سلام عليكم
الموضوع وما فيه انه من شهرين كدا لقيت نور الفرامل والأستوب لايت ما بينوروش لما ادوس فرامل وكنت مشغول جدا ومفيش وقت اروح التوكيل فقولت اروح لمركز الصيانة المعتمد (المفروض) فرينش موتورز
اول مرة قالولى دا فيوز وشغلوها ومشيت مفيش اسبوعين لقيتها فصلت تانى راحوا موصلين العربية بالكمبيوتر وبعدين المهندس يقولى الكمبيوتر مش مدينى إيرور يبقا مفيش حاجة .. يا عمونا مفيش حاجة ازاى مهى مش بتنور قدام حضرتك اهى قالى مقدرش اغير حاجة مدام الكمبيوتر مش مدينى إيرور .. قولتله خلاص معلش شوفلى مكنة الأستوب
جه الفنى وشافها ونضفها وقالى دى كانت معلقة واتصلحت وبقت بتنور مفيش تلت اسابيع تانى فصلت روحتلهم تانى بس المرة دى اشتكيتهم فى التوكيل انهم مش راضيين يغيروها والعربية لسه فى الضمان روحت لقيتهم عندهم خبر وراحوا غيروها وشغلوها قدامى بتنور وتمام
جيت اركب وامشى اطلع المطب وانزل ما بتنورش طلعت ما بتنورش اساسا لما بهدى دا لازم اجيب اخر الدواسة تماما عشان تبتدى تنور رجعتلهم تانى قولتلهم المشكلة قعد يحاول يقنعنى انه كدا طبيعى واى عربية كدا ( على اساس انى عمرى ما ركبت عربيات قبل كدا ) وقالى انا عملت اقصى ما عندى وروح اى حتة هيقولولك كدا عادى ومقدرش اعملك اكتر من كدا ( طبعا كان واضح انهم بيغتتوا معايا ورفعولى البدال على الأخر بحيث انها ما تنورش إلا لو جبت اخره ) طلعت من عندهم قرفان طبعا وروحت لميكانيكى مفيش دقيقة كان عاملها ..
انا حبيت انقل تجربتى بس للناس عشان تاخد بالها واسف على الكلام الكتير :)
المفضلات