القصه ابتدت فى 27/12 سنه 2011
المهم قدمت على طلب تركيب نت اتصالات
كان عرض نازل السرعه بنص ثمنها
قولت ده كلام زى الفل اوى
اشترتكت فى باقه ال 1 ميجا
المهم التعاقد تم زى الصاروخ عشان هياخدوا فلوس
وعليها بئى لحد اخر شهر 2 عشان النت يركب
... واتكلمت مكالمات بدينى موبيل وارضى
و كلمت كل خدمه العملاء تقريبا والدعم الفنى
المهم بعد معاناه وسب لعن فيهم والى بيكلمنى منهم
عرفوا وطلعت من عندهم البهوات كانوا عاكسين خطين بيتوصلوا فى نفس الوقت بتاعى وبتاع واحد تانى فى القناطر برضو فى مفيش نت
المهم شمال يمين حد هايجى وياخد 75 جنيه لو المشكله من عندك ياعم انا جربت كل حاجه وجبت ناس من السنترال المهم هوا قفاش لا ال 75 جنيه لو المشكله من عندك
قولت يا فتاح يا عليم تعالى ياعم
طلعت المشكله من عندهم
المهم قالى هانعوضك عن الفتره دى وهاتتخصم من الفاتوره وحد هايكلمك طبعا
كل ده كان فى الحلم
جينا بئى من يومين رجعنا لاتصالات والنيله بتاعتها الخط طلع
unlimited طيب ده فل اوى وده الى اننا طالبه قالى
لا بس فى سياسه الاستهبال العادل
طيب فين الكلام ده من الاول ... قالى المفروض يكون اتقالك قولته نعم
اه وبعد المفروض قالى نقدم شكوى قولتله اه وبعد الشكوى قالى هايجى رد قولتله
الرد ممكن يكون ايه اكيد جيه حاله مشابهه ( ياعم مهو انا مش بقولك اضربلى الودع )
قالى انا مش هاتوقع... ده كلام تيم ليدر الى هوا بيحل المشاكل ...
طبعا هوا احسن مسمى ليه tomb rider
لا بيعرف يحل ولا يربط و حافظ مش فاهم يقولى انا اسف انا اسف
----------------
المهم النظام النيله ده مش نافع وانا عايز اغلى التعاقد .. بس هوا بأسم الحاجه ومش هاينفع انزلها عشان شويه تيتيتيتيتيتيتيتيتيت مش عارفين شغلهم
... وانا عايز الغى التعاقد مع ان وقت التعاقد انا الى مضيت مش هيا .. اعمل ايه ؟؟
-----------------
ملحوظه صغيره .. الكول سنتر بتاع اتصالات اخره يبئى كول سنتر لثنيه كفته بتاعه عريبه الكبده الى فى الشارع .. اكتر من كده مبيفهموش حاجه
.. ولا فاهمين ولاعارفين وكل واحد بكلمه حتى لو بكلمهم فى نفس الموضوع
المفضلات