم فيها وتقولك محدش بيشترها ومفيش حد ملقيها اصلا

شوف انا طبعا ميال انك تستنى لاخر الشهر وتوفر الالف لكن خايف انصحك النصيحه دى العربيه تغلى ولا حاجه ترجع تدعى عليه

لكن هو المستبعد انك تاخد لون مش حابه لان العربيه هتفضل معاك ان شاء الله مده طويله فخد الون النته مرتاح فيه

انا جيبها من المصريه ب 80 الف بس مكنشى فى مبيتى فاخترت البترولى الهو كان اختيارى التانى
وسعيد بيه انا كنت اول دفعه حاجزها يوم 31/1 ومستلم 10/2 مرخص 14/2

اما العربيه بيجى معاها اريل + 4 طاسات + كوريك + هلب + دراع فك العجل + العجله الاستبن +الكتيبات ومفتاحين (واحد برموت والتانى لاه )
ده النا فكره يرت حد تانى يفيدك

ومتخفشى العربيه الجديده مفيش فيها اى خوف تلفها تاكد انها مش مخبوطه ولا مجرحه تفتح كل حاجه فيها تجربها تكيفك كاست كله تمام توكل على الله وربنا يبارك ليك وتفرح بيها

وتفرحنا وتقول تقريرك قريبا
ومعلشى شره العربيات فى بلدنا متعب شويه
من معاملة المعارض والتوكيل كانهم البيدونا الفلوس مش العكس
تحياتى
محمد رسمي

متشكر جدا على رد حضرتك